Kurdî  ■  كوردی  ■  عربي
WED, 20 NOV 2019 22:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

داستانی رەبیعە
| KDP.info


ئاریان فەرەج

بەر لە پێنج ساڵ، لە یەك لە قۆناغەكانی شەڕی سەخت و دژواری بەرەنگاربونەوەی داعشدا، لەشكری پێشمەرگەی كوردستان بە فەرماندەیی راستەوخۆی سەرۆك مەسعود بارزانی، لە هەڵمەتێكی فراواندا و بە نەخشەیەكی سەربازیی تۆكمە، خافڵگیرانە هێرشی كردە سەر مۆڵگەكانی داعش لە ناحیەی رەبیعە ولە ماوەی بیست و چوار سەعاتدا، ناوچەكەی لە بن دەست دەرهێنان. 

ئۆپەراسیۆنی ئازادسازیی رەبیعە تەنیا سەركەوتنێكی ئاسایی پێشمەرگە نەبوو لە شەڕی داعشدا، بەڵكو لە زۆر رەهەندەوە بایەخ و گرنگیی سەربازی و سیاسی و سایكۆلۆجیی تایبەتی هەبوو:

- سەركەوتنی هەڵمەتەكە تەنیا بە هێزوهیممەتی پێشمەرگە و بێ بەشداریی هاوپەیمانان، توانا و ئازایەتی و لێزانیی سەربازیی پێشمەرگەی لە شەڕی فراوانی بەرەییدا نیشانی هەموو دونیا دا. 

- ئەوكاتەی داعش لە رەبیعە شكا، هێشتا پاشەكشە و لاوازیی بەخۆوە نەدیبوو، بەڵكو لەوپەڕی بەهێزی و دڕندەیی و پڕچەكیدا بوو، بۆیە داستانی رەبیعە سەرەتای شكاندنی شەوكەت و غرور و ئەفسانەی داعش و گێڕانەوەی وورە بوو بۆ كۆی ئەو هاوپەیمانییەی لە جەنگی داعشدا بوون. 

- بەو هەنگاوە سەربازییە، دەروازیەك بۆ گەیشتن و بەهاناوەچوونی ئاوارە گیرخواردووەكانی چیای شنگال كرایەوە و ئیدی زەمینەش سازبوو بۆ دانان و جێبەجێكردنی نەخشەی ئازادكردنی تەواوی ناوچەكە.

- ئەو داستانە پیلانی پەلهاویشتنی داعشی بۆ دەڤەری حەسەكەی رۆژئاوا ئاستەنگ كرد و فشاری سەر كۆبانێی كەمكردەوە، جیا لەوەی خەیاڵی ئەو هێزە دڕندەیەی بۆ پەلاماردانی پێشخاپور و زاخۆ بە یەكجاری لەگۆڕنا. 

- یەكەمین جار بوو پێشمەرگەی كوردستان خاكێكی عەرەبی بگرێ و بیخاتە ژێر كۆنترۆڵی خۆی، ئەوەش لە رووی سیاسی و سایكۆلۆجییەوە تێكشكانێكی رەمزیی كەمەرشكێن بوو بۆ داعش و قەومەچێتی عەرەبی كە داعش یەك لە بەرهەمەكانیەتی. 

پێشمەرگەی كوردستان لە جەنگی درێژخایەنی رزگاریی نیشتمانیدا، شەڕی قارەمانانە و سەركەوتنی گەورەی لە قۆناغە جیاجیاكاندا تۆماركردووە، بەڵام جەنگی تێكشكاندنی داعش رەنگە سەختترین و خوێناویترینیان بێت. جەنگێك سەرۆك بارزانی ووتەنی: كەس بڕوای نەدەكرد تیایدا پێشمەرگە بەو چەكەی دەستی بتوانێ دوژمنێكی دڕندە و پڕ چەك و دەستڕەشی وەك داعش تێكبشكێنێ.




دوایین هەواڵەکان

پایزی به‌غدا و گه‌ڵاڕێزانی تاران

WEDNESDAY, 20 NOVEMBER 2019 20:11:06

د.محه‌مه‌د خدرمه‌ولود 

 
" نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان "

WEDNESDAY, 20 NOVEMBER 2019 19:11:08

سلێمانی -KDP.info- مامۆستایەکی زانکۆ و پسپۆڕی بواری زانستە سیاسییەکان دەڵێ، سەرۆکی هەرێمی کوردستان ئەمڕۆ دۆزی کوردی بە بڕبڕەی پشتی سەقامگیری و هاوسەنگی لە ڕۆژهەڵاتی ناوەڕاستدا وەسف کرد. هاوکات هاووڵاتییان دەڵێن، نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان.

 

مەسروور بارزانی: ده‌مانه‌وێت پێوه‌ندیی دیپلۆماسیی باشترمان له‌گه‌ڵ جیهان هه‌بێت

WEDNESDAY, 20 NOVEMBER 2019 18:11:34

دهۆک-KDP.info-  مه‌سرور بارزانی، سه‌رۆكی حكوومه‌تی هه‌رێمی كوردستان، له‌ میانی (دیداری ئاشتی و ئاسایشی رۆژهه‌ڵاتی ناوه‌ڕاست)دا، كه‌ زانكۆی ئه‌مه‌ریكی - كوردستان له‌ دهۆك به‌ڕێوه‌ی ده‌بات، له‌ دیبه‌یتێكی تایبه‌تدا، ڕوانگه‌ی خۆیانی له‌مه‌ڕ پرسه‌ گرنگ و هه‌ستیاره‌كانی سه‌ر گۆڕه‌پانی سیاسیی كوردستان و عێراق و ناوچه‌كه‌، كێشه‌ و شه‌ڕ و ئاواره‌بوونی خه‌ڵك و كێشه‌ به‌رده‌وامه‌كانی ناوچه‌كه‌وه‌ خسته‌ڕوو. دواتر وه‌ڵامی چه‌ندین پرسیاری تایبه‌ت به‌ هه‌لومه‌رج و بارودۆخی ناوچه‌كه‌ی دایه‌وه‌، كه‌ له‌لایه‌ن ئاماده‌بووانه‌وه‌ ئاراسته‌ی كران.

 
"لەسەر فەرمانی مەسروور بارزانی ٥٢ برینداری چەکی کیمیایی بۆ چارەسەرکردن ڕەوانەی ئێران دەکرێن"

WEDNESDAY, 20 NOVEMBER 2019 16:11:06

ھەڵەبجە-KDP.info- لەسەر فەرمانی مەسروور بارزانی، سەرۆکوەزیرانی ھەرێمی کوردستان ژمارەیەک برینداری چەکی کیمیایی ڕەوانەی وڵاتی ئێران دەکرێن و سەرۆکی کۆمەڵەی قوربانیانی کیمیابارانی ھەڵەبجەش دەڵێ، ڕۆژانی داھاتوو ئەو بریندارنە دەگواسترێنەوە بۆ ئێران.

 

هە‌ڵه‌بجه‌ییه‌كان داوا ده‌كه‌ن نەیەڵن یاسای هه‌ڵبژاردنه‌كان بەبێ پشکی پارێزگای هەڵەبجە تێپەڕ ببێت

WEDNESDAY, 20 NOVEMBER 2019 15:11:04

هەڵەبجە -KDP.info- به‌ هۆكاری ئه‌وه‌ی دوو پڕۆژه‌ی سه‌رۆكایه‌تیی كۆمار و سه‌رۆكایه‌تیی ئه‌نجومه‌نی وه‌زیرانی عێراق گەیشتوونه‌ته‌ ئه‌نجومه‌نی نوێنه‌رانی عێراق بۆ یاسای هه‌ڵبژاردنه‌كان و كه‌مكردنه‌وه‌ی كورسیی ئه‌نجومه‌نی نوێنه‌ران و، خوێندنه‌وه‌ی یه‌كه‌می بۆ كراوه‌، به‌شدارنه‌بوونی هه‌ڵه‌بجه‌ وه‌ك پارێزگا نیگه‌رانیی شه‌قامی هه‌ڵه‌بجه‌ی به‌دووای خۆیدا هێناوه‌، سه‌رۆكی فراكسیۆنی پارتیش ده‌ڵێ، نایه‌ڵن هه‌ڵه‌بجه‌ وه‌ك پارێزگا له‌ هه‌ڵبژاردنه‌كان بێبه‌ش بكرێت.

 



 
© 2018 Kurdistan Democratic Party, KDP