Kurdî  ■  كوردی  ■  عربي
WED, 13 NOV 2019 15:07 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كەركوك و هەڵبژاردن
| KDP.info


ئاریان فەرەج

كەركوك بە سەنەد و بەڵگە حاشاهەڵنەگرە مێژوویی و جوگرافی و دیمۆگرافییەكان، كوردستانییە، گەر وانەبا، دابڕینی لە كوردستان و گۆڕینی دیمۆگرافیاكەی، ئەو هەموو تەعریب و تەهجیر و زەبر و زۆرەی رژێمە یەك لە دوایەكەكانی نەدەویست. 

ئەگەر دیمۆگرافیا و پێكهاتەی دانیشتوانی كەركوك گۆڕانی بەسەردا هاتبێت، نەتیجەی ئەو تەعریبە مەنهەجییە درێژ خایەن و بەردەوامەیە، ئەو تەعریبەش ناڕەوا و باتیڵە و هەرچییەكیش لەسەر باتڵ بینا كرابێت باتڵە. كوردیش هەرگیز بەو دەسكارییە ناڕەوا و باتیڵە رازی نەبووە و نابێت و فەرمودەكەی بارزانی نەمر ئەوكات و ئێستاش باشترین وەڵامە( كەركوك ئەگەر یەك كوردیشی تێدا نەمێنێ، هەر كوردستانە). 

لە دەستور و لەو نەخشەرێیەدا كە كورد پێی رازی بوو بۆ چارەی گرفتی كەركوك، تەتبیع بە مانای سڕینەوەی تەعریب، هەنگاوی حەتمیی پێش هەر پرۆسەیەكی راپرسینی كەركوكییەكانە، ئەو قسەیە بۆ هەر سەرژمێری و هەڵبژاردنێكیش راستە گەر لەو شارەدا پێش ئاساییكردنەوە و سڕینەوەی ئاسەواری روداوەكانی دوو ساڵی رابردوو ئەنجام بدرێ، چونكە ئەنجامەكەی گوزارشت لە واقعی ئاسایی و راستەقینەی شارەكە ناكات. 

كەركوك گەر بە زەبری هێز داگیر بكرێ، یاخود بە پشتی تەعریب هەویەیەكی ساختەی بەردا بكرێ و شەرعییەتی یاسایی و ئینتیخابی بۆ ئەو تەزویرە تەئمین بكرێ، جیاوازییان نییە و هەردوكیان زەوتكاری و داگیركردنن. هەڵبەت نە كورد دەچێتە ژێرباری تەسلیم بوون بەو واقیعە سەپێندراوە، نە بەو جۆرە هەوڵە نەزۆك و نامەشروعانەش كێشەی كەركوك یەكلادەبێتەوە، نە ململانێی مێژوویی لەسەر ئەو شارە كۆتایی دێت. 

گەر تا وادەی هەڵبژاردنی پارێزگاكان، یان سەرژمێریی گشتی، باری كەركوك ئاسایی نەكرێتەوە، یاسای هەڵبژاردنیش بە فرت و فێڵ و نەگونجاو بێت، دواخستنی هەڵبژاردن لەو شارەدا تاكە دەرەتانێكە بۆ ئەوەی رێگە لە كێشە و ئاڵۆزی زیاتر بگیرێ. 

دواجار چارەی راستەقینە و بێ غەل و غەش و هەمیشەیی بۆ كێشەی كەركوك، جێبەجێكردنی ماددەی سەد و چل و گێڕانەوەی حەقە بۆ خاوەن حەق و سڕینەوەی هەموو ئەو ناحەقی و تەعریب و دەسكاری و زەوتكارییەیە كە ساڵەهای ساڵە دەرهەق بە كوردستانییەتی ئەو شارە دەكرێ.




دوایین هەواڵەکان

ناوەڕۆكی كۆبوونەوەی نێچیرڤان بارزانی و بەرھەم ساڵح ئاشكرا دەكرێت

WEDNESDAY, 13 NOVEMBER 2019 13:11:43

به‌غدا-KDP.info- دوای كۆبوونەوەی نێچیرڤان بارزانی سەرۆكی ھەرێمی كوردستان و بەرھەم ساڵح سەرۆككۆماری عێراق ناوەڕۆكی كۆبوونەوەكە ئاشكرا كرا.

 
بارەگای بارزانی سەرەخۆشی لە حاجی عومەر هێرۆیی دەكات

WEDNESDAY, 13 NOVEMBER 2019 13:11:19

بە ناوی خودای بەخشندە و میهرەبان

بەڕێز حاجی عومەر هێرۆیی

بە دڵگرانییەكی زۆرەوە هەواڵی كۆچی دوایی كەسایەتیی دیاری كۆمەڵایەتیی دەڤەری راپەڕین (حاجی مەحمود هێرۆیی) برای بەڕێزتانمان پێگەیشت.

ماڵپەڕی KDP مه‌رجی دروستكردنی دوو خانوو لەسەر یەك پارچەزەوی بڵاوده‌كاته‌وه‌

WEDNESDAY, 13 NOVEMBER 2019 13:11:26

هەولێر-KDP.info- بەڕێوەبەری شارەوانیی شەشی هەولێر ڕایگەیاند، پێشتر بە بڕیارێكی وەزارەت دروستكردنی دوو خانوو لە سەر یەك پارچەزەوی بە هیچ جۆرێك رێگاپێدراو نەبوو، بەڵام ئێستا لە هەندێك گەڕەك و بە گوێرەی هەندێك رێنمایی، لە سنووری هەر شەش شارەوانیی هەولێر رێگا بە دروستكردنی دوو خانوو لە سەر یەك پارچەزەوی دەدرێت.

 
وەزارەتی گواستنەوە: هەفتەی داهاتوو سیستمی نوێ جێبەجێ دەكرێت.. رەنگی تاكسییەكان ناگۆڕێ

WEDNESDAY, 13 NOVEMBER 2019 12:11:07

هەولێر-KDP.info- بەڕێوەبەری گشتیی وەزارەتی گواستنەوەی حكوومەتی هەرێمی كوردستان رایگەیاند، بڕیارە هەفتەی داهاتوو سیستمی نوێی تاكسی لە هەرێمی كوردستان جێبەجێ بكرێت، بەمەش دەتواندرێت كاری تاكسی رێك بخرێتەوە و كۆنتڕۆڵ بكرێت.

 
حكوومەت 3 ملیار و 450 ملیۆن دیناری بۆ پڕۆژەكانی دهۆك تەرخان كردووه‌

WEDNESDAY, 13 NOVEMBER 2019 12:11:14

دهۆك-KDP.info- سەرۆكی ئەنجومەنی پارێزگای دهۆك ڕایدەگەیەنێت، لە چەند ڕۆژی رابردوودا حكوومەتی هەرێم چەندین ملیار دیناری بۆ پڕۆژەكانی سەرجەم شار و شارۆچكەكانی كوردستان تەرخان كرد، بۆ شاری دهۆكیش بە گشتی، 3 ملیار و 450 ملیۆن دینار تەرخان كراوە.

 


 
© 2018 Kurdistan Democratic Party, KDP