Kurdî  ■  كوردی  ■  عربي
WED, 20 NOV 2019 23:06 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کوردانی ڕۆژئاوا ڕۆڵی سەرۆک بارزانی بەرز دەنرخێنن"
| KDP.info


 

 

هەولێر-KDP.info-  دوای هەڕەشەکانی ڕۆژانی ڕابردوو بۆ سەر ڕۆژئاوای کوردستان، کوردانی ڕۆژئاوا چاویان بڕیوەتە ھەوڵ و کۆششەکانی سەرۆک بارزانی بۆ چارەسەرکردنی ئەو پرسە و کەمکردنەوەی مەترسییەکان. لەوبارەیەوە ساڵح موسلیم دەڵێ، ھەڵوێستەکانی کاک مەسعوود بارزانی جێی سوپاسە.

 

ساڵح موسلیم، بەرپرسی پەیوەندییەکانی تەڤدەم دەربارەی ھەڵوێستی سەرۆک بارزانی لەبارەی گرژییەکانی ڕۆژئاوای کوردستانەوە دەڵێت: "ئەو هەڵوێستە بە شتێکی باش دەزانین و جێگەی سوپاسە، لەبەر ئەوەی پێویستە کورد ھەمووی بەو شێوەیە بێت و هەڵوێستی ھەبێت."

 

ساڵح موسلیم دەشڵێت: "ئومێدی زیاترمان لەسەر کاک مەسعوود بارزانی ھەڵچنیوە و دەتوانێت یەکێتیی کوردان دروست  بکات، بەتایبەتی دەتوانێت پەیوەندیی باشتر لەگەڵ ھاوپەیمانان پێک بێنێت.''

 

شیلان عەبدولحەمید، چالاکی کوردی ڕۆژئاوای کوردستان، بۆ ماڵپەڕی فەرمیی پارتی دیموکراتی کوردستان گوتی: "مەترسییەکانی سەر ڕۆژئاوای کوردستان ترس و دڵەڕاوکێی خستووەتە نێو کوردانی نیشتەجێی ڕۆژئاوای کوردستان و مەترسیی کارەساتی مرۆڤی دەکرێت لە ھەندێ ناوچەی ڕۆژئاوای کوردستان، چونکە ھەر شەڕێک ڕوو بدات ھاووڵاتیانی سڤیل قوربانیی یەکەمن."

 

دەربارەی ڕۆڵ و هەڵوێستەکانی سەرۆک بارزانی، ئەو چالاکەی ڕۆژئاوای کوردستان دەڵێت: "کوردانی ڕۆژئاوا لەمێژە چاویان لە هەڵوێستە بەھێزەکانی سەرۆک بارزانییە، چونکە بینیمان لە ڕابردوودا سەرۆک بارزانی ڕۆڵی بەرچاوی ھەبوو، ھەم بۆ حەواندنەوەی سەدانھەزار ئاوارەی ڕۆژئاوای کوردستان، ھەمیش بۆ لێکنزیکردنەوەی لایەنەکانی ڕۆژئاوای کوردستان، ئێستاش ئێمە لەگەڵ زیادبوونی مەترسییەکان چاومان بڕیوەتە سەرۆک بارزانی بۆ ئەوەی ھاوکار بێت بۆ دەربازکردنی ڕۆژئاوا لەو مەترسییانەی پەیدا بوونە."

 

شیلان عەبدولحەمید کە دوای ئاڵۆزییەکانی سووریا، وەک ئاوارە لە شاری ھەولێر نیشتەجێ بووە، ئاشکرای کرد: "دوای پەیدابوونی مەترسی بۆ سەر ڕۆژئاوای کوردستان بەردەوام خەڵکی ئێمە لەو ناوچانە پەیوەندیمان پێوە دەکەن و باس لە شەپۆلی ئاوارەبوونی خەڵک دەکرێت لە ئەگەری پەیدابوونی شەڕ، لەبەر ئەوەی ھاووڵاتیانی سڤیل ناتوانن دوای ئەو ھەموو شەڕ و ئاڵۆزییانەی ساڵانی ڕابردوو، جارێکی دیکە بەرگەی شەڕی دیکە بگرن و، بەتایبەتی دەیانەوێ ڕوو لە ھەرێمی کوردستان بکەن."

 

قائید میرۆ

 




دوایین هەواڵەکان

پایزی به‌غدا و گه‌ڵاڕێزانی تاران

WEDNESDAY, 20 NOVEMBER 2019 20:11:06

د.محه‌مه‌د خدرمه‌ولود 

 
" نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان "

WEDNESDAY, 20 NOVEMBER 2019 19:11:08

سلێمانی -KDP.info- مامۆستایەکی زانکۆ و پسپۆڕی بواری زانستە سیاسییەکان دەڵێ، سەرۆکی هەرێمی کوردستان ئەمڕۆ دۆزی کوردی بە بڕبڕەی پشتی سەقامگیری و هاوسەنگی لە ڕۆژهەڵاتی ناوەڕاستدا وەسف کرد. هاوکات هاووڵاتییان دەڵێن، نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان.

 

مەسروور بارزانی: ده‌مانه‌وێت پێوه‌ندیی دیپلۆماسیی باشترمان له‌گه‌ڵ جیهان هه‌بێت

WEDNESDAY, 20 NOVEMBER 2019 18:11:34

دهۆک-KDP.info-  مه‌سرور بارزانی، سه‌رۆكی حكوومه‌تی هه‌رێمی كوردستان، له‌ میانی (دیداری ئاشتی و ئاسایشی رۆژهه‌ڵاتی ناوه‌ڕاست)دا، كه‌ زانكۆی ئه‌مه‌ریكی - كوردستان له‌ دهۆك به‌ڕێوه‌ی ده‌بات، له‌ دیبه‌یتێكی تایبه‌تدا، ڕوانگه‌ی خۆیانی له‌مه‌ڕ پرسه‌ گرنگ و هه‌ستیاره‌كانی سه‌ر گۆڕه‌پانی سیاسیی كوردستان و عێراق و ناوچه‌كه‌، كێشه‌ و شه‌ڕ و ئاواره‌بوونی خه‌ڵك و كێشه‌ به‌رده‌وامه‌كانی ناوچه‌كه‌وه‌ خسته‌ڕوو. دواتر وه‌ڵامی چه‌ندین پرسیاری تایبه‌ت به‌ هه‌لومه‌رج و بارودۆخی ناوچه‌كه‌ی دایه‌وه‌، كه‌ له‌لایه‌ن ئاماده‌بووانه‌وه‌ ئاراسته‌ی كران.

 
"لەسەر فەرمانی مەسروور بارزانی ٥٢ برینداری چەکی کیمیایی بۆ چارەسەرکردن ڕەوانەی ئێران دەکرێن"

WEDNESDAY, 20 NOVEMBER 2019 16:11:06

ھەڵەبجە-KDP.info- لەسەر فەرمانی مەسروور بارزانی، سەرۆکوەزیرانی ھەرێمی کوردستان ژمارەیەک برینداری چەکی کیمیایی ڕەوانەی وڵاتی ئێران دەکرێن و سەرۆکی کۆمەڵەی قوربانیانی کیمیابارانی ھەڵەبجەش دەڵێ، ڕۆژانی داھاتوو ئەو بریندارنە دەگواسترێنەوە بۆ ئێران.

 

هە‌ڵه‌بجه‌ییه‌كان داوا ده‌كه‌ن نەیەڵن یاسای هه‌ڵبژاردنه‌كان بەبێ پشکی پارێزگای هەڵەبجە تێپەڕ ببێت

WEDNESDAY, 20 NOVEMBER 2019 15:11:04

هەڵەبجە -KDP.info- به‌ هۆكاری ئه‌وه‌ی دوو پڕۆژه‌ی سه‌رۆكایه‌تیی كۆمار و سه‌رۆكایه‌تیی ئه‌نجومه‌نی وه‌زیرانی عێراق گەیشتوونه‌ته‌ ئه‌نجومه‌نی نوێنه‌رانی عێراق بۆ یاسای هه‌ڵبژاردنه‌كان و كه‌مكردنه‌وه‌ی كورسیی ئه‌نجومه‌نی نوێنه‌ران و، خوێندنه‌وه‌ی یه‌كه‌می بۆ كراوه‌، به‌شدارنه‌بوونی هه‌ڵه‌بجه‌ وه‌ك پارێزگا نیگه‌رانیی شه‌قامی هه‌ڵه‌بجه‌ی به‌دووای خۆیدا هێناوه‌، سه‌رۆكی فراكسیۆنی پارتیش ده‌ڵێ، نایه‌ڵن هه‌ڵه‌بجه‌ وه‌ك پارێزگا له‌ هه‌ڵبژاردنه‌كان بێبه‌ش بكرێت.

 



 
© 2018 Kurdistan Democratic Party, KDP