Kurdî  ■  كوردی  ■  عربي
THU, 19 APR 2018 12:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

رەهەندی سیاسیی سەردانەكەی ئۆلاند
| KDP.info


ئاریان فەرەج

دەگوترا رۆژئاوا كورد و پێشمەرگەیان تەنیا بۆ تێكشكاندنی داعش دەوێت، هاتنی وەفدە باڵاكانیان و هاوكاری و ستاییشیان بۆ كورد و پێشمەرگە هیچ رەهەندێكی سیاسی و ئاییندەیی تێدا نییە و، تەنیا بۆ هاندانیانە تا وەك هێزێكی شەڕكەری سەرزەمین لە جیاتی ئەوان بجەنگن و ئەركی ئەوان سووك بكەن و لە بری ئەوان قوربانی بدەن و شەڕانگێزی و بەڵای داعشیان لەكۆڵ بكەنەوە.


لە سەرینی ئەم خۆبەكەمزانی و بەدگومانیییشەوە، پێشبینی دەكرا لەگەڵ لاوازبوون و تێكشكانی داعش و بچوكبونەوەی قەڵەمڕەویەكەیدا، ئیدی رۆژئاوا لە كورد و پێشمەرگە بێمنەت بێ و كاری پێیان نەمێنێ و بایەخ و پشتگیرییشی بۆ كوردستان كۆتایی بێت و دەرەنجام كورد لەو جەنگە خوێناوی و پڕ قوربانییە فڕیوخواردوو و دەست بەتاڵ دەرچێ.

سەردانی فەرمیی سەرۆككۆماری فەرەنسا بۆ هەولێر لەم سەرەتای ساڵەدا و لە سەروبەندی تێكشكان و پاشەكشەی داعش و داڕمانی خەلافەت و قەڵەمڕۆییەكەیدا و، لە كاتێكدا مانگێك زیاترە پێشمەرگە جگە لە پاراستنی سەنگەر و سنوورەكانی كوردستان، فیشەكێكی بە داعشەوە نەناوە و ئەركە سەربازییەكانی روو لە تەواوبوونە، سەرلەبەری ئەو بەدگومانی و تەسكبینی و خۆبەكەمزانینەی بەدرۆ خستەوە.

ئەم سەردانە ئاماژەیەكی رۆشن بوو كە پەیوەندیی كوردستان و رۆژئاوا گەیشتووەتە ئاستی پەیوەندییەكی ستراتیجی و فرەڕەهەند و پەیوەندییەكی سیاسییە بەرلەوەی سەربازی بێ.

ئاماژەكانی پشتی ئەم سەردانە و تەوقیتەكەی، پێیگوتین: كوردستان سەركەوتوو بوو لەوەی بەهاكانی خۆی لەگەڵ بەهاكانی جیهانی موتەمەدین بسازێنێ، ببێتە هاوبەها و هاوڕوانگای كولتووری لەگەڵ كۆمەڵگای لیبرال و دیموكراتخوازی جیهان بەرلەوەی هاوسەنگەری بێت لە شەڕدا.

پێیگوتین: كوردستان لە رۆژئاوادا، هاوشانی حكوومەت و فەرمانڕانان، هاوسۆزییەكی بەهێزی رای گشتی و لۆبی و گرووپگەلی كاریگەری گوشاری لەگەڵن كە گوزارشت لە ئیرادەی زیندووی میللەتانیان دەكەن .

پێیگوتین: دۆزی كورد بووەتە یەكێك لەو بابەتە گەرمانەی نوخبەی سیاسیی وڵاتانی دیموكرات لە هەڵبژاردن و كێبەڕكێی نێوخۆیییاندا مونافەسەی لەسەر دەكەن.

پێیگوتین: كوردستان لە روانگای ستراتیجبینی رۆژئاواییەكاندا بەشێكە لە ئایندە، لە جیۆپۆلیتێك و سیستمێكی سیاسیی نوێ كە بۆ دابینكردنی سەقامگیریی ئەمنی و تەئمینی بەرژەوەندییەكانی جیهان لە رۆژهەڵاتی ناوەڕاستی نوێدا، وا نەخشەی بۆ دەكێشرێ.

پێیگوتین: كوردستان وەك چۆن بە بازووی پێشمەرگەكانی بەشدارێكی كاریگەری تێكشكاندنی سەربازیانەی داعش بوو، بە بەها بەرزەكانی پێكەوەژیان و فرەیی و لێبوردەییی ئایینی و ئایینزایی و نەتەوەیی كە تێیدا بەرقەرار و رێزلێگیراون، دەتوانێ لە شەڕی فكریی دژی داعش و هەڵتەكاندنی هزری توندرۆیی داعشفكران و قورتاركردنی مرۆژایەتی لەم بیرە دژەمرۆڤەدا، بە هەمان شێوە سەرمەشق و نموونە و بەشدارێكی كاریگەر بێ.

كوردستان گەرچی بۆ داكۆكی لە خاك و خەڵكی خۆی بەرسینگی لە داعش گرت و تێكی‌شكاند، بەڵام لە شەڕی دلێرانەیدا هەموو دونیای كردە هاوسۆز و قەرزارباری خۆی، وێنای خۆیشی لە بەرچاوی جیهان وەك مییللەتێك نەخشاند كە چیتر شایستەی بندەستی و پاشكۆیەتی نییە و لە رووی ئەخلاقییەوە، بۆ جیهان مایەی نەنگی و شەرمێكی گەورەیە گەر چیتر ئەم میللەتە ئازادیخوازە بندەست و ستەملێكراوی دەستی خەڵكانێك بێت كە جگە لە تەخەلوف و توندرۆیی و داعش، هیچی دیكەیان بۆ مرۆڤایەتی بەرهەم نەهێناوە.
بۆیە ئەم سەردانەی ئۆلاند یەكجار گرینگتر بوو لەوەی رابردوو.




دوایین هەواڵەکان

ئافرەتان: لەپێناو دەستکەوتی زیاتردا، دەنگ بە لیستی 184 دەدەین

THURSDAY, 19 APRIL 2018 11:04:27

سۆران-KDP.info-  لە درێژەی بانگەشەی هەڵبژاردن لە سنووری شارۆچكەكانی سۆران، رۆژ بە رۆژ جەماوەری پارتی ڕوو لە زیادبوونە، ئافرەتانی ئەو سنوورە دەڵێن، تاكە حزب لە كوردستان كە خۆی بە خەمخۆری ئافرەتان زانیوە پارتییە و، لیستی 184ـیش دەستكەوتی زیاتر بەدی دێنێت، بۆیە دەنگی پێ دەدەن.

 
نەجیبە نەجیب: مەترسیدارترین هەڕەشە بۆ سەر عێراق دوای داعش، گەندەڵییە

THURSDAY, 19 APRIL 2018 11:04:11

هەولێر-KDP.info- ئابووریناسێك باس لەوە دەكات، زۆر جار بەرپرسانی حكوومەتی عێراق بۆ پەردەپۆشكردنی گەندەڵی و بندیوارەكانی خۆیان، پەنجەی تۆمەت بۆ هەرێمی كوردستان درێژ دەكەن، لە كاتێكدا عێراق گەندەڵترین وڵاتە لە جیهاندا، ئەمەیش بەپێی راپرسییە نێودەوڵەتییەكان.

 
گوتەبێژی هۆزە عەرەبەكان، هەستمان بە جیاوازیی پێكهاتەكان نەكردووە.. پشتیوانی لیستی 184 دەكەین

THURSDAY, 19 APRIL 2018 10:04:33

نەینەوا-KDP.info- گوتەبێژی هۆزە عەرەبەكان لە ناوچەكانی سنووری ماددەی 140 دەڵێت، داوایان لە تەواوی لایەنە عەرەبەكان كردووە لە سنووری ناوچەكانی ماددەی 140 و ئەوانەی لە هەرێمی كوردستانن، دەنگ بە لیستی ژمارە 184ـی پارتی دیموكراتی كوردستان و كاندیدەكانیان بدەن .

 
سێ كچی ڕفێندراوی ئێزدی لە سووریا رزگار كران

THURSDAY, 19 APRIL 2018 10:04:13

هەولێر-KDP.info- سێ كچی دیكەی كوردی ئێزدی كە سێ ساڵ بەر لە ئێستا رفێندرابوون، لە سووریا رزگار كران و سەرۆكی ئەنجوومەنی باڵای كاروباری خانمانیش دەڵێ، تا یەك كچ و ژنی رڕفێندراو لە دەست داعشدا مابێت، كار بۆ رزگاركردنی دەكەن و سەرۆكوەزیرانی ھەرێمیش ھەموو ھاوكارییەكی كردوون.

 
وه‌زاره‌تی دارایی داوا ده‌كات، ده‌روونى مووچه‌خۆران، تێكه‌ڵ به‌ بانگه‌شه‌ى هه‌ڵبژاردن و ململانێى حزبى نه‌كرێن

WEDNESDAY, 18 APRIL 2018 22:04:41

هه‌ولێر-KDP.info-  وێڕای ڕه‌تكردنه‌وه‌ی هه‌واڵێكی كه‌ناڵى KNN و به‌ ناڕاست وه‌سفكردنی، له‌ ڕوونكردنه‌وه‌یه‌كدا وه‌زاره‌تی دارایی و ئابووری، داوا ده‌كات داموده‌زگاكانى حكوومه‌ت و ده‌روونى مووچه‌خۆران، تێكه‌ڵ به‌ بانگه‌شه‌ى هه‌ڵبژاردن  و ململانێى حزبى نه‌كرێن.

 


 
© 2018 Kurdistan Democratic Party, KDP