Kurdî  ■  كوردی  ■  عربي
THU, 14 DEC 2017 09:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەنوەری حاجی عوسمان: سەرۆك بارزانیم لە خۆم خۆشتر دەوێ.. وازم نەهێناوە
| KDP.info


 هەولێر-KDP.info  (ئەنوەری حاجی عوسمان) ده‌نگۆی وازهێنانی لە دەوامی وه‌زاره‌تی پێشمه‌رگه‌ ره‌ت ده‌كاته‌وه‌ و ده‌ڵێ، بەهۆی ئەوەی کە باری تەندروستیی جێگیر نییه‌ نەچووەتە دەوام. 

 

 (ئەنوەری حاجی عوسمان) بریكاری وەزارەتی پێشمەرگە بە ماڵپەڕی فەرمیی پارتی دیموکراتی کوردستانی راگەیاند، ''ئەو زانیاریانە لە گۆڤاری لڤین و هەندێ دەزگای دیكەی رایگەیاندن بڵاو كراونەتەوە دەربارەی من، گوایە لەبەر ئەوەی نەكراومەتە وەزیر ناچمە دەوامی وەزارەت، سەرەتا دەبوو مێدیاكان پرسیارێكیان لە بەندە بكردایە مادام باسەكە لەسەر منە، ئینجا شت لەسەر من بڵاو بكەنەوە.''

 

(ئەنوەری حاجی عوسمان) دەشڵێ، ''من بەهیچ شێوەیەك سەردانی (سەرۆك بارزانی)ـم نەكردووە بە مەبەستی ئەوەی داوای پۆستی لێ بكەم، لە ژیانیشمدا داوای پۆست و پلەم نەكردووە و پۆست و پلە بەدوای مندا ڕادەكەن، چونكە ئەوەی تا ئێستا پێمكرابێت بۆ میللەتەكەمم كردووە، ئەوەی نەمكردووە بیكەم ئەوا پێم نەكراوە و ده‌رفه‌ت نه‌بووه‌ تا زیاتر خزمەتی میللەتەكەم بكەم.''

 

له‌باره‌ی دەوامی وەزارتی پێشمەرگەشه‌وه‌ گوتی، ''من ماوەیەكە بەهۆی تێكچوونی رەوشی تەندروستیمەوە نەچوومەتە دەوام، بەڵام نەچوونم ئەوە نییە من لەبەر ئەوەی نەكراومەتە وەزیر ناچم بۆ دەوام، بەڵكو رەوشی تەندروستیم رێگەم پێنادات، هه‌ڵبه‌ت برادەرێكی دیكەمان لەوێ كاری بریكاری وەزارەت بەڕێوە دەبات.''

 

(ئەنوەری حاجی عوسمان) روونی کردەوە، ''چەندین جار چوومەتە خزمەت (سەرۆك بارزانی) بێ ئەوەی داوای هیچ پۆستێكی لێ بكەم، (سەرۆك بارزانی)یش هەمیشە وەك كوڕێكی خۆی سەیری منی كردووە لەوەی وەك پێشمەرگە و كادیرێك سەیرم بكات، منیش (سەرۆك بارزانی)م لە خۆم خۆشتر دەوێ.''

 

قائید میرۆ

 




دوایین هەواڵەکان

پێنج فراكسیۆنی كوردی، داوای روونكردنه‌وه‌ له‌ نه‌ته‌وه‌ یه‌كگرتووه‌كان ده‌كه‌ن

WEDNESDAY, 13 DECEMBER 2017 22:12:54

هه‌ولێر-KDP.info-  فراكسیۆنه‌ كوردییه‌كانی ئه‌نجوومه‌نی نوێنه‌رانی عێراق، له‌باره‌ی رووداوه‌كانی شارۆچكه‌ی خورماتوو داوای روونكردنه‌وه‌ له‌ نه‌ته‌وه‌ یه‌كگرتووه‌كان ده‌كه‌ن. ئه‌وان داوا ده‌كه‌ن له‌باره‌ی چۆنیه‌تیی سه‌ردانیان بۆ ئه‌و شارۆچكه‌ روونكردنه‌وه‌ی زیاتر بده‌ن.

 
هه‌رێمی كوردستان و ئیتالیا پێوه‌ندییه‌كانیان پته‌وتر ده‌كه‌ن

WEDNESDAY, 13 DECEMBER 2017 22:12:51

هولێر-KDP.info-  له‌ دیداری نێوان سه‌رۆكوه‌زیرانی هه‌رێمی كوردستان و شاندێكی ئیتالیاییدا جه‌خت كرایه‌وه‌، په‌یوه‌ندییه‌كانى هه‌رێمی كوردستان و ئیتالیا به‌رده‌وام بن و زیاتر بره‌ویان پێبدرێت.

 
نێچیرڤان بارزانی: پێکهاتەکانی هەرێم کەمینە نین و پێکهاتەی رەسەنی خاوەن رەگ و ریشەی مێژوویی ئەم وڵاتەن

WEDNESDAY, 13 DECEMBER 2017 19:12:48

هەولێر-KDP.info-  شاندی حكوومه‌تی هەرێمی کوردستان له‌گه‌ڵ لایه‌نه‌ سیاسییه‌كانی كلدان، سریان، ئاشووری کۆبوویەوە و سه‌رۆكوه‌زیرانی هه‌رێمی كوردستان (نێچیرڤان بارزانی) لە کۆبوونەوەکەدا دووپاتی كرده‌وه‌ ئه‌و پێكهاتانه‌ی له‌ هه‌رێمی كوردستان هه‌ن وه‌ك كه‌مینه‌ نین، به‌ڵكو پێكهاته‌یه‌كی ڕه‌سه‌نی خاوه‌ن ڕه‌گ و ڕیشه‌ی مێژووییی ئه‌م وڵاته‌ن.

پڕۆژیاسایه‌كى هاوبەشى چاكسازى ره‌وانەی پەرلەمان دەکرێت

WEDNESDAY, 13 DECEMBER 2017 19:12:30

هەولێر-KDP.info- حكوومەتی هەرێمی کوردستان و پەرلەمانی کوردستان كۆك بوون كه دابینكردنى مووچه ئه‌وله‌ویه‌تى كارى حكوومه‌ت و په‌رله‌مان بێت، چاكسازیشیان به پێویست و گرینگ زانی، به‌تایبه‌تى له كه‌رتى وه‌زیفه‌ى گشتى و مووچه و خانه‌نشیندا، بۆ ئه‌م مه‌به‌سته‌ش ڕێكه‌وتن كه پڕۆژیاسایه‌كى هاوبەشى چاكسازى بهێنرێته په‌رله‌مان.

لیژنەیەکی پەرلەمان لە زەوییە زێدەڕۆییەکانی قەزای شەقڵاوە دەکۆڵێتەوە

WEDNESDAY, 13 DECEMBER 2017 17:12:48

هەولێر-KDP.info- بە مەبەستی بەدواداچوون و چارەکردنی زەوییە زێدەڕۆیی و سەرپێچییەکانی سەرزەویوزاری دەوڵەت، لیژنەیەک لە پەرلەمان سەردانی شەقڵاوەی کرد و لەگەڵ یەکە ئیدارییەکانی ئەو قەزایە ڕا و سەرنجیان لەسەر ئامادەکردنی پڕۆژه‌یاسای زێده‌ڕۆیی له‌سه‌ر مڵكی ده‌وڵه‌ت دەربڕی، کە یاسایەکی وا دەربچوێندرێت بۆ چارەکردنی ئەو کێشانە.

 


 
© 2017 Kurdistan Democratic Party, KDP