Kurdî  ■  كوردی  ■  عربي
SAT, 21 SEP 2019 08:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مونا قەهوەچی: لایه‌نه‌كان پشتیوانیی خۆیان بۆ هەنگاوەكانی پەرلەمان دەربڕی
| KDP.info


هەولێر-KDP.info- دەستەی سەرۆكایەتیی پەرلەمانی كوردستان دەستیان كردووە بە سەردانیكردنی هێز و لایەنە سیاسییەكانی كوردستان و یەكەم سەردانیشیان بۆ لای (سەرۆك بارزانی) بوو، دواتریش سەردانی مەكتەبی سیاسیی پارتی و رۆژی دووشەممەش سەردانی یەكێتی و یەكگرتوو و بزووتنەوەی گۆڕانیان كرد، سكرتێری پەر‌لەمانیش دەڵێ، بەردەوام دەبن لە سەردانەكانیان بۆ لای تەواوی لایەنە سیاسییەكانی كوردستان و دەیانەوێت لایەنەكان پشتگیری لە هەنگاوەكانی پەرلەمان و حكوومەت بكەن.

مونا قەهوەچی، سكرتێری پەرلەمانی كوردستان، بۆ ماڵپەڕی فەرمیی پارتی دیموكراتی كوردستان گوتی: "وەكو دەستەی سەرۆكایەتیی پەرلەمانی كوردستان، دەستمان كردووە بە سەردانیكردنی هێز و لایەنە سیاسییەكانی كوردستان، بە مەبەستی دروستكردنی كۆدەنگی لەسەر كۆمەڵێك بابەتی چارەنووسساز، لەوانەش دیالۆگ لەگەڵ بەغدا بۆ بەدەستهێنانی مافە دەستوورییەكانی هەرێم و، هەروەها هەماهەنگیی زیاتر بكرێت لە نێوان پەرلەمانی كوردستان و نوێنەرانی كورد لە بەغدا و، هانی لایەنە سیاسییەكان بدرێت بۆ ئەوەی بە یەك لیست بەشداری لە هەڵبژاردنی ئەنجومەنی پارێزگاكان بكەن، لەگەڵ پڕۆژەیاسای چاكسازی و، نووسینەوەی دەستووری هەرێمی كوردستان، كە دەمانەوێت لەم خولەدا ببینە خاوەنی دەستوور، بۆ ئەم مەبەستەش داوامان كردووە زەمینەسازییەك دروست بكرێت و پاڵپشتمان بن".

قەهوەچی ڕاشیگەیاند: "لە رۆژانی داهاتووشدا بەردەوام دەبین لە سەردانەكانمان و، ئەو لایەنانەی سەردانیشمان كردوون، دەستخۆشییان لێمان كردووە، كە كار بۆ ئەم پرسە نشتیمانی و گرنگانە دەكەین و، پشتیوانیی خۆشیان دەربڕی بۆ هەنگاوەكانی دەستەی سەرۆكایەتیی پەرلەمان و پڕۆژەیاسای چاكسازی و نووسینەوەی دەستووری هەرێمی كوردستان، هاوڕاش بوون لەگەڵمان لەسەر ئەوەی پێویستە پرسە نشتیمانییەكان لە سەرووی بەرژەوەندیی حیزبەكانەوە بێت".

سكرتێری پەر‌لەمانی كوردستان باسی لەوەش كرد، وەكو پەرلەمان ئەولەوییەت دەدەن بە پڕۆژەكانی حكوومەت. گوتیشی: "هەماهەنگییەكی باش لە نێوان پەرلەمان و حكوومەتدا هەیە و، لە ئێستاشدا حكوومەتی هەرێم كار لەسەر ژمارەیەك پڕۆژەیاسای گرنگ دەكات و لەنێویشیاندا پڕۆژەیاسای چاكسازییە و داوامان كردووە یەكەم پڕۆژەیاسا بێت حكوومەت بۆمانی ڕەوانە بكات، كە ئەولەویەتی پێ دەدەرێت لەلایە‌ن خەڵكی كوردستان و لایەنە سیاسییەكانەوە، هەر كاتێكیش حكوومەت پڕۆژەی چاكسازیمان بۆ ڕەوانە بكات، لە پەرلەمان كاری لەسەر دەكەین، بۆ ئەوەی خەڵكی هەرێمی كوردستان سوودمەند بن لەم جۆرە پڕۆژەیاسایانە".

 

نەشوان بەرزنجی




دوایین هەواڵەکان

مەکتەبی سیاسی پارتی سەرەخۆشی له‌ به‌ڕێز مه‌حمود عیسا جاف ده‌كات

SATURDAY, 21 SEPTEMBER 2019 00:09:15

ھەڤاڵی به‌ڕێز مه‌حمود عیسا جاف 

 
سەرۆکی حکومەتی هەرێمی کوردستان ئیدانەی تەقینەوەکەی شاری کەربەلا دەکات .

FRIDAY, 20 SEPTEMBER 2019 23:09:58

هەولێر-KDP.info- مەسروور بارزانی سەرۆکی حکومەتی هەرێمی کوردستان لە پەیامێکدا بە تووندی ئیدانەی ئەو تەقینەوەیەی کرد کە ئێوارەی ئەمڕۆ هەینی 2019/9/20 بە هۆی بۆمبێکی چێنراو بە ئوتومبێلێکی گواستنەوەی گشتی لە دەروازەی شاری کەربەلا ئەنجامدرا و بووە هۆی گیان لەدەستدانی دوازدە هاووڵاتی و برینداربوونی پێنجی دیکەش .

 
نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 


 
© 2018 Kurdistan Democratic Party, KDP