Kurdî  ■  كوردی  ■  عربي
SAT, 19 OCT 2019 15:52 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هه‌ولێر و به‌ فرانكفۆن بوون
| KDP.info


د.محه‌مه‌د خدر مه‌ولوود 

له‌ ناونیشانی ئه‌و وتاره‌دا، (هه‌ولێر و به‌ فرانكفۆن بوون)، خوێنه‌ری ووریا  له‌وه‌ تێگه‌یشتووه‌ ‌ كه‌ هه‌ولێر به‌ ته‌نیا هه‌ر مه‌به‌ست لێی شاری هه‌ولێر نییه‌، به‌ڵكو به‌ مانای پرس و پایته‌خت و ناوه‌ندی  بریاری سیاسیی و ئاینده‌یی كوردستانیشه‌ و بۆ ئه‌م قۆناغه‌ی خه‌بات و تێكۆشانیش، له‌ دوای ریفراندۆمی سه‌ربه‌خۆیی كوردستان، هه‌ولێر، وه‌ك ناوه‌ندی بریار له‌ به‌رامبه‌ر به‌غدا، تاران، ئه‌نقه‌ره‌ و دیمه‌شق له‌ زۆر لایه‌نه‌وه‌ ئارامتر و بۆ مرۆڤایه‌تی و پێكه‌وه‌ ژیان به‌خشنده‌ و شیاوتره‌. ئیدی با نه‌یاران، ناحه‌ز و پیلانگێڕانیش له‌ ته‌شكی ته‌ڕی خۆیان بده‌ن .

ئه‌م وتاره‌ش (هه‌ولێرو به‌فرانكفۆن بوون) دوای وتاری پێشوومان (هه‌ولێر و به‌جیهان بوونێكی تر) دێت له‌ قۆناغی واژۆكردنی یاداشتنامه‌ی به‌ ده‌سته‌خوشك بوونی هه‌ولێر و پاریس ده‌دوێت، كه‌ رۆژی 15-7-2019 له‌لایه‌ن ئان ئیێدانگۆ سه‌رۆكی شاره‌وانی پاریس و نه‌وزاد هادی پارێزگاری هه‌ولێر واژۆكرا.

بۆ مێژوو، ده‌بێ هه‌ندێ ده‌سته‌واژه‌ی وتاری پێشوومان ( هه‌ولێر و به‌ جیهان بوونێكی تر) لێره‌ بیخه‌ینه‌وه‌ به‌ردیدی خوێنه‌ران، له‌وانه‌ : 

له‌مانگی شه‌شی ئه‌مساڵ له‌وڵاتی ئۆگه‌ندا رێكخراوی كۆنفیدراسۆنی پایته‌خته‌ فرانكفۆنییه‌كان، به‌ ئاماده‌بوونی نه‌وزاد هادی پارێزگار، هه‌ولێریان به‌ ده‌سته‌خوشكی پاریس قبوڵ كرد.

دوای ئه‌وه‌ی پاریس و هه‌ولێر ده‌بنه‌ ده‌سته‌خوشكی یه‌كتری، هه‌ر له‌ وتاره‌كه‌ماندا چه‌ند كۆدێكی گرنگی نێوان فه‌ره‌نسا و كوردستانی باشوورمان بۆ خوێنه‌ران دركاندووه‌، كۆده‌كان هه‌ندێكیان هه‌ر له‌ سه‌رده‌می سایكس پیكۆوه‌ سه‌رهه‌ڵده‌ده‌ن تا پێداگیری و پشتیوانی پاریس له‌ بریاری نێوده‌وڵه‌تی، پاراستنی ناوچه‌ی ئارام و دژه‌ فرین و هێلی 36 و سه‌ردانی خاتوو دانیاڵ میتران و له‌ سه‌ره‌تای ساڵانی یه‌كه‌می راپه‌ڕینی ئازاری 1991  و پاشان هاتنی داعش و به‌م دوادواییانه‌ش سووتانی كه‌نیسه‌ی نوتردام و به‌ ده‌سته‌خوشك بوونی هه‌ولێر و پاریس و رووداوه‌ تیرۆرستییه‌كه‌ی كافتریای هۆقه‌باز، هه‌موویان شان و شكۆی هه‌ولێریان به‌رز راگرتووه‌، مه‌گه‌ر له‌ هه‌ندێ رووداودا، ئه‌م شان و شكۆ به‌رزه‌ زامداربووبێ، وه‌ك ئه‌و رووداوه‌ تیرۆریستییانه‌ى ‌ده‌رهه‌ق به‌و شاره‌ كراون، یا له‌ به‌خشنده‌یی شاره‌كه‌، بۆ ناوچه‌ و شاره‌كانی دیكه‌ی كوردستان زیانی پانتایی جوگرافی بۆ هه‌ولێریش لێكه‌وتبێته‌وه‌، به‌ نموونه ‌پیاده‌كردنی هه‌ردوو هێلی( 36 و پی ئێم ئیف و ..تد)هه‌موو ئه‌مانه‌ هیچیان له‌ شان وشكۆی هه‌ولێریان  كه‌م نه‌كرده‌وه‌، به‌ڵكو ئه‌زموونی پێكه‌وه‌ژیان و گه‌شه‌ سه‌ندنی به‌رده‌وام و كه‌لتوری یه‌كتر قبوڵ كردن و تایبه‌تمه‌ندییه‌كانی هه‌ولێریان جوانتر و قه‌شه‌نگتر نیشانی جیهان داوه‌.

له‌دوای سه‌ردان و میوانداری كردنی به‌رێز نێچیرڤان بارزانی سه‌رۆكی هه‌رێمی كوردستان له‌ كۆشكی ئێلیزێ له‌ لایه‌ن سه‌رۆك ئیمائیڵ ماكرۆن، له‌ رۆژی 10-7 ، فه‌ره‌نسا و كوردستانی عێراق ئه‌و په‌یوه‌ندییه‌ مێژووییه‌ گرنگه‌ی ‌پێشتر پێكه‌وه‌ی گرێدابوون، پاریس ئه‌و په‌یوه‌ندییه‌ی پته‌وتر و به‌بایه‌ختر پێشانی جیهان دا.

له‌كاتێكدا، پاریس  ناوه‌ندێكی سیاسی و ئابووری و كلتوری جیهانییه‌ و پێنجه‌مین گه‌وره‌ شاری جیهانییشه‌ و پێته‌ختی شاره‌ فرانكفۆنییه‌كانه‌، وا هه‌ولێریش به‌ ده‌سته‌خۆشكی خۆی وه‌رده‌گرێ، به‌ گوێره‌ی ئه‌و تایبه‌تمه‌ندییانه‌ی كۆنفدراسیۆنی پایته‌خته‌ فرانكفۆنییه‌كان هه‌یه‌تی، به‌ تایبه‌تیش له‌ بواری درێژخایه‌نی ئابوری و ژینگه‌یی و كلتوری و ... ئه‌وا جۆره‌ كاركردن و هه‌ماهه‌نگییه‌كی هاوبه‌ش له‌ نێوان پایته‌خته‌ فرانكۆنییه‌كان دێنێته‌ دی كه‌ بۆ ئێستا و ئاینده‌ی كوردستان و هه‌ولێری پایته‌خت زۆر گرنگ و مێژووی و سه‌رده‌میانه‌ن.

له‌ كاتێكدا ئه‌م چه‌ند په‌یڤه‌ی ئه‌م وتاره‌ ده‌نووسین، ئه‌م وته‌ی به‌رێز نێچیرڤان بارزانی سه‌رۆكی هه‌رێمی كوردستانمان له‌به‌ر چاوه‌، كه‌ دوای بینینی سه‌رۆك ماكرۆن، له‌ رۆژی 12-7-2019 له‌ دیداریدا له‌گه‌ڵ ره‌وه‌ندی كوردی هه‌ر له‌ پاریس گوتی : 

گه‌ر رۆڵی فه‌ره‌نسا نه‌بووایه‌، دیارنه‌بوو كوردستان به‌ره‌و كوێ ده‌چوو.

ئه‌م وته‌یه‌ی به‌رێز سه‌رۆكی هه‌رێم بۆ دوێنێی دوای پرۆسه‌ی ریفراندۆمی سه‌ربه‌خۆیی و بۆ ئێستا و ئاینده‌ش گه‌لێ گرنگ و مه‌زن و پڕبایه‌خه‌، له‌ مانایێ زیاتر و له‌ ئاماژه‌یێكیش زیاتر هه‌ڵده‌گرێ.

پیرۆزه‌ هه‌ولێر بۆ به‌ فرانكفۆنبوونت، بۆ جارێكی دیكه‌ به‌ جیهان بوونه‌وه‌ت.

سوپاس پاریس، سوپاس كۆشكی ئێلیزێ كه‌ هه‌میشه‌ ده‌رگات بۆ سه‌رۆك و رابه‌رمان، بۆ پرس و خه‌م و مه‌ینه‌تیی و دۆستایه‌تی  گه‌له‌كه‌مان له‌سه‌ر پشت بووه‌، سوپاس ئێلیزێ كه‌ هه‌ردوولای ده‌رگات، بۆ ئێمه‌ كراوه‌ بووه‌.

 




دوایین هەواڵەکان

عەلی خەلیل: گەڕاندنەوەی داعشەکان مەترسیی بۆ ڕەوشی ئەمنیی عێراق ھەیە

SATURDAY, 19 OCTOBER 2019 15:10:20

دهۆك -KDP.info- لەگەل تێکچوونی ڕەوشی ڕۆژئاوای کوردستان وڵاتان لە ھەوڵدان بۆ ئەوەی ئەو داعشە عێراقیانەی لە زیندانەکانی ڕۆژئاوای کوردستانن، بگەڕێندرێنەوە بۆ عێراق و بەرپرسێکی کوردیش ھۆشداری لەبارەی گەڕانەوەی داعشە عێراقیەکانەوە دەدات.

 

د. محەمەد شوكری: یاسای وەبەرهێنان هەموار دەكرێتەوە

SATURDAY, 19 OCTOBER 2019 13:10:00

هەولێر-info.KDP- سەرۆكی دەستەی وەبەرهێنان لە هەرێمی كوردستان، ئاماژە بەو رێكارانە دەكات كە گرتوویانەتە بەر بۆ ئەوەی وەبەرهێنان لە كوردستان بەهێز بكرێت و دەشڵێ، یەكێك لە رێكارەكان، پرسی هەمواری یاسای وەبەرهێنان دەبێت.

 
تا ئێستا 3 هەزار و 56 پەنابەری رۆژئاوا هاتوونەتە هەرێمی كوردستان

SATURDAY, 19 OCTOBER 2019 12:10:38

هەولێر-KDP.info- بەڕێوەبەری داتا و زانیاریەكان لە فەرمانگەی هەماهەنگی و قەیرانەكان دەڵێ، بەپێی دوایین ئامار، لە 9ی ئەم مانگەوە تاوەكو ئێستا، 3 هەزار و 56 پەنابەری رۆژئاوای كوردستان هاتوونەتە هەرێمی كوردستان و تەنیا شەوی ڕابردووش زیاتر لە 700 پەنابەر هاتوون، كە پێداویستیی سەرەكییان بۆ دابین كراوە و پێشوازییان لێ كراوە.

 
فارس عیسا: بڕیارە دوای بۆنەكانی موحەڕەم، شاندی هەرێم سەردانی بەغدا بكات

SATURDAY, 19 OCTOBER 2019 10:10:27

هەولێر-KDP.info- نوێنەری حكوومەتی هەرێم لە بەغدا رایگەیاند، ئەو دەنگۆیانەی لەبارەی ڕەتكردنەوەی داواكاریی هەرێم لەلایەن بەغداوە سەبارەت بە بودجە بڵاو كراونەتەوە، راست نین و گفتوگۆكانی هەردوولا بەردەوامن و لێكنزیكبوونەوەی باش هەیە بۆ ئەوەی بگەنە رێككەوتن، بڕیاریشە دوای بۆنەكانی موحەڕەم، شاندی هەرێم سەردانی بەغدا بكات.

 
ھەدار: بەپێی بەڵگەکانی لایەنی ئەمنیی عێراق، وڵاتان لە پشت خۆپیشاندانی ھاووڵاتیانەوەن

SATURDAY, 19 OCTOBER 2019 10:10:11

بەغدا-KDP.info- پێشبینیی دەستپێكردنەوەی خۆپیشاندانەكانی عێراق دەكرێت و پەرلەمانتارێكیش ئاماژە بۆ ئەوە دەكات، هەفتەی دابێ پەرلەمانی عێراق كۆدەبێتەوە و بەپێی ئەو بەڵگانەی دەست لایەنی ئەمنیی عێراق كەوتوون، وڵاتان لە پشت خۆپیشاندانی ھاووڵاتیانەوەن.

 


 
© 2018 Kurdistan Democratic Party, KDP