Kurdî  ■  كوردی  ■  عربي
MON, 27 MAY 2019 17:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

غەریب حەسۆ: بۆ کۆبوونەوە لەگەڵ سەرۆکایەتیی ھەرێم، ساڵح موسلم دێتە ھەولێر
| KDP.info


نوێنەری پەیەدە لە ھەرێمی کوردستان(غەریب حەسۆ)

ھەولێر-KDP.info-  نوێنەری پەیەدە لە ھەرێمی کوردستان دەڵێت، وەها بڕیارە رۆژ دووشەممە (ساڵح موسلم)، سەردانی ھەولێر بکات و لەگەڵ سەرۆکایەتیی ھەرێمی کوردستان لەبارەی دۆخی رۆژئاوای کوردستانەوە کۆ ببنەوە.

نوێنەری پەیەدە لە ھەرێمی کوردستان(غەریب حەسۆ) بە kdp.infoی راگەیاند: "وەها بڕیارە رۆژی دووشەممە ھاوسەرۆکی پەیەدە(ساڵح موسلم)، لەسەر داخوازیی سەرۆکایەتیی ھەرێمی کوردستان، بێتە ھەولێر و لەگەڵ سەرۆکایەتیی ھەرێمیش لەبارەی دۆخی رۆژئاوای کوردستان کۆ ببێتەوە."
نوێنەری پەیەدە لە ھەرێمی کوردستان گوتیشی، لە کۆبوونەوەکەدا چەند تەوەرێک باس دەکرێن، بەڵام رەوشی رۆژئاوای کوردستان، بە تایبەت کۆبانی، پرسی سەرەکیی کۆبوونەوەکە دەبێ.
(غەریب حەسۆ) ڕوونیشی کردەوە، "سەرۆکایەتیی ھەرێمی کوردستان و حکوومەتی ھەرێم پشتگیریی خۆیان بۆ کۆبانی راگەیاندووە، کە ئەمەش جێگەی سوپاسە و ھێوادارین لە بواری پراکتیکیەوەیش ھاوکاریی رۆژئاوای کوردستان بکرێت."
سەبارەت بە ھاتنی ئاوارەکانی کۆبانییش بۆ ھەرێمی کوردستان، (حەسۆ) گوتی، خەڵکی رۆژئاوای کوردستان ھەرێمی کوردستان بە ماڵی خۆیان دەزانن و ھەست ناکەن ئاوارەن، بەڵکو ھەست دەکەن لەسەر خاکی خۆیانن و خزمەتیشیان لەلایەن ھەرێم پێشکەش کراوە.
لەبارەی رەوشی کۆبانێوە (حەسۆ) زیاتر گوتی: "ماوەی 27رۆژە شەڕێکی سەخت لە کۆبانێ بەردەوامە و، رۆژ بە رۆژیش ھێرشی چەکدارانی داعش بۆ سەر کۆبانی زیاتر دەبێت و لە سێ قۆڵەوە، ھێرشی سەر کۆبانی دەکرێت، لە رۆژھەڵات و رۆژئاوا و باشوورەوە، بەڵام زیاتر لە رۆژھەڵات ھێرش دەکرێت، ئەمەش بۆ ئەوەیە کە ڕێی باکوور بۆ کۆبانی بگرن و ھاتوچۆ قەدەخە بکەن و، بە تەواوەتی گەمارۆی بدەن، بەداخەوە هێشتایش لەسەر ئاستی نێودەوڵەتی ھاوکاریی کۆبانی نەکراوە."

بڵند ئیبراھیم




دوایین هەواڵەکان

كوردستانیان بە گرنگییەوە دەڕواننە هەڵبژاردنی سەرۆكی هەرێم

MONDAY, 27 MAY 2019 15:05:07

سۆران-KDP.info-  بڕیار وایە بەیانی پەرلەمانی كوردستان كۆ ببێتەوە و لەو كۆبوونەوەیەدا سەرۆكی هەرێمی كوردستان بۆ چوار ساڵی داهاتوو هەڵبژێردرێت. نێچیرڤان بارزانی ئەندازیاری ئاوەدانكردنەوە، كاندیدی لایەنەكانە بۆ ئەو پۆستە. كوردستانیان بە گرنگییەوە دەڕواننە هەڵبژاردنی سەرۆكی هەرێم و ئۆمێدێكی گەورەیان هەیە، كە لە چوار ساڵی داهاتوودا زۆر شتی باش دەكرێ و كۆتایی بە كێشە و قەیرانەكان دێت.

 
دوو کورد بوونەتە ئەندامی پەرلەمانی ئەورووپا

MONDAY, 27 MAY 2019 15:05:27

ئەڵمانیا-KDP.info- بەرپرسی ڕاگەیاندنی لیژنەی میونشنی پارتی دیموکراتی کوردستان لە ئەڵمانیا ڕایگەیاند، بەپێی ئەنجامەکان دوو کورد بوونەتە ئەندامی پەرلەمانی ئەورووپا.

 
"یاساكانی سه‌ددام حوسێن له‌ کەرکووک جێبه‌جێ ده‌كرێن"

MONDAY, 27 MAY 2019 15:05:55

کەرکووک-KDP.info - به‌رپرسێكی بزووتنه‌وه‌ی ئیسلامی له‌ کەرکووک ده‌ڵێ، ئێستا له‌ کەرکووک حوكمڕانیی سه‌رده‌می سه‌دام حوسێن شاره‌كه ‌به‌ڕێوه ‌ده‌بات، داعش زۆر به ‌فراوانی ده‌ستی بە جووڵه‌ كردووه‌ته‌وه‌، داوای نیوه‌ی داهاتی كشتوكاڵ له‌ جووتیاران ده‌كات، یان كشتوكاڵه‌كه‌یان ده‌سووتێنێت، ئیداره‌ی شاریش ته‌نیا خه‌ریكی به‌عه‌ره‌بكردنه‌.

 
مافی مرۆڤ: تاوانەکانی دژی کوردانی ناوچە کوردستانییەکان بە تیرۆر ھەژمار دەکرێن

MONDAY, 27 MAY 2019 15:05:24

هه‌ولێر-KDP.info-  بەرپرسێکی دەستەی گشتیی مافی مرۆڤ داوای کرد ئەوانەی تاوانیان دژی خەڵکی ناوچە کوردستانییەکان کردووە، بدرێنە دادگا و بە ماددەی تیرۆر دادگایی بکرێن. دەشڵێ، لە دووای ١٦ی ئۆکتۆبەرەوە پێشێلکاریی مافی مرۆڤ لەو سنوورانە زیادی کردووە.

 
د. محەمەد: ئیدارەی كەركووك فشارێكی زۆری خستووەتە سەر ھاووڵاتییانی كورد

MONDAY, 27 MAY 2019 14:05:03

كەركووك-KDP.info- بەرپرسی لقی پارتی لە كەركووك پێی وایە، ھیچ ھەنگاوێكی كردەیی لە لایەن بەغداوە بۆ ئاساییكردنەوەی ڕەوشی ئاڵۆزی كەركووك نەنراوە و دەشڵێ، تەعریب و فشارخستنەسەر ھاووڵاتییانی كورد لە سنووری پارێزگای كەركووك بەردەوامە.

 


 
© 2018 Kurdistan Democratic Party, KDP