Kurdî  ■  كوردی  ■  عربي
SAT, 19 OCT 2019 15:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دەستەی گەشتوگوزار: هەموو ئامادەكارییەك بۆ جەژن كراوە.. گەشتیاران: كوردستان خۆش و ئارامە
| KDP.info


هەولێر-KDP.info- گەشتیاران بە ئاو و هەوای كوردستان دڵخۆشن و دەڵێن، كوردستان ئارامە و شوێنی زۆر خۆش و دڵڕفێنی هەیە، ئەوەش وای كردووە كە بەردەوام سەردانی كوردستان بكەن. دەستەی گەشتوگوزاریش رایدەگەیەنێت، لەم هاوینەدا رۆژانە 15 تا 20 هەزار گەشتیار هاتوونەتە هەرێمی كوردستان و هاوینێكی پڕ لە گەشتیار بووە، هەروەها بۆ جەژنی قوربانیش ئامادەكاری كراوە و ژمارەی گەشتیاران زۆر زیاتر دەبێت.

 

فاتیمە مەنسوور، كە گەشتیارێكی ناوەڕاستی عێراقە و سەردانی هاوینەهەواری بێخاڵی كردووە، بۆ ماڵپەڕی فەرمیی پارتی دیموكراتی كوردستان دەڵێ: "كوردستان زۆر خۆشە و شوێنی زۆر دڵڕفێنی هەیە، خەڵكەكەشی رێز لە گەشتیاران دەگرن، ئەوەش هۆكار بووە كە ساڵانە بەردەوام سەردانی كوردستان بكەین و كاتێكی خۆش بەسەر ببەین".

 

یوونس محەمەد، گەشتیارێكی دیكەیە، بۆ ماڵپەڕی فەرمیی پارتی دیموكراتی كوردستان گوتی: "مامەڵەی دەزگا ئەمنییەكان لەگەڵ گەشتیاران زۆر باشە، لەگەڵمان هاوكارن بۆ ئەوەی بە زووترین كات بگەیە شوێنە گەشتیارییەكان، ئەوەش زیاتر سەرنجی گەشتیارانی راكێشاوە، كە بەردەوام روو لە شوێنە گەشتیارییەكانی هەرێم بكەن".

 

هاوكات مریەم نووری، كە ئەویش لە باشووری عێراقەوە هاتووە و دەیەوێت پشووی جەژن لە كوردستان بەسەر ببات، بۆ ماڵپەڕی فەرمیی پارتی دیموكراتی كوردستان ئاشكرای كرد، كە ئەو جەژنە لە كوردستان دەبێت، سەبارەت بە هۆكاری هەڵبژاردنی كوردستانیش دەڵێ: "كوردستان شوێنی زۆر خۆشی هەیە، كاتێك كە سەردانی شوێنە گەشتیارییەكان دەكەی، حەز ناكەی بەجێیان بهێڵی، ئێستاش بۆ سەلامەتیی گیانی گەشتیاران چەند رێنماییەك لەو شوێنانە دەركراون، ئەوەش زیاتر گەشتیارانی دڵخۆش كردووە، هیوادارین كوردستان هەروا پێش بكەوێت و ئاوەدان بێت".

 

نادر رۆستی، گوتەبێژی دەستەی گەشتوگوزاری هەرێمی كوردستان، بۆ ماڵپەڕی فەرمیی پارتی دیموكراتی كوردستان رایگەیاند: "وەكو دەستەی گەشتوگوزار زنجیرەیەك كۆبوونەوەمان كردووە، تا بە هەمان شێوەی ساڵانی رابردوو ئامادەكاری بكەین بۆ پێشوازیكردن لە گەشتیاران، ئەنجوومەنی وەزیرانیش وەزارەتی شارەوانی، ناوخۆ و تەندروستی و دەستەی ژینگەی راسپاردن كە هەڵبستن بە چاودێریكردن و بەدواداچوون و دەركردنی رێنمایی بۆ پاراستنی گیانی گەشتیاران، ئەوەش كاری لەسەر كراوە و رێنمایی پێویستی بۆ دەركراوە".

 

رۆستی گوتیشی: "بە دڵنیاییەوە لەم جەژنەدا ژمارەی گەشتیاران زیاتر دەبێت لە چاو جەژنەكانی دیكە، دەتوانین پێشوازی لە ژمارەیەكی زۆر بكەین و شوێنە گەشتیارییەكان ئامادەكاریی خۆیان كردووە، هەر چەندە لە جەژنی رەمەزان تا ئێستا بەردەوام گەشتیار هاتوونەتە هەرێمی كوردستان، كە رۆژانە زیاتر لە 15 تا 20 هەزار گەشتیار هاتوونەتە هەرێم، بۆیە هاوینێكی پڕ لە گەشتیار بووە، بەڵام لەگەڵ ئەوەشدا ئامادەكاریی باشتر كراوە، بۆ ئەوەی لە جەژندا ئەو ژمارە زۆرەی گەشتیار كە دێن، خزمەتگوزاریی پێویستیان پێشكەش بكرێت".               

 

ڕابین شێروانی




دوایین هەواڵەکان

عەلی خەلیل: گەڕاندنەوەی داعشەکان مەترسیی بۆ ڕەوشی ئەمنیی عێراق ھەیە

SATURDAY, 19 OCTOBER 2019 15:10:20

دهۆك -KDP.info- لەگەل تێکچوونی ڕەوشی ڕۆژئاوای کوردستان وڵاتان لە ھەوڵدان بۆ ئەوەی ئەو داعشە عێراقیانەی لە زیندانەکانی ڕۆژئاوای کوردستانن، بگەڕێندرێنەوە بۆ عێراق و بەرپرسێکی کوردیش ھۆشداری لەبارەی گەڕانەوەی داعشە عێراقیەکانەوە دەدات.

 

د. محەمەد شوكری: یاسای وەبەرهێنان هەموار دەكرێتەوە

SATURDAY, 19 OCTOBER 2019 13:10:00

هەولێر-info.KDP- سەرۆكی دەستەی وەبەرهێنان لە هەرێمی كوردستان، ئاماژە بەو رێكارانە دەكات كە گرتوویانەتە بەر بۆ ئەوەی وەبەرهێنان لە كوردستان بەهێز بكرێت و دەشڵێ، یەكێك لە رێكارەكان، پرسی هەمواری یاسای وەبەرهێنان دەبێت.

 
تا ئێستا 3 هەزار و 56 پەنابەری رۆژئاوا هاتوونەتە هەرێمی كوردستان

SATURDAY, 19 OCTOBER 2019 12:10:38

هەولێر-KDP.info- بەڕێوەبەری داتا و زانیاریەكان لە فەرمانگەی هەماهەنگی و قەیرانەكان دەڵێ، بەپێی دوایین ئامار، لە 9ی ئەم مانگەوە تاوەكو ئێستا، 3 هەزار و 56 پەنابەری رۆژئاوای كوردستان هاتوونەتە هەرێمی كوردستان و تەنیا شەوی ڕابردووش زیاتر لە 700 پەنابەر هاتوون، كە پێداویستیی سەرەكییان بۆ دابین كراوە و پێشوازییان لێ كراوە.

 
فارس عیسا: بڕیارە دوای بۆنەكانی موحەڕەم، شاندی هەرێم سەردانی بەغدا بكات

SATURDAY, 19 OCTOBER 2019 10:10:27

هەولێر-KDP.info- نوێنەری حكوومەتی هەرێم لە بەغدا رایگەیاند، ئەو دەنگۆیانەی لەبارەی ڕەتكردنەوەی داواكاریی هەرێم لەلایەن بەغداوە سەبارەت بە بودجە بڵاو كراونەتەوە، راست نین و گفتوگۆكانی هەردوولا بەردەوامن و لێكنزیكبوونەوەی باش هەیە بۆ ئەوەی بگەنە رێككەوتن، بڕیاریشە دوای بۆنەكانی موحەڕەم، شاندی هەرێم سەردانی بەغدا بكات.

 
ھەدار: بەپێی بەڵگەکانی لایەنی ئەمنیی عێراق، وڵاتان لە پشت خۆپیشاندانی ھاووڵاتیانەوەن

SATURDAY, 19 OCTOBER 2019 10:10:11

بەغدا-KDP.info- پێشبینیی دەستپێكردنەوەی خۆپیشاندانەكانی عێراق دەكرێت و پەرلەمانتارێكیش ئاماژە بۆ ئەوە دەكات، هەفتەی دابێ پەرلەمانی عێراق كۆدەبێتەوە و بەپێی ئەو بەڵگانەی دەست لایەنی ئەمنیی عێراق كەوتوون، وڵاتان لە پشت خۆپیشاندانی ھاووڵاتیانەوەن.

 


 
© 2018 Kurdistan Democratic Party, KDP