Kurdî  ■  كوردی  ■  عربي
SAT, 21 SEP 2019 08:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیامی جێگری سەرۆکی پارتی دیموکراتی کوردستان بە بۆنەی ساڵیادی هەڵگیرسانی شۆڕشی ئەیلوولی مەزنەوە‎
| KDP.info


هه‌ولێر-KDP.info- جێگری سەرۆکی پارتی دیموکراتی کوردستان بە بۆنەی ساڵیادی هەڵگیرسانی شۆڕشی ئەیلوولی مەزنەوە‎ پەیامیَكى راگه‌یاند كه‌ ئه‌مه‌ ده‌قه‌كه‌یه‌تی:

پەنجا و هەشت ساڵ بەسەر سەرهەڵدانی شۆڕشی مەزنى ئەیلوولدا بە سەرکردایەتیی پارتی دیموکراتی کوردستان و ڕێبەرایەتیی بارزانیی نەمر تێدەپەڕێت. ئەم شۆڕشە نیشتیمانییە یەکێکە لە سەروەرییە مەزنەکانی مێژووی گه‌لى كوردستان بۆ بەرگریکردن لە ماف و خواستە ڕەواکانی و ڕووبەڕووبوونەوەی سیاسەتی تاکڕەوی. پاش ئه‌وه‌ى نه‌توانرا به‌ خەباتی مەدەنی و تێکۆشانی جەماوەرەییانە، خواست و داواکانی گەلەکەمان به‌دى بهێنرێن، شۆڕشى ئه‌یلوول وەک پێویستییەکی مێژوویی سەری هەڵدا.

 بڕوا و متمانەی کوردستانییان بە ڕێبەری شۆڕش و سەرکردایەتیی پارتی دیموکراتی کوردستان و یەکڕیزی و یەکگرتووییی گەلەکەمان، سه‌رچاوه‌ى بەهێزیی شۆڕش بوون کە لە ماوەیەکی کەمدا سەرجەم ناوچەکانی کوردستانی گرتەوە و هەموو چین و توێژ و پێكهاته نه‌ته‌وه‌یى و ئایینییه‌كانى کوردستان، چالاک و دڵسۆزانە بەشدارییان تێدا کرد. شۆڕشی ئەیلوول بە دیدگایەکی ڕۆشنی سیاسی و کولتوورێکی لێبوردووانە و گیانێکی مرۆڤدۆستانەوە هەنگاوی نا، بە خۆڕاگریی گەلى كوردستان و قارەمانیه‌تیی پێشمەرگە، چەندین داستانی مێژوویی تۆمار كرد کە مایەی شانازیی گەلى كوردستانن.

شۆڕشی ئەیلوول بە ئەندازەی مەزنیی خۆی، دەستکەوتی مەزن و مێژوویی بۆ گەلەکەمان بەدیهێنا، ئازادیی ئەمڕۆ و پێشکەوتنە سیاسی و ئابووری و کۆمەڵایەتی و فەرهەنگییەکانی کوردستان، زادەی ئەو دەستکەوتانە و شۆڕش و ڕاپەڕینەکانی دواتر و ئەو قوربانییە مه‌زنانه‌ن کە گەلی کوردستان لەپێناو مانەوە و ماف و ئازادی و ئاشتی و سەرفرازیدا، بەخشیویەتی.   

بەرزڕاگرتنی ئەم یاده‌ شکۆدارە، وێڕای ئەوەی ڕێزگرتنە لە مێژوو و قوربانی و سەروەرییەکانی گەلەکەمان، هاوکات بۆ لێفێربوون و وەرگرتنی وانە و په‌ندى گرنگه‌. شۆڕشی ئەیلوول سەلمێنەری ئەو ڕاستییەیە کە شۆڕش و ڕووبەڕووبوونەوەکانی گەلى كوردستان هەمیشە بۆ بەرگریکردن لە بوون و ناسنامە و داکۆکیکردن لە ماف و خواستە ڕەواکانی بووه‌. گەلەکەمان هه‌میشه‌ بە یەکڕیزی و یەکگرتوویی، دەستکەوتی مەزنی بەدەست هێناوە، کوردستانییانیش بە هەموو جیاوازییە ئیتنی و ئایینی و سیاسییەکانیانەوە، هەمیشە یەک چارەنووسیان هەیە و یەک ئایندە چاوەڕێیان دەکات.

وەفاداریی بۆ ئەم شۆڕشە مەزنە و شۆڕش و ڕاپەڕینە مێژوویییەکانی گه‌لى كوردستان، کار و هەوڵی بەردەواممان لێ دەخوازێ بۆ پاراستنی دەستکەوته‌كانمان و به‌زیندووهێشتنەوەی ناو و کار و خەباتی شۆڕشگێڕ و تێکۆشەران و سەربازە ونەکانی شۆڕش، بەر لە هەمووانیش شەهیدانى قارەمان. گەلی کوردستان خاوەنى مێژوویەکی پڕ سەروەرى و مایه‌ى شانازییه‌، یەکێک لەو سەروەرییە مەزنانه‌ش،‌ شۆڕشی ئەیلوولە.

سڵاو لە گیانی پاکی شەهیدانى قارەمانی شۆڕشی ئەیلوول و سەرجەم شەهیدانی کوردستان.

بەرز و شکۆدار بێت، ساڵیادی پیرۆزی شۆڕشی ئەیلوولی مەزن.

سڵاو و ڕێز بۆ گیانی خۆڕاگریى گەلی کوردستان.

سڵاو و ڕێز بۆ پێشمەرگه‌ى قارەمان و تێکۆشەرانی شۆڕشی ئەیلوول.

 

نێچیرڤان بارزانی

جێگری سەرۆکی پارتی دیموکراتی کوردستان

١٠/٩/٢٠١٩  




دوایین هەواڵەکان

مەکتەبی سیاسی پارتی سەرەخۆشی له‌ به‌ڕێز مه‌حمود عیسا جاف ده‌كات

SATURDAY, 21 SEPTEMBER 2019 00:09:15

ھەڤاڵی به‌ڕێز مه‌حمود عیسا جاف 

 
سەرۆکی حکومەتی هەرێمی کوردستان ئیدانەی تەقینەوەکەی شاری کەربەلا دەکات .

FRIDAY, 20 SEPTEMBER 2019 23:09:58

هەولێر-KDP.info- مەسروور بارزانی سەرۆکی حکومەتی هەرێمی کوردستان لە پەیامێکدا بە تووندی ئیدانەی ئەو تەقینەوەیەی کرد کە ئێوارەی ئەمڕۆ هەینی 2019/9/20 بە هۆی بۆمبێکی چێنراو بە ئوتومبێلێکی گواستنەوەی گشتی لە دەروازەی شاری کەربەلا ئەنجامدرا و بووە هۆی گیان لەدەستدانی دوازدە هاووڵاتی و برینداربوونی پێنجی دیکەش .

 
نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 


 
© 2018 Kurdistan Democratic Party, KDP