Kurdî  ■  كوردی  ■  عربي
WED, 20 NOV 2019 22:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فڕاكسیۆنە كوردستانییەكان دەنگیان بۆ هەڵپەساردنی كارەكانی ئەنجومەنی پارێزگاكان نەداوە
| KDP.info


بەغدا-KDP.info- سەرۆكی فڕاكسیۆنی پارتی دیموكراتی كوردستان لە ئەنجومەنی نوێنەرانی عێراق ئاشكرای دەكات، لە دانیشتنی دوێنێی ئەنجومەنی نوێنەرانی عێراقدا، لەبەر نادەستووریبوون رێگایان بە پەسەندكردنی هەڵپەساردنی كاری ئەنجومەنی پارێزگاكان نەدا و ڕەتیشی دە‌كاتەوە، كە وەكو فڕاكسیۆنە كوردستانییەكان دەنگیان پێ دابێت‌.

د. ڤیان سەبری، بە‌ ماڵپەڕی فەرمیی پارتی دیموكراتی كوردستانی ڕاگەیاند: "یەكێك لە بڕگەكانی كارنامەی دانیشتنی دوێنێی ئەنجومەنی نوێنەرانی عێراق، بریتی بوو لە هەڵپەساردنی كارەكانی ئەنجومەنی پارێزگاكانی عێراق، بەڵام بە هەوڵی فڕاكسیۆنە كوردستانییەكان ئەو بڕگەیە دەنگی لەسەر نەدرا و لابرا، لەبەر ئەوەی نادەستووری بوو، هەروەها سەرۆكی پەرلەمانیش گوتی كە دەبێت بدرێت بە لیژنەی یاسایی و ڕای خۆیان بدەن، چونكە دەستەواژەی هەڵپەساردنی ئەنجومەنی پارێزگاكان، نادەستوورییە‌."‌

سەبری ڕوونیشی كردەوە: "ئەنجومەنی پارێزگاكان، بەپێی یاسای ئەنجومەنی پارێزگاكانی ساڵی 2008 تەنها بە دوو رێگا دێتە هەڵوەشاندنەوە، یەكەم، لە رێگای پارێزگارەوە داوا دەكات كە پارێزگاكانیش بە جیا دەبن نەك هەموویان بەیەكەوە، ئەویش هۆكاری خۆی هەبێت، دووەمیان، بە دەنگی دوو لەسەر سێی ئەندامانی ئەنجومەن خۆیان دەتوانن ئەو كارە بكەن."

سەرۆكی فڕاكسیۆنی پارتی گوتیشی: "هەبوونی ئەنجومەنی پارێزگاكان دەستوورییە و لایەنی چاودێرین بەسەر پارێزگاوە، لە هەر پارێزگایەكیش كێشەیەك لەسەر ئەنجومەن هەبێت، دەبێت خۆیان داوای هەڵوەشاندنەوەی بكەن، نەك هەڵپەساردنی كارەكانی ئەنجومەن كە لە دەستووردا نەهاتووە."

 

نەشوان بەرزنجی




دوایین هەواڵەکان

پایزی به‌غدا و گه‌ڵاڕێزانی تاران

WEDNESDAY, 20 NOVEMBER 2019 20:11:06

د.محه‌مه‌د خدرمه‌ولود 

 
" نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان "

WEDNESDAY, 20 NOVEMBER 2019 19:11:08

سلێمانی -KDP.info- مامۆستایەکی زانکۆ و پسپۆڕی بواری زانستە سیاسییەکان دەڵێ، سەرۆکی هەرێمی کوردستان ئەمڕۆ دۆزی کوردی بە بڕبڕەی پشتی سەقامگیری و هاوسەنگی لە ڕۆژهەڵاتی ناوەڕاستدا وەسف کرد. هاوکات هاووڵاتییان دەڵێن، نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان.

 

مەسروور بارزانی: ده‌مانه‌وێت پێوه‌ندیی دیپلۆماسیی باشترمان له‌گه‌ڵ جیهان هه‌بێت

WEDNESDAY, 20 NOVEMBER 2019 18:11:34

دهۆک-KDP.info-  مه‌سرور بارزانی، سه‌رۆكی حكوومه‌تی هه‌رێمی كوردستان، له‌ میانی (دیداری ئاشتی و ئاسایشی رۆژهه‌ڵاتی ناوه‌ڕاست)دا، كه‌ زانكۆی ئه‌مه‌ریكی - كوردستان له‌ دهۆك به‌ڕێوه‌ی ده‌بات، له‌ دیبه‌یتێكی تایبه‌تدا، ڕوانگه‌ی خۆیانی له‌مه‌ڕ پرسه‌ گرنگ و هه‌ستیاره‌كانی سه‌ر گۆڕه‌پانی سیاسیی كوردستان و عێراق و ناوچه‌كه‌، كێشه‌ و شه‌ڕ و ئاواره‌بوونی خه‌ڵك و كێشه‌ به‌رده‌وامه‌كانی ناوچه‌كه‌وه‌ خسته‌ڕوو. دواتر وه‌ڵامی چه‌ندین پرسیاری تایبه‌ت به‌ هه‌لومه‌رج و بارودۆخی ناوچه‌كه‌ی دایه‌وه‌، كه‌ له‌لایه‌ن ئاماده‌بووانه‌وه‌ ئاراسته‌ی كران.

 
"لەسەر فەرمانی مەسروور بارزانی ٥٢ برینداری چەکی کیمیایی بۆ چارەسەرکردن ڕەوانەی ئێران دەکرێن"

WEDNESDAY, 20 NOVEMBER 2019 16:11:06

ھەڵەبجە-KDP.info- لەسەر فەرمانی مەسروور بارزانی، سەرۆکوەزیرانی ھەرێمی کوردستان ژمارەیەک برینداری چەکی کیمیایی ڕەوانەی وڵاتی ئێران دەکرێن و سەرۆکی کۆمەڵەی قوربانیانی کیمیابارانی ھەڵەبجەش دەڵێ، ڕۆژانی داھاتوو ئەو بریندارنە دەگواسترێنەوە بۆ ئێران.

 

هە‌ڵه‌بجه‌ییه‌كان داوا ده‌كه‌ن نەیەڵن یاسای هه‌ڵبژاردنه‌كان بەبێ پشکی پارێزگای هەڵەبجە تێپەڕ ببێت

WEDNESDAY, 20 NOVEMBER 2019 15:11:04

هەڵەبجە -KDP.info- به‌ هۆكاری ئه‌وه‌ی دوو پڕۆژه‌ی سه‌رۆكایه‌تیی كۆمار و سه‌رۆكایه‌تیی ئه‌نجومه‌نی وه‌زیرانی عێراق گەیشتوونه‌ته‌ ئه‌نجومه‌نی نوێنه‌رانی عێراق بۆ یاسای هه‌ڵبژاردنه‌كان و كه‌مكردنه‌وه‌ی كورسیی ئه‌نجومه‌نی نوێنه‌ران و، خوێندنه‌وه‌ی یه‌كه‌می بۆ كراوه‌، به‌شدارنه‌بوونی هه‌ڵه‌بجه‌ وه‌ك پارێزگا نیگه‌رانیی شه‌قامی هه‌ڵه‌بجه‌ی به‌دووای خۆیدا هێناوه‌، سه‌رۆكی فراكسیۆنی پارتیش ده‌ڵێ، نایه‌ڵن هه‌ڵه‌بجه‌ وه‌ك پارێزگا له‌ هه‌ڵبژاردنه‌كان بێبه‌ش بكرێت.

 



 
© 2018 Kurdistan Democratic Party, KDP