Kurdî  ■  كوردی  ■  عربي
WED, 13 NOV 2019 16:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕەشید سندی بۆ KDP: باس له‌ دەستكەوته‌كانی شۆڕشی مه‌زنی ئەیلوول ده‌كات
| KDP.info


هەولێر-KDP.info- شۆڕشی مەزنی ئەیلوول لە ڕۆژێكی وەك ئەمڕۆدا بە ڕابەرایەتیی مستەفا بارزانی هەڵگیرسا، یه‌كێك له‌ پێشمەرگەكانی شۆڕشی ئەیلوول دەڵێت، ئەوسا كورد هەموو یەكدەنگ بوون و لە زاخۆوە تاكو خانەقین و شنگال و هەر چوار پارچەی كوردستانیش هاوبەش بوون و بەیەكەوە بەرگرییان لە كوردستان دەكرد. روونیشی دەكاتەوە، ڕێككەوتنامەی ۱۱ی ئادار و ناوچەی ئۆتۆنۆمی، دەستكەوتی شۆڕشی ئەیلوول بوو.

٥٨ ساڵ بەر لە ئەمڕۆ لە ۱۱ـی ئەیلوولی ساڵی ۱۹٦۱، شۆڕشی مەزنی ئەیلوول بە ڕابەرایەتیی مستەفا بارزانی هەڵگیرسا و گشت كوردستانیان و كوردی هەر چوار پارچە تێیدا بەشدار بوون و، لە بەرگریكردن لە كوردستان و پاراستنی وڵات لە دوژمنانی كورد، هاوبەش بوون.

كوردستان چەند دەستكەوتێكی مەزنی بە هۆی شۆڕشی ئەیلوولەوە بەدەست هێنا، ئامرهێزی شۆڕشی ئەیلوول ڕەشید سندی، بۆ ماڵپەڕی فەرمی پارتی دیموكراتی كوردستان ده‌ڵێ: "شۆڕشی ئەیلوول، شۆڕشێكی سەرانسەری بوو، لە باشوری كورستان لە شنگالەوە تا زاخۆ و خانەقین و كەركووك و سلێمانی و هەولێر و دهۆك، هەموو كورد تێیدا هاوبەش بوون، جگە لەوەش، هەر چوار پارچەی تری كوردستان هاوكاریی كوردستانیان دەكرد لە شۆڕشدا، ژمارەیەكی زۆر پێشمەرگەی كوردستانی باكوورمان لەگەڵدا بوون، ئەمانە گشتیان مەفرەزە بوون و هەر مەفرەزەیەك بەرپرسێكی خۆیان هەبوو و هاوشانی باشووری كوردستان دەجەنگان.

ئەوكات كە هەر چوارپارچەی كوردستان هاوبەش بوون لە شۆڕشدا، هەر كێشەیەك لە باكوور یان ڕۆژئاوا یاخود ڕۆژهەڵات هەبووایە، كێشەكەیان دەهێنایە لای حاكمەكانی شۆڕشی ئەیلوول و چارەسەریان بۆ دەبینییەوە.

لە لایەكی ترەوە، شۆڕشی ئەیلوول توانی دوژمنكاری لەنێو خێڵ و عەشیرەتەكاندا نەهێڵێت و، هەموو بەیەكەوە هاتنە نێو شۆڕش و بەیەكەوە دژی حكوومەتی عێراقی دەجەنگان.

سندی، زیاتر دەڵێت: "سوود و دەستكەوتێكی تری شۆڕشی ئەیلوول ئەوە بوو، كە لە گوند و دێهاتەكانی كوردستان حكووومەتی عێراقی و ڕژێم چ پیاوێكیان ویستبایە، دەیانبرد و دەیانگرت و گوندەكانیان ئاگر تێبەردەدا، بەڵام بە هۆی شۆڕشی ئەیلوولەوە كورد بەهێز بوو و ببوونە یەك دەستە و دژی ڕژێمی عێراق دەوەستانەوە و زوڵم و ستەم كەمی كردبوو،هەروەها پێشمەرگەكانیش شەڕی فڕۆكە و تانكیان دەكرد بە تفاقێكی زۆر كەمەوە".

دەشڵێ: "لە شۆڕشی ئەیلوولدا هەر لە زاخۆوە تاكوو خانەقین كوردستانیان هاوكاریی یەكترییان دەكرد و سەرتاسەری كوردستان یەك قیادە و یەك حزب بوون و، یەك سەركردایەتیی سیاسی هەبوو بە سەرۆكایەتیی مەلا مستەفا بارزانی، هەموو كوردیش وەك برا بوون، ئەمەش یەكێك لە دەستكەوتەكانی شۆڕشی ئەیلوول بوو."

ڕەشید سندی پێشمەرگەی شۆڕشی ئەیلوول زیاتر گوتی: "دواتر لە سەردەمی شۆڕشی ئەیلوول ئەمانەتپارێزییەكی زۆر هەبوو و لەو سەردەمەدا لە زاخۆوە تا خانەقین فەردە لیرەت بگواستبایەوە كەس حەقی بەسەر كەسەوە نەبوو".

شۆڕشی ئەیلوول تەواوی پێكهاتەكان و ئایینەكان تێیدا بەشدار بوون و كوردستانی بە تەواوی كۆكردبووەوە، به‌ هەموو ئەمانە یەك ئامانجیان لە پشت بوو، كە ڕزگاركردنی كوردستان بوو لە دەستی حكوومەتی عێراق و زوڵم و زۆرداری، دەستكەوتێكی هەرە گرنگی دیكەش، ڕێككەوتنامەی ۱۱ی ئادار بوو، كە بە ڕووداوێكی گەورەی سەدەی بیستەم دادەنرێت لە مێژووی ڕزگاریخوازی كوردستاندا، چونكە بۆ یەكەمین جار ناوچەیەكی ئۆتۆنۆمی ددانپێدانراو لە باشوری كوردستان دروست بوو."

 

فایزە كۆیی




دوایین هەواڵەکان

نێچیرڤان بارزانى و به‌رهه‌م ساڵح جه‌خت له‌ ئارامى و سه‌قامگیریى عێراق ده‌كه‌نه‌وه‌

WEDNESDAY, 13 NOVEMBER 2019 15:11:13

هەولێر-KDP.info-  له‌ به‌رده‌وامیى سه‌ردانه‌كه‌یدا بۆ به‌غدا، به‌ڕێز نێچیرڤان بارزانى، سه‌رۆكى هه‌رێمى كوردستان و شاندى یاوه‌رى، پێشنیوه‌ڕۆى ئه‌مڕۆ چوارشه‌ممه‌ 13/11/2019 له‌ كۆشكى كۆماریى سه‌لام له‌ به‌غدا كۆبوونه‌وه‌.

 

پرسەنامەی مەكتەبی سیاسی بۆ حاجی عومەر ھێرۆیی

WEDNESDAY, 13 NOVEMBER 2019 15:11:35

هەڤاڵی بەڕێز، حاجی عومەر ھێرۆیی

 

نێچیرڤان بارزانى و حه‌لبووسى له‌ دۆخى عێراق و پرسى ده‌ستوور ده‌كۆڵنه‌وه‌

WEDNESDAY, 13 NOVEMBER 2019 15:11:48

هەولێر-KDP.info-  سه‌رۆك نێچیرڤان بارزانى ده‌رباره‌ى بابه‌تى هه‌موارى ده‌ستوورى عێراق دووپاتى كرده‌وه‌ كه‌ ده‌ستوور خۆى نا، به‌ڵكوو جێبه‌جێنه‌كردنى ده‌ستوور كێشه‌یه‌ و هه‌ر هه‌موار و گۆڕانكارییه‌كیش له‌ ده‌ستووردا، ده‌بێ له‌ به‌رژوه‌ندیى عێراق و له‌پێناو ئارامى و سه‌قامگیریى وڵاتدا بێت و مافه‌ ده‌ستوورییه‌كانى هه‌رێمى كوردستان و ته‌واوى پێكهاته‌كانى عێراق به‌گشتى بپارێزێت.

نێچیرڤان بارزانى و عه‌بدولمه‌هدى دۆخى عێراق تاوتوێ ده‌كه‌ن

WEDNESDAY, 13 NOVEMBER 2019 15:11:42

هەولێر-KDP.info-  به‌ڕێز نێچیرڤان بارزانى، سه‌رۆكى هه‌رێمى كوردستان پشتگیریى هه‌رێمى كوردستانى بۆ ئارامى و سه‌قامگیریى ئه‌منى و سیاسیى عێراق و هه‌نگاوه‌كانى حكوومه‌تى سه‌رۆك وه‌زیران به‌ڕێز عادل عه‌بدولمه‌هدى بۆ چاكسازى و به‌ده‌نگه‌وه‌چوونى داواكاریى ڕه‌واى هاووڵاتیان ده‌ربڕى، هه‌روه‌ها جه‌ختى له‌ پێویستى و گرنگیى هه‌ڵگرتنى به‌رپرسیاریه‌تى و پشتگیریى لایه‌نه‌ سیاسییه‌كان له‌ كابینه‌ى سه‌رۆك وه‌زیرانى عێراق بۆ چاكسازى و چاره‌سه‌ركردنى كێشه‌كان دووپات كرده‌وه‌.

ناوەڕۆكی كۆبوونەوەی نێچیرڤان بارزانی و بەرھەم ساڵح ئاشكرا دەكرێت

WEDNESDAY, 13 NOVEMBER 2019 13:11:43

به‌غدا-KDP.info- دوای كۆبوونەوەی نێچیرڤان بارزانی سەرۆكی ھەرێمی كوردستان و بەرھەم ساڵح سەرۆككۆماری عێراق ناوەڕۆكی كۆبوونەوەكە ئاشكرا كرا.

 


 
© 2018 Kurdistan Democratic Party, KDP