Kurdî  ■  كوردی  ■  عربي
SAT, 21 SEP 2019 08:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە‮ ‬یادی‮ ‬رۆژێكی‮ ‬مەزندا
| KDP.info


سەلام عەبدوڵڵا

لە 14 تەمموزی ساڵی 1958 لە ڕێگەی كودەتایەكی سەربازییەوە، رژێمی پاشایەتی كە 37 ساڵ بوو حوكمی عێراقی دەكرد، رووخێندرا و لەبری سیستەمی كۆماری دامەزرا، بەمەش گۆڕانكارییەكی بنچینەیی بەسەر دۆخی سیاسی لە عێراقدا هات و لە دەستووری نوێی عێراقدا كورد وەك هاوبەش لەگەڵ عەرەبدا ناودێركراو پارتە سیاسییەكانیش كە بەنهێنی كاریان دەكرد و ئازادكران، هەروەك عێراق لە كۆمەڵێك رێکكەوتننامە كە عێراقی بە دەوڵەتە ئیمپریالیستەكان بەستبۆەوە هێنرایە دەرو سەربەخۆیی خۆی راگەیاند.

بارزانیی نەمر، كە ماوەی 12 ساڵ لە یەكێتی سۆڤیەت، پەنابەربوو لەگەڵ هاوڕێیانیدا گەڕانەوە بۆ عێراق و لاپەڕەیەكی نوێ لەگەڵ رژێمی نوێ دا هەڵدرایەوەو وا چاوەڕوان دەكرا داهاتوویەكی گەش ڕوو لە گەلەكەمان بكات و بە مافە ڕەواكانی خۆی بگات، بەڵام بەداخەوە رژێمی نوێ، رۆژ لە دوای رۆژ بەرەو حوكمی تاكەكەسی و (تاكە سەركردە) ملی دەنا و ئازادییەكانی بەرتەسكتر دەكردەوە تا ئەو ئاستەی كە فۆڕمی دیكتاتۆری وەرگرت و بەو پێیەش پەیوندییەكانی لەگەڵ گەلی كورددا بەرەو خراپی و پاشگەزبوونەوە لە بەڵێنەكانی دەچوو، بۆیە ئیدی گەلەكەمان، بە ناچاری جارێكی تر، پەنای بۆ چەك برد و لە یانزەی ئەیلوولی ساڵی 1961 شۆڕشی چەكداری راگەیاند كە لە مەودوا بە شۆڕشی مەزنی ئەیلوول پێناسەكرا.

پارتی دیموكراتی كوردستان، لەژێر سەركردایەتی بارزانیی نەمردا جڵەوی بەڕێوەبردنی شۆڕشی گرتە دەست و لە ماوەیەكی كورتدا زۆربەی خاكی كوردستانی ئازادكرد و دام و دەستگای بەڕێوەبردنی وڵات و لە ناوچە رزگاركراوەكان، قوتابخانە و خەستەخانە و دادگای دامەزراند، هەروەك لە ڕێی ئێستگەی گەلی كوردستانەوە دەنگی مەزلوومیەتی كورد وشۆڕشەكەی بە جیهان گەیاند.

ئەگەرچی تەرازووی هێز لە نێوان شۆڕش و رژێمدا زۆر ناهاوسەنگ بوو، لەگەڵ ئەوەشدا، هێزی پێشمەرگەی كوردستان زەبری گەورەو كاریگەری بە سوپای عێراقی گەیاند كە یەكێك لەوانە داستانەكەی شەڕی هەندرێن بوو كە بە هێزێكی بچووكەوە، سوپایەكی پڕچەكی تێكشاند كە بووە مایەی سەرسوڕمانی سوپای عێراق و هەموو جیهان.

ئەم سەركەوتنە یەك لە دوای یەكانەی هێزی پێشمەرگەی كوردستان، رژێمی عێراقی ناچار كرد لە 11 ی ئاداری ساڵی 1970 دا رێكکەوتننامەیەك لەگەڵ شۆڕشدا ئیمزا بكات كە بە سەرەتای چەسپاندنی مافی گەلەكەمان، لە عێراق تائێستا، دادەنرێت.

بەرزو پیرۆز بێت ئەو یادە مەزنە و سەروەری بۆ شەهیدانی شۆڕشی ئەیلوول و هەموو شەهیدانی كوردستان.




دوایین هەواڵەکان

مەکتەبی سیاسی پارتی سەرەخۆشی له‌ به‌ڕێز مه‌حمود عیسا جاف ده‌كات

SATURDAY, 21 SEPTEMBER 2019 00:09:15

ھەڤاڵی به‌ڕێز مه‌حمود عیسا جاف 

 
سەرۆکی حکومەتی هەرێمی کوردستان ئیدانەی تەقینەوەکەی شاری کەربەلا دەکات .

FRIDAY, 20 SEPTEMBER 2019 23:09:58

هەولێر-KDP.info- مەسروور بارزانی سەرۆکی حکومەتی هەرێمی کوردستان لە پەیامێکدا بە تووندی ئیدانەی ئەو تەقینەوەیەی کرد کە ئێوارەی ئەمڕۆ هەینی 2019/9/20 بە هۆی بۆمبێکی چێنراو بە ئوتومبێلێکی گواستنەوەی گشتی لە دەروازەی شاری کەربەلا ئەنجامدرا و بووە هۆی گیان لەدەستدانی دوازدە هاووڵاتی و برینداربوونی پێنجی دیکەش .

 
نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 


 
© 2018 Kurdistan Democratic Party, KDP