Kurdî  ■  كوردی  ■  عربي
WED, 20 NOV 2019 22:06 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

یەكێتیی زانایان: ناكرێت لەخۆوە مارەبڕین ئەنجام بدرێت.. ھەندێ كەسیش پارەیەكی زۆر وەردەگرن
| KDP.info


هەولێر-KDP.info- سەرۆكی یەكێتیی زانایانی ئایینی ئیسلامی لە كوردستان دەڵێ، لەگەڵ وەزارەتی ئەوقاف و پەرلەمانی كوردستان سەرقاڵی ئامادەكردنی پڕۆژەیەكن بۆ ھەمواركردنەوەی یاسای باری كەسی لە ھەرێمی كوردستان و دەشڵێ، گۆڕانكاری لە یاسای باری كەسیدا دەكرێت و پڕۆسەی مارەبڕینی ھاوژینان رێك دەخرێتەوە.

دكتۆر عەبدوڵڵا سەعید، سەرۆكی یەكێتیی زانایانی ئایینی كوردستان، بە ماڵپەڕی فەرمیی پارتی دیموكراتی كوردستانی راگەیاند: "ئێمە وەك یەكێتیی زانایان پڕۆژەیەكی نوێمان لە بەردەستە بۆ ماڕەبڕین، كە بابەتێكی كۆمەڵایەتیی گرینگە بۆ كۆمەڵگەی ئێمە و لەگەڵ وەزارەتی ئەوقاف و یەكێتیی پەرلەمانتاران و سەندیكای پارێزەران سەرقاڵی ئامادەكردنی پڕۆژەیاسایەكین بۆ رێكخستنەوەی پڕۆسەی مارەبڕینی ھاوسەران، لەبەر ئەوەی بابەتێكی ھەستیار و گرینگە بۆ وڵاتی ئێمە و بەداخەوە لە كاتی ھەمواركردنەوەی یاسای باری كەسی لە ساڵی ٢٠٠٨ نەتوانرا بە یەكجاری چارەسەری پرسەكە بكرێت".

سەرۆكی یەكێتیی زانایان دەڵێت: "لەسەر تاسەری ھەرێمی كوردستان ھەر ناوچەیەك بەپێی سنووری جوگرافی چەند كەسێك دیاری دەكرێن و تەنیا ئەو كەسانە مۆڵەتیان پێدەدرێت پڕۆسەی ھاوسەرگیری و مارەبڕین ئەنجام بدەن، ئێستاش بابەتەكە تێكەڵە، لە دادگا دادوەر مارە دەبڕێت و لە دەرەوە مامۆستای ئایینی و رۆشنبیری ئایینی تەنانەت ھەندێ كەس مارەبڕین ئەنجام دەدەن زانیاریی ئایینییان نییە".

 دكتۆر عەبدوڵڵا ئاماژەی بۆ ئەوەش كرد: "پڕۆسەكە بەرپرسیاریەتیی تێدایە و پێویستە تاقیكردنەوە بۆ ئەو كەسانە ئەنجام بدرێت، كە مۆڵەتی مارەبڕینیان پێدەدرێت و ھەموو وردەكارییەكان بخرێنە بەردەمیان تا بزانن كێ مافی ھەیە مارە بكرێت و تەمەنی چەندە، لەبەر ئەوەی  ناكرێت ھەر كەسە و لەخۆیەوە مارەبڕین ئەنجام بدات و بە یاسا رێك دەخرێت".

ناوبراو زیاتر گوتی: "ھەندێ كەس لە كاتی مارەبڕیندا پارەیەكی زۆر لە ھاووڵاتیان وەردەگرن و پڕۆسەكە بە دەرفەت دەزانن، بەڵام لە پڕۆژەیاسا نوێیەكەدا ھەمووی دیاری دەكرێت و نابێت كەس نرخی زیاتر وەربگرێت، بەڵكوو نرخی مارەبڕین بە یاسا دیاری دەكرێت".

 

قائید میرۆ

 

 




دوایین هەواڵەکان

پایزی به‌غدا و گه‌ڵاڕێزانی تاران

WEDNESDAY, 20 NOVEMBER 2019 20:11:06

د.محه‌مه‌د خدرمه‌ولود 

 
" نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان "

WEDNESDAY, 20 NOVEMBER 2019 19:11:08

سلێمانی -KDP.info- مامۆستایەکی زانکۆ و پسپۆڕی بواری زانستە سیاسییەکان دەڵێ، سەرۆکی هەرێمی کوردستان ئەمڕۆ دۆزی کوردی بە بڕبڕەی پشتی سەقامگیری و هاوسەنگی لە ڕۆژهەڵاتی ناوەڕاستدا وەسف کرد. هاوکات هاووڵاتییان دەڵێن، نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان.

 

مەسروور بارزانی: ده‌مانه‌وێت پێوه‌ندیی دیپلۆماسیی باشترمان له‌گه‌ڵ جیهان هه‌بێت

WEDNESDAY, 20 NOVEMBER 2019 18:11:34

دهۆک-KDP.info-  مه‌سرور بارزانی، سه‌رۆكی حكوومه‌تی هه‌رێمی كوردستان، له‌ میانی (دیداری ئاشتی و ئاسایشی رۆژهه‌ڵاتی ناوه‌ڕاست)دا، كه‌ زانكۆی ئه‌مه‌ریكی - كوردستان له‌ دهۆك به‌ڕێوه‌ی ده‌بات، له‌ دیبه‌یتێكی تایبه‌تدا، ڕوانگه‌ی خۆیانی له‌مه‌ڕ پرسه‌ گرنگ و هه‌ستیاره‌كانی سه‌ر گۆڕه‌پانی سیاسیی كوردستان و عێراق و ناوچه‌كه‌، كێشه‌ و شه‌ڕ و ئاواره‌بوونی خه‌ڵك و كێشه‌ به‌رده‌وامه‌كانی ناوچه‌كه‌وه‌ خسته‌ڕوو. دواتر وه‌ڵامی چه‌ندین پرسیاری تایبه‌ت به‌ هه‌لومه‌رج و بارودۆخی ناوچه‌كه‌ی دایه‌وه‌، كه‌ له‌لایه‌ن ئاماده‌بووانه‌وه‌ ئاراسته‌ی كران.

 
"لەسەر فەرمانی مەسروور بارزانی ٥٢ برینداری چەکی کیمیایی بۆ چارەسەرکردن ڕەوانەی ئێران دەکرێن"

WEDNESDAY, 20 NOVEMBER 2019 16:11:06

ھەڵەبجە-KDP.info- لەسەر فەرمانی مەسروور بارزانی، سەرۆکوەزیرانی ھەرێمی کوردستان ژمارەیەک برینداری چەکی کیمیایی ڕەوانەی وڵاتی ئێران دەکرێن و سەرۆکی کۆمەڵەی قوربانیانی کیمیابارانی ھەڵەبجەش دەڵێ، ڕۆژانی داھاتوو ئەو بریندارنە دەگواسترێنەوە بۆ ئێران.

 

هە‌ڵه‌بجه‌ییه‌كان داوا ده‌كه‌ن نەیەڵن یاسای هه‌ڵبژاردنه‌كان بەبێ پشکی پارێزگای هەڵەبجە تێپەڕ ببێت

WEDNESDAY, 20 NOVEMBER 2019 15:11:04

هەڵەبجە -KDP.info- به‌ هۆكاری ئه‌وه‌ی دوو پڕۆژه‌ی سه‌رۆكایه‌تیی كۆمار و سه‌رۆكایه‌تیی ئه‌نجومه‌نی وه‌زیرانی عێراق گەیشتوونه‌ته‌ ئه‌نجومه‌نی نوێنه‌رانی عێراق بۆ یاسای هه‌ڵبژاردنه‌كان و كه‌مكردنه‌وه‌ی كورسیی ئه‌نجومه‌نی نوێنه‌ران و، خوێندنه‌وه‌ی یه‌كه‌می بۆ كراوه‌، به‌شدارنه‌بوونی هه‌ڵه‌بجه‌ وه‌ك پارێزگا نیگه‌رانیی شه‌قامی هه‌ڵه‌بجه‌ی به‌دووای خۆیدا هێناوه‌، سه‌رۆكی فراكسیۆنی پارتیش ده‌ڵێ، نایه‌ڵن هه‌ڵه‌بجه‌ وه‌ك پارێزگا له‌ هه‌ڵبژاردنه‌كان بێبه‌ش بكرێت.

 



 
© 2018 Kurdistan Democratic Party, KDP