Kurdî  ■  كوردی  ■  عربي
SUN, 22 OCT 2017 15:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

''لەمساڵدا گۆڕانکاری لە سیستەمی مووچەدا ئەولەویەتی حكوومه‌ت ده‌بێ''
| KDP.info


هەولێر-KDP.info-  (ئەحمەد عوسمان) راوێژکاری ئەنجومەنی وەزیران دەڵێ، لەگەڵ بەرزبوونەوەی نرخی نەوت لە مساڵدا پێشبینی دەکرێ کە دەستکاری سیستەمی مووچەی فەرمانبەران بکرێ. بۆ هەمان پرس (د.ئاراس خۆشناو) دەڵێ، لەمساڵدا گۆڕانکاری لە سیستەمی مووچەدا لە ئەولەویەتی یەکەمی سەرۆکی حکوومەت دەبێ.

 

(ئەحمەد عوسمان) راوێژکاری ئەنجوومەنی وەزیرانی هەرێمی کوردستان بە ماڵپەڕی فەرمیی پارتی دیموکراتی کوردستانی راگەیاند، لەنێو ئەنجوومەنی وەزیران ئەولەویەت بۆ مووچەی فەرمانبەرانە و، بەهەرجۆرێک بێ ئەو داهاتەی لە نەوت دەستدەکەوێ هەوڵدەدری بەخێرا بدریتە مووچەی فەرمانبەرانەوە، چاوەڕوانیش دەکرێ کە گۆڕانکاری لە نەرخی نەوتدا رووبدات و نرخی نەوت بەرزتربێ، ئەمەش کاردەکاتە سەر زیادبوونی داهاتی هەرێمی کوردستان.

دەشڵێ، ئەگەر نرخی نەوت بەرزبێتەوە پێشبینی دەکرێ کە دەستکاری سیستەمی مووچەی فەرمانبەران بکرێ، چونکە لە 2016ـدا ساڵێکی سەختبوو و حکوومەت قەرزێکی زۆری کۆمپانیاکی لەسەر بوو، پارەیەکی زۆریش بۆ دانەوەی ئەو قەرزانە تەرخان دەکرا.

لای خۆشیەوە (د.ئاراس خۆشناو) سەرۆکی سەنتەری زانیاری و لێکۆڵینەوەی ستراتیژیی کوردستان لە ئەنجوومەنی وەزیرانی هەرێمی کوردستان، بە ماڵپەڕی فەرمیی پارتی راگەیاند، "لەم مانگەدا پشت بە داهاتی نەوت دەبەسترێت و داهاتی ناوخۆش کۆ دەکرێتەوە، دواتر قەرزی کۆمپانیا بیانییەکان سووک کراون، چونکە لە ساڵی ڕابردوودا، بەتایبەت لە چوار مانگی کۆتایی ساڵی 2016، بە بەردەوام 185 ملیۆن دۆلاری قەرزی کۆمپانیاکان دراوەتەوە، ئەولەویەتی یەکەمی سەرۆکی حکوومەتیش ئەوە دەبێت کە لەمساڵدا گۆڕانکاری لە سیستەمی مووچەدا بکرێت، بەتایبەت ئەوانەی زەرەرمەند بوون و پارەیان لای حکوومەتە".

گوتیشی: "لەسەر دوو ئاست، هەموو ئەگەرەکان لەبەردەم حکوومەت کراوەیە، یەکەم: پێداچوونەوە بە سیستەمی پاشەکەوتی مووچەدا بکرێت. دووەم، چاکسازی لە سیستەمی ئیداریدا بکرێت، بەتایبەت دەرماڵەی دەرەوەی یاسا و ئەوانەی پلەی ناشایستەیان وەرگرتووە، ئەوانەشی لە شوێنێک پارە وەردەگرن، بۆیە بابەتی پێداچوونەوە بە سیستەمی پاشەکەوت، لە ئەولەویەتی کارەکانی حکوومەتی هەرێمی کوردستانە.”

کارزان سەباح هەورامی

 




دوایین هەواڵەکان

ئەنجومەنی قەزای شنگال: حەشدی شەعبی دەیەوێ کارەساتێکی دیکە لە شنگال دووبارە بکاتەوە

SUNDAY, 22 OCTOBER 2017 14:10:27

شنگال-KDP.info- سەرۆکی ئەنجومەنی قەزای شنگال دەڵێت، هاتنی حەشد بۆ ناوچە کوردستانییەکانی دەرەوەی ئیدارەی هەرێم بە هەموو شێوەیەک پێچەوانەی هەموو یاسایەک بوو.

سێ گەنجی کورد لە بەردەم کۆمسیۆنی باڵای یەکێتیی ئەوروپا مانگرتنیان ڕایگەیاند

SUNDAY, 22 OCTOBER 2017 14:10:43

برۆکسل-KDP.info- سێ گەنجی کورد لە بەردەم بارەگای کۆمسیۆنی باڵای یەکێتیی ئەوروپا لە بەرانبەر پێشلکارییەکانی حەشدی شەعبی دژی گەلی کورد لە هەرێمی کوردستاندا، مانگرتنیان ڕاگەیاند.

وەزیری خوێندنی باڵا: بە یەکڕیزی و یەکتیمی درێژە بە کاروانی خەبات و خزمەتکردنی خەڵک دەدەین

SUNDAY, 22 OCTOBER 2017 14:10:22

ھەولێر-KDP.info- وەزارەتی خوێندنی باڵا و توێژینەوەی زانستی لە کۆبوونەوەی ھەفتانەی وەزارەتەکەدا ڕایگەیاندووە، حکوومەتی ھەرێمی کوردستان بە یەک تیم درێژە بە کاروانی خەبات و خزمەتکردن بە کۆمەڵانی خەڵکی کوردستان دەدات، لەم قۆناخە ھەستیار و ناسکەدا کاری لە پێشینەمان دەستکردن و گەشەپێدانە بەو کاروبارانەی کە لە پێشمانە.

32 پارت و لایەنی سیاسیی دژی دوو ئیدارەیی لە کوردستان دەوەستنەوە

SUNDAY, 22 OCTOBER 2017 14:10:37

هەولێر-KDP.info-  ٣٢ پارت و لایەنی سیاسیی کوردستان سەبارەت بە بارودۆخى سیاسى هەرێمى کوردستان و هاتنەپێشى ئەگەر و پێشهاتەکان لە شارى هەولێر کۆبوونەوە و ، لە کۆبوونەوەکەدا بەوردى بارودۆخى ئێستاى هەرێمى کوردستان هەڵوەستەى لەسەرکرا و شرۆڤەکرا و، لە کۆبوونەوەکەدا جەختیان لە یەکریزی گەلی کوردستان و دیالۆگ لەگەڵ بەغدا کردەوە..هەروەها حکوومەتی هەرێمی کوردستانیان بە نوێنەرایەتی گەلی کوردستان بۆ دیالۆگ دانا.

لە کۆبوونەوەی لایەنەکاندا جەخت لە پتەوکردنی پێگەی حکوومەت و هێنانەئارای یەکڕیزی کرایەوە

SUNDAY, 22 OCTOBER 2017 13:10:06

هەولێر-KDP.info-  لە کۆنفڕانسی ڕۆژنامەوانیی هاوبەشی نێوان لایەنە کوردستانییەکاندا، (مەحموود محەممەد) ئەندامی مەکتەبی سیاسیی پارتی دیموکراتی کوردستان ڕایگەیاند، "یەکڕیزی و پتەوکردنی نێوماڵمان، هەست بەرپرسارەتی و پێویستیی تێپەڕاندنی دۆخەکە، گفتوگۆ لەگەڵ بەغدا، بابەتی سەرەکیی کۆبوونەوەی نێوانمان بووە."

 


 
© 2017 Kurdistan Democratic Party, KDP