Kurdî  ■  كوردی  ■  عربي
WED, 20 NOV 2019 22:06 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کەرکووکی: به‌ دەنگی بەرز دەڵێین پارتی و کەرکووك ھەرگیز لە یەكتر جودا نابنەوە
| KDP.info


كه‌ركووك-KDP.info- ماوەیەکە ھەندێ لە راگەیاندنەکانی كەسان و گرووپە شۆڤێنییەكانی بە ناو عه‌رەب و بە ناو توركمان، دژ بە پارتی دیموکراتی کوردستان دەڵێن و دەنووسن و بەیاننامە دەر دەکەن، سەرۆکی ئەنجوومەنی سەرکردایەتی کەرکووک_ گەرمیانی پارتیش دەڵێ، کە بە هیچ شێوەیەک ناتوانن پەیوەندی نێوان پارتی و پێکهاتەکانی دیکەی نێو کەرکووک تێکبدەن.

دکتۆر کەمال کەرکووکی لە لێدوانێکیدا بۆ ماڵپەڕی فەرمیی پارتی دیموکراتی کوردستان، رایگەیاند، کە بە روونی دەڵێین ئەوانە بەھیچ شێوەیەك ناتوانن پەیوەندیی نێوان پارتی و پێکھاتەکانی دیکەی تورکمان و عارەب و کلدان سریان ئاشووری و ئەرمەنی و صابئەی مەندائی و کورد لە کەرکووك تێك بدەن، جەختیشی لەوە کردەوە، کە پارتی دیموکراتی کوردستان کار  بۆ بەدیھێنای مافی رەوای گەلی کوردستان و پێکەوەژیانی ئاشتییانەی گشت پێکھاتەکان  بەبێ جێاوازی و لەبەر رۆشنایی پەیمان و بڕیارەکانی نەتەوەیەکگرتووەکان و یاسای نێودەوڵەتی و مافی مرۆڤ و دەستووری عێراق و دادپەروەریی ئایینی دەکات.

سەرۆکی ئەنجوومەنی سەرکردایەتی کەرکووک_ گەرمیانی پارتی ئاماژەی بەوەشدا، کە ئەو کەس و گرووپانەی لە ناو و بوونی پارتی دیموکراتی کوردستان لە کەرکووك ھەراسان بوون و، ھاواریان لێ ھەڵساوە و دژایەتیی پارتی دیموکراتی کوردستان دەکەن، ئەو پارتییەی بۆ دیموکراسی و ئاشتی و نوێبوونەوە و مافی  زەوتکراوی گەلی کورد و کوردستانیان فیداکاریی کردووە و، لە رزگارکردنی کەرکووك رۆڵی گرینگی ھەبووە، پارتی دیموکراتی کوردستان و پێشمەرگە قارەمانەکانی بوو پێشی داعشیان گرت و کەرکووك و زۆر شوێنی دیکەیان لە داعش پاراست و، ھەنگاو بە ھەنگاو داعشیان راونا و لە ناو جەرگەی حەویجەش زۆر فیداكارانە و لە ھەڵمەتێکی نەوعیدا ژمارەیەك لە زیندانییانی دەستی داعشی رزگار کرد و ھێنانییەوە ھەرێمی کوردستان و، ئەو پارتییەی کە رۆڵی گرینگ و بنەڕەتیی ھەبوو  بۆ رزگار کردنی مووسڵ لە تیرۆریستانی داعش. 

کەرکووکی گوتیشی: "ئێستاش ئەو کەس و گرووپانە ئەوانەن، کە دژایەتیی پارتی دەکەن و ھەوڵ دەدەن پارتی دیموکراتی کوردستان  نەچێتەوە  ماڵ و لە شوێنی سرووشتیی خۆیان نەبن"!

ناوبراو جەختیشی لەوە کردەوە، کە ئەو جۆرە کەس و گروپانە باش دەناسن و لە رابردووشیان ئاگادارن و دەزانن بە کردەوە و پەیوەندییەکانیان نیگەرانن و تۆقیان چووە، چونکە خۆیان دەزانن نوێنەرایەتیی راستەقینەی عه‌رەب و تورکمانیش ناکەن و، باشیش دەزانن پارتی زۆر بەپاکی و بە دڵسۆزی بۆ گەل و مافی گەل کار دەکات، هەربۆیەشە توشی ھستیریا بوون و دەشزانن، کە رووی راستییان بۆ دڵسۆزانی کەرکووك و گشت عێراق و کوردستان دەردەکەوێت.

کەمال کەرکووکی گوتیشی: "ئێمەش بە دەنگی بەرز دەڵێین ئەو جۆرە کەس و گرووپانە با زۆر باش بزانن پارتی و کەرکووك  و گشت کوردستان و پێکەوەژیانی ئاشتییانە ھەرگیز لە یەكتر جودا نابنەوە".

 

خێڵان بەختیار

 

 




دوایین هەواڵەکان

پایزی به‌غدا و گه‌ڵاڕێزانی تاران

WEDNESDAY, 20 NOVEMBER 2019 20:11:06

د.محه‌مه‌د خدرمه‌ولود 

 
" نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان "

WEDNESDAY, 20 NOVEMBER 2019 19:11:08

سلێمانی -KDP.info- مامۆستایەکی زانکۆ و پسپۆڕی بواری زانستە سیاسییەکان دەڵێ، سەرۆکی هەرێمی کوردستان ئەمڕۆ دۆزی کوردی بە بڕبڕەی پشتی سەقامگیری و هاوسەنگی لە ڕۆژهەڵاتی ناوەڕاستدا وەسف کرد. هاوکات هاووڵاتییان دەڵێن، نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان.

 

مەسروور بارزانی: ده‌مانه‌وێت پێوه‌ندیی دیپلۆماسیی باشترمان له‌گه‌ڵ جیهان هه‌بێت

WEDNESDAY, 20 NOVEMBER 2019 18:11:34

دهۆک-KDP.info-  مه‌سرور بارزانی، سه‌رۆكی حكوومه‌تی هه‌رێمی كوردستان، له‌ میانی (دیداری ئاشتی و ئاسایشی رۆژهه‌ڵاتی ناوه‌ڕاست)دا، كه‌ زانكۆی ئه‌مه‌ریكی - كوردستان له‌ دهۆك به‌ڕێوه‌ی ده‌بات، له‌ دیبه‌یتێكی تایبه‌تدا، ڕوانگه‌ی خۆیانی له‌مه‌ڕ پرسه‌ گرنگ و هه‌ستیاره‌كانی سه‌ر گۆڕه‌پانی سیاسیی كوردستان و عێراق و ناوچه‌كه‌، كێشه‌ و شه‌ڕ و ئاواره‌بوونی خه‌ڵك و كێشه‌ به‌رده‌وامه‌كانی ناوچه‌كه‌وه‌ خسته‌ڕوو. دواتر وه‌ڵامی چه‌ندین پرسیاری تایبه‌ت به‌ هه‌لومه‌رج و بارودۆخی ناوچه‌كه‌ی دایه‌وه‌، كه‌ له‌لایه‌ن ئاماده‌بووانه‌وه‌ ئاراسته‌ی كران.

 
"لەسەر فەرمانی مەسروور بارزانی ٥٢ برینداری چەکی کیمیایی بۆ چارەسەرکردن ڕەوانەی ئێران دەکرێن"

WEDNESDAY, 20 NOVEMBER 2019 16:11:06

ھەڵەبجە-KDP.info- لەسەر فەرمانی مەسروور بارزانی، سەرۆکوەزیرانی ھەرێمی کوردستان ژمارەیەک برینداری چەکی کیمیایی ڕەوانەی وڵاتی ئێران دەکرێن و سەرۆکی کۆمەڵەی قوربانیانی کیمیابارانی ھەڵەبجەش دەڵێ، ڕۆژانی داھاتوو ئەو بریندارنە دەگواسترێنەوە بۆ ئێران.

 

هە‌ڵه‌بجه‌ییه‌كان داوا ده‌كه‌ن نەیەڵن یاسای هه‌ڵبژاردنه‌كان بەبێ پشکی پارێزگای هەڵەبجە تێپەڕ ببێت

WEDNESDAY, 20 NOVEMBER 2019 15:11:04

هەڵەبجە -KDP.info- به‌ هۆكاری ئه‌وه‌ی دوو پڕۆژه‌ی سه‌رۆكایه‌تیی كۆمار و سه‌رۆكایه‌تیی ئه‌نجومه‌نی وه‌زیرانی عێراق گەیشتوونه‌ته‌ ئه‌نجومه‌نی نوێنه‌رانی عێراق بۆ یاسای هه‌ڵبژاردنه‌كان و كه‌مكردنه‌وه‌ی كورسیی ئه‌نجومه‌نی نوێنه‌ران و، خوێندنه‌وه‌ی یه‌كه‌می بۆ كراوه‌، به‌شدارنه‌بوونی هه‌ڵه‌بجه‌ وه‌ك پارێزگا نیگه‌رانیی شه‌قامی هه‌ڵه‌بجه‌ی به‌دووای خۆیدا هێناوه‌، سه‌رۆكی فراكسیۆنی پارتیش ده‌ڵێ، نایه‌ڵن هه‌ڵه‌بجه‌ وه‌ك پارێزگا له‌ هه‌ڵبژاردنه‌كان بێبه‌ش بكرێت.

 



 
© 2018 Kurdistan Democratic Party, KDP