Kurdî  ■  كوردی  ■  عربي
SAT, 21 SEP 2019 00:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

قایمقامی كۆیە: ڕێگای كۆیە - دێگەڵە ١٥ ڕۆژی دیكە تەواو دەبێت
| KDP.info


كۆیە-KDP.info- پڕۆژەی چاككردنەوەی ڕێگای كۆیە - ھەولێر دەستی پێكردووە و لە ئێستادا قۆناغێكی باشی بڕیوە، قایمقامی شارۆچكەی كۆیەش دەڵێت، نزیكەی پانزە ڕۆژی دیكە رێگای كۆیە - دێگەڵە تەواو دەبێت و رێگای دێگەڵەش بۆ ھەولێر دەستی پێكردووە.

٢٢ی ٦ی ٢٠١٩، لە ڕاگەیەنراوێكدا قایمقامیەتی قەزای كۆیە ئاگاداری سەرجەم ھاووڵاتیان و شوفێرانی كردەوە، كە ڕێگای كۆیە - ھەولێر نۆژەن دەكرێتەوە، بۆیە بۆ ئۆتۆمبێلی بچووك ڕێگای ھەیبەتسوڵتان ـ سماقوڵی بەكار بھێنرێت و هەروەها بۆ ئۆتۆمبیلی بارھەڵگریش ڕێگای سێگرتكان ـ بەستی شەلغە بەكار بھێنرێت.

لەو بارەیەوە، یووسف حەسەن حوسێن، قایمقامی شارۆچكەی كۆیە، بە ماڵپەڕی فەرمیی پارتی دیموكراتی كوردستانی ڕاگەیاند: پێشتر "لە ڕێگای كۆیە – ھەولێر، بە ھۆی تێكچوونی ڕێگاكەوە چەندین ڕووداوی ھاتوچۆ ڕوویان دا، بۆیە حكوومەتی ھەرێمی كوردستان بڕیاری دا بودجەی تایبەت دابین بكات و ئێستا قۆناغی یەكەم لە كۆیە بۆ دێگەڵە دەستی پێكردووە، لە بازگەی تۆبزاوەی كۆیەش تاكوو شیواشۆك تەواو كراوە و قیرتاوكردنی ئەمڕۆ تەواو دەكرێت، هەروەها لە شیواشۆك بۆ دێگەڵە تەواوی چاڵەكان پڕ كراونەتەوە و لە قۆناغی پێش كۆتاییدایە، كە قیرتاوكردنییەتی، بڕیاریشە بە نزیكەی ١٥ ڕۆژی تر تەواو چاك بكرێت كۆتایی پێ بێت."

قایمقامی كۆیە گوتیشی: "چەند ڕۆژێكە چاككردنەوەی رێگا لە دێگەڵەوە بۆ ھەولێر دەستی پێكراوە و ئێستا كاركردن گەیشتووەتە گوندی باخچەی ڕێگای كۆیە - ھەولێر."

 

فایزە كۆیی




دوایین هەواڵەکان

سەرۆکی حکومەتی هەرێمی کوردستان ئیدانەی تەقینەوەکەی شاری کەربەلا دەکات .

FRIDAY, 20 SEPTEMBER 2019 23:09:58

هەولێر-KDP.info- مەسروور بارزانی سەرۆکی حکومەتی هەرێمی کوردستان لە پەیامێکدا بە تووندی ئیدانەی ئەو تەقینەوەیەی کرد کە ئێوارەی ئەمڕۆ هەینی 2019/9/20 بە هۆی بۆمبێکی چێنراو بە ئوتومبێلێکی گواستنەوەی گشتی لە دەروازەی شاری کەربەلا ئەنجامدرا و بووە هۆی گیان لەدەستدانی دوازدە هاووڵاتی و برینداربوونی پێنجی دیکەش .

 
نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 
ڕیوڕسمێن دەرچوویێن زانینگەها ئەمریکی ل کوردستانێ-دهۆک بڕیڤەدچن‎

THURSDAY, 19 SEPTEMBER 2019 19:09:29

دهۆک-KDP.info- ئەڤرۆ پێنچ شەمبیێ(١٩-٩-٢٠١٩)ـێ رێورسمێن گەرا ئێکی یا دەرچوویێن زانینگەها ئەمریکی ل کوردستان-دهۆک بڕێڤەدچن.

 



 
© 2018 Kurdistan Democratic Party, KDP