Kurdî  ■  كوردی  ■  عربي
SAT, 21 SEP 2019 08:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پێشمەرگەکان: شۆڕشی ئەیلوول شۆرشی هزری نەتەوایەتی بوو
| KDP.info


 

 

دهۆک -KDP.info- پێشمەرگەکان دەڵێن، شۆڕشی ئەیلوول وەک پراکتیک لەوەوە دروست بوو، کە حکوومەتی ناوەند ئامادەی ئەوە نەبوو کورد ھاوبەشی ڕاستەقینە بێت، کوردیش بە ڕابەرایەتیی باوکی ڕۆحی، بارزانی نەمر، ژێردەستیی قبووڵ نەکرد.

 

لە مێژووی کورددا چەندین شۆڕش و ڕاپەرین کراوە، بەڵام بەھۆی ئەوەی خاوەنی ستراتیژییەکی گشتی و ئایدۆلوژیایەکی گشتگیر نەبوون و ھەریەکەیان بۆ خواستی ناوچەیەک، یان دەڤەرێک بوون، بەئاسانی لە لایەن دوژمنان و ڕکابەرانیانەوە لەنێو بردراون و کونتڕۆڵ کراون.

 

شۆڕشی ئەیلوول بە ڕابەرایەتیی باوکی نەتەوەیی، مستەفا بارزانی، بە مکانیزم و ستراتیژییەکی دەوڵەمەند بە گیانی کوردایەتی، گشت چینوتوێژەکانی لەژێر یەک چەتردا کۆ کردەوە و دوای ئەوەی بێئومێد بوو لەوەی کە حکوومەتی ناوەند ددان بە مافەکانی کورددا بنێت، بۆیە زەنگی ڕووبەڕووبونەوەی لێ دا و لە ھەموو دەڤەرێک سەرکەوتن لە دوای سەرکەوتن بەدەست دەھات.

 

لەوبارەیەوە، فەرماندە، لیوا بەهجەت سێلکی، بە ماڵپەڕی فەرمیی پارتی دیموکراتی کوردستانی گوت: "گیانی کوردایەتی و شۆڕشگێری لە ناخی گشت تاکێکی کومەڵدا ڕووابوو، پیرۆزی و خۆشەویستیی پێشمەرگە و خەڵک بۆ شۆڕش وای کردبوو، ھەڵەکانی سەركەوتن زور سانا بن و ئەرکەکان بە سەرکەوتوویی بەڕێوە بچن."

 

لە شۆڕشی ئەیلوولدا گرنگی بە ھەموو بوارەکانی ژیان دەدرا، وەک بواری سیاسی، ئابووری، کۆمەڵایەتی و چەندین پرسی تر کە ئەوکات بۆ میللەتەکەمان گرنگ بوون.

 

شۆڕشی هزری

 

بەھۆی ئەوەی حکوومەتە یەک لەدوای یەکەکانی عێراق بەپێی نەخشەڕێگای خۆیان خەڵکی کوردستانیان لە خوێندن بێبەش دەکرد، بۆ ئەوەی لە جیھانی نوێ دووریان بخەنەوە، شۆڕش لە سەرجەم ناوچە ئازادکراوەکان چەندین قوتابخانەی کردەوە و گرنگیی زۆری بەو بوارە دا، ئەوەش بووە مایەی فرەوانکردنی ئاسۆی بیرکردنەوەی تاکی کورد.

 

ناوبراو گوتیشی: "ئەیلوول لە ڕووی ھزرییەوە لە مێژووی میللەتەکەماندا بە قوتابخانەی بیری نەتەوایەتی دادەنرێت و زۆربەی کەسایەتییە سیاسییەکانی گوڕەپانی ئێستا ڕاھێنراوی ئەو قوتابخانەیەن."

 

لیوا بەهجەت سێلکی دەشڵێت: "ڕۆژی دەستپێکی شۆڕشی ئەیلوول لە مێژووی گەلی کورددا بە وەرچەرخانێکی نوێ دادەنرێت، چونکە لە مێژوودا بو یەکەم جار بوو، کورد وەکو یەک دەست و یەک گیان ڕووبەڕووی دوژمنانی ببێتەوە، ھەگبەی دەوڵەمەندی باوکی ڕۆحیمان، بارزانی نەمر و سەرکردایەتیی کورد لە گۆڕەپانی ناوچەکەدا دوژمنانی تووشی شۆک کرد، بۆیە بەناچاری پەنایان بۆ دەوڵەتانی زلھێز و ویژدانمردوو برد، سەرەنجام لە وڵاتی جەزائیر بە پیلانێکی نێودەوڵەتی و لە ڕێککەوتننامەیەکی شوومدا گڕ و کڵپەی شۆڕشیان بەرەو کزی برد."

 

ئەوەی مایەی خۆشحاڵییە ئەوەیە کە قوتابیانی ئەو شۆڕشە مەزنە ڕووبەڕووی ئەو نسکۆیە بوونەوە و دەرفەتیان بە دوژمنان نەدا دوای پیلانە شوومەکەیان پشۆ بدەن و ھەرزوو خۆیان ڕێک خستەوە و ھاتنەوە گۆڕەپانی ڕووبەڕووبونەوە و درێژەیان بە خەباتی نەپچڕاو دا و سەرەنجام ئەو ئازادییە و حکوومەتی ھەرێمی لێ بەرھەم ھات، کە ئێستا گەلەکەمان لە سێبەری ئازادیدا دەژین و کوردستان بووەتە ناوەندێکی دیاری ناوچەکە. سێلکی وا دەڵێ.

 

لە کۆتاییدا سێلکی ئاماژەی بەوەش دا، کە لەژێر سایە و سێبەری قوتابیانی ئەو قوتابخانەیەدا بەدڵنیاییەوە سەرجەم مافەکان بەدی دەھێنرێن و میللەت بەرەو دواکەناری ئارامی و ئازادی دەبردرێت.

 

هاوکات پێشمەرگەی دێرین، شێخ عەلی خەلەف، دەڵێت: "لە شۆڕشی ئەیلوولدا توانیمان بیری نەتەوایەتی بەهێزتر بکەین، بۆیەش ئەو نەوە نەتەوایەتییە بەرهەمی ئەو شۆڕشەن، جگە لە هەموو دەستکەوتەکان دەستکەوتی هزریی هەبوو."

 

شێخ عەلی بە ماڵپەڕی فەرمیی پارتی دیموکراتی کوردستان دەڵێت: "لە شۆڕشی ئەیلوولدا گیانی یەکرێزی و یەکگۆتاری هەبوو، گەلی کورد بە هەموو شێوەیەک نەیهێشت دوژمن بگاتە ئامانجەکانی و، بە ڕابەرایەتیی باوکی ڕۆحیی گەلی کورد، مستەفا بارزانی، توانیمان هەموو پیلانەکانی دوژمنان پووچەڵ بکەینەوە."

 

گوتیشی: "لەو شۆڕشەدا نەک تەنیا پیاو، بگرە ئافرەتیش هاوشانی پیاوان دەجەنگان و ڕۆڵیان هەبوو، بۆیەش جیاوازییەکەی ئەوە بوو. ئافرەتی کورد لە ڕووی هزری نەتەوایەتییەوە هاوکاریی پێشمەرگەی دەکرد."

 

کــاروان بــاعەدری




دوایین هەواڵەکان

مەکتەبی سیاسی پارتی سەرەخۆشی له‌ به‌ڕێز مه‌حمود عیسا جاف ده‌كات

SATURDAY, 21 SEPTEMBER 2019 00:09:15

ھەڤاڵی به‌ڕێز مه‌حمود عیسا جاف 

 
سەرۆکی حکومەتی هەرێمی کوردستان ئیدانەی تەقینەوەکەی شاری کەربەلا دەکات .

FRIDAY, 20 SEPTEMBER 2019 23:09:58

هەولێر-KDP.info- مەسروور بارزانی سەرۆکی حکومەتی هەرێمی کوردستان لە پەیامێکدا بە تووندی ئیدانەی ئەو تەقینەوەیەی کرد کە ئێوارەی ئەمڕۆ هەینی 2019/9/20 بە هۆی بۆمبێکی چێنراو بە ئوتومبێلێکی گواستنەوەی گشتی لە دەروازەی شاری کەربەلا ئەنجامدرا و بووە هۆی گیان لەدەستدانی دوازدە هاووڵاتی و برینداربوونی پێنجی دیکەش .

 
نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 


 
© 2018 Kurdistan Democratic Party, KDP