Kurdî  ■  كوردی  ■  عربي
TUE, 12 NOV 2019 03:52 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆک بارزانی پێشوازیی لە کونسوڵی ئەمەریکا لە هەولێر کرد
| KDP.info


هەولێر-KDP.info-  ڕۆژی چوارشەممە ٩ـی١٠ـی٢٠١٩ لە سەلاحەددین سەرۆك مەسعود بارزانی پێشوازی لە ستیڤ ڤیگن كونسوڵی ئەمەریكا لە هەولێر کرد.

لەو کۆبوونەوەیەدا لەبارەی دۆخی سووریا و ئەگەری ڕوودانی شەڕ و کارەسات گفتوگۆی ورد و ڕاشكاوانە کرا و سەرۆک بارزانی جارێکی تر نیگەرانیی قووڵی خۆی لە ئەگەری ڕوودانی کارەسات بۆ کوردی سووریا دەربڕی و داوای کرد ئەمەریکا و هاوپەیمانیی نێودەوڵەتی دژی تیرۆر، بۆ پاراستنی گەلی کورد ڕۆڵی خۆیان ببینن.

سەرۆک بارزانی لەو دیدارەدا ڕوونی کردەوە کە گەلی کورد لەچوارچێوەی شەڕی دژی تیرۆردا قوربانی زۆری داوە و ئێستا چاوەڕوانیمان لە ئەمەریکا و هاوپەیمانان و کۆمەڵی نیودەوڵەتی هەیە ڕێگە نەدەن بە بەرچاوی ئەوانەوە گەلی کورد توشی کارەساتی تر بێت و لەو بارەیەوە بەرپرسیارێتی گەورە دەکەوێتە سەرشانی ئەمەریکا و هاوپەیمانان.

هەر لە دیدارەکەدا باسی گرژی و ئاڵۆزییەکانی ئەم دواییەی پارێزگاکانی عێراق کرا و سەرۆک بارزانی ڕوونی کردەوە کە ئێمە لەگەڵ ئەوەداین داواکارییە شەرعییەکانی خەڵک جێبەجێ بکرێن، لە هەمانکاتدا دژی ئەوەین بەرپرسیارێتیی گەندەڵییەکانی ڕابردوو بخرێتە ئەستۆی حکوومەتی ئێستا و کەسانێکی هەلپەرست کە خۆیان بەرپرسی دۆخەکەن، ئێستا بۆ دژایەتیی سەرۆکوەزیران بیانەوێ سواری شەپۆلی ناڕەزایەتیی خەڵک بن و لەوبارەیەوە پشتیوانیی خۆی بۆ حکوومەتی بەڕێز عادل عەبدولمەهدی دووپات کردەوە.




دوایین هەواڵەکان

سەرۆکی حکوومەتی هەرێمی کوردستان پێشوازی لە شاندێکی پارتی سۆسیالیستی کوردستان.باکوور دەکات

MONDAY, 11 NOVEMBER 2019 18:11:13

هەولێر-KDP.info-  ئەمڕۆ دووشەممە 11/11/2019 مەسرور بارزانی سەرۆکی حکومەتی هەرێمی کوردستان پێشوازی لە شاندێکی باڵای پارتی سۆسیالیستی کوردستان - باکوور بە سەرۆکایەتی مەسعود تەک سەرۆکی پارتەکە کرد.

نێچیرڤان بارزانی جه‌ختی له‌ چاكسازیى وه‌زاره‌تى پێشمه‌رگه‌ كرده‌وه‌‌

MONDAY, 11 NOVEMBER 2019 18:11:11

هەولێر-KDP.info-  سه‌رۆكی هه‌رێمی كوردستان، نێچیرڤان بارزانى، لایه‌نه‌ په‌یوه‌نداره‌كانى سه‌رۆكایه‌تیى هه‌رێمى كوردستان و وه‌زاره‌تى پێشمه‌رگه‌ی راسپارد، كه‌ لیژنه‌ى تایبه‌ت بۆ به‌دواداچوونى پرۆسه‌ی یه‌كخستنه‌وه‌ی پێشمه‌رگه‌‌ پێكبهێنن و هه‌نگاوى كرده‌یى له‌ رێكخستنه‌وه‌ى بواره‌كانى كارگێڕى و یاسایى بنێن.

"ئەنجومەنی پارێزگای کەرکووک لە دادگای فیدڕاڵی سکاڵای تۆمار کرد"

MONDAY, 11 NOVEMBER 2019 16:11:02

هەولێر-KDP.info-بە تۆمەتی نایاساییبوونی بڕیاری ھەڵوەشاندنەوەی ئەنجومەنی پارێزگای کەرکووک ئەنجومەنی پارێزگای کەرکووک سکاڵایەکی لە دادگای فیدڕاڵیی عێراق تۆمار کرد و ئەندامێکی لیستی برایەتیش دەڵێ، بڕیاری پەرلەمان پێچەوانەی دەستوورە و چاوەڕێی بڕیاری دادگا دەکەن.

 

لیوا قارەمان: پڕۆژەیەک بۆ ڕێکخستەوەی ھێزەکانی پێشمەرگە ئامادە کراوە

MONDAY, 11 NOVEMBER 2019 15:11:43

هه‌ولێر-KDP.info- بەرپرسێکی وەزارەتی پێشمەرگە ئاشکرای کرد، پڕۆژەیەک بۆ ڕێکخستنەوەی ھێزەکانی پێشمەرگە ئامادە کراوە و دەشڵێ، یەکەکانی حەفتا و ھەشتا بە میکانزمێک دەخرێنە سەر میلاکی وەزارەتی پێشمەرگە.

 

"زێدەڕۆییی سەر زەویی پێکھاتەکان لادەبرێت"

MONDAY, 11 NOVEMBER 2019 15:11:22

هه‌ولێر-KDP.info- بە یاسا پارێزگاری لە زەویی پێکھاتەکان دەکرێت و نوێنەرێکی کریستیانەکانیش دەڵێ، لە زۆربەی ناوچەکان زێدەڕۆیی کراوەتە سەر زەویی کریستیانەکان و خەریکی لابردنی ئەو زێدەڕۆیانەن.

 



 
© 2018 Kurdistan Democratic Party, KDP