هەولێر-KDP.info- (مەسعوود بارزانی) سەرۆكی هەرێمی كوردستان پێشوازی لە (هادی ئەلعامری) ئەمینداری گشتیی ڕێكخراوی بەدر و فەرماندەی هێزی حەشدی شەعبیی عێراقی کرد و، لەدیدارەکەدا بارودۆخی مەیدانیی بەرەكانی ڕووبەڕووبوونەوەی تیرۆریستان لە پارێزگاكانی ئەنبار و سەلاحەدین و دیالی و شوێنەكانی دیكە تاوتوو كرا.
ڕۆژی شەممە 12ـی 3ـی 2016 لە سەلاحەدین (مەسعوود بارزانی) سەرۆكی هەرێمی كوردستان پێشوازی لە (هادی ئەلعامری) ئەمینداری گشتیی ڕێكخراوی بەدر و فەرماندەی هێزی حەشدی شەعبیی عێراقی و شاندێكی یاوەری كرد.
لە دیدارەكەدا بارودۆخی مەیدانیی بەرەكانی ڕووبەڕووبوونەوەی تیرۆریستان لە پارێزگاكانی ئەنبار و سەلاحەدین و دیالی و شوێنەكانی دیكە تاوتوێ كرا و هەر دوولا جەختیان لەوە كردەوە كە پێویستە لەناوبردن داعش ئەولەویەتی هەموو لایەك بێت.
هەر لەم كۆبوونەوەیەدا بارودۆخی سیاسیی عێراق و دوا پێشهات و گۆڕانكارییەكان خرایە بەر باس و گفتوگۆ.