Kurdî  ■  كوردی  ■  عربي
SAT, 21 SEP 2019 21:01 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

قوربانی و جەللاد
| KDP.info


ئاریان فەرەج 

دەبێ فێربین دەستی تاوان بۆ دوژمن و بكوژەكانمان راكێشین نەك بۆ خۆمان. دەبێ ووریا بین بە لۆژیكی بەدبەختانەی خۆخەتاباركردن، پەرێزی جینایەتكاران و دوژمنان پاك نەكەینەوە، لە بێ ئاگایی و دەردی كوشندەی خۆخۆریەوە، خەتا لە ملی جینایەتكار هەڵنەگرین و بیخەینە ئەستۆی قوربانی. 

بە درێژایی مێژووی ململانێی كورد لەگەڵ دوژمنەكانیدا، هەمیشە ئێمە قوربانی بووین و ئەوان جەللاد. لە هەڵەبجە، لە ئەنفال، لە شنگال، هەمیشە ئێمە ستەملێكراوبویین و ئەوان ستەمكار، ئێمە پەلاماردراوبووین و ئەوان پەلاماردەر، ئێمە بێ تاوان بووین و ئەوان تاوانكار. ئەوپەڕی خۆخۆری و بەدبەختی و بێ ئاگاییە گەر بەقوربانیبوونی خۆمان بخەینە ئەستۆی خۆمان.

كەمدەستی و كەمتوانایی و تەنانەت كەمتەرخەمی خۆمان بكەینە خەتای بە كوشتچونمان نەك دڕندەیی و نامەردفورسەتیی دوژمنەكانمان. تاكە خەتایەك لە هەموو ئەو كارەساتانەدا لە ئەستۆی ئێمە بێت تەنیا و تەنیا كوردبوونمانە و هیچی دیكە نەبووە و نییە. كە لە هەڵەبجە ژەهرخوارد كراین، لەبەر ئەوە بوو كورد بووین، كە ئەنفال كراین تۆمەت و تەقسیر و خەتا و گوناهمان تەنیا كوردبوون بوو. كە لە شنگال كۆمەڵكوژ كراین، لەبەر ئەوەی كوردی رەسەن و نەریتپارێزی كوردەواری بووین. ئەوەی لە شنگال روویدا، تێنوێتی بەخوێنی كورد و قەساوەتی دژە ئینسانییانەی دوژمنەكانی نەتەوەی كورد بوو، بچوككردنەوەی رودوەكان و دوژمننەناسی و خاترگرتنی دوژمنانە گەر پێمان وابێ خەتای ئەوەی رویدا لە تەقسیر و كەمتەرخەمی خۆمان بوو.

خۆخۆری و ناهۆشیارییە گەر تەنیا داگیركردنی شنگال ببینین و بەڵام داستانی سەخت و خوێناویی ئازادكردنەوەی لەدەستی داعش بە دەستو بازووی پێشمەرگەی كوردستان نادیدە بگرین. 

جووەكانی سەردەمی نازیزم كە لەسەرەتاوە تەنیا مافە مەدەنییەكانیان لێسەندرایەوە، خەتابار نەبوون گەر پێشبینییان نەكردبێ ئەو سەرەتایە دواجار دەگات بە قەتل وعامی هۆلۆكۆست. جووەكان لەو مەرگەساتەی بەسەریان هات، قەت لە جێی نازییزم، خۆیان خەتابار نەكرد، بۆیەش سەركەوتن.

با لە میلەتانی دیكەوە فێر بین، خەتای تاوانكار نەخەینە ئەستۆی تاوانلێكراو، گلەییكردن لە قوربانی، كەمكردنەوەیە لە تاوانی تاونكاران.




دوایین هەواڵەکان

پەیامی پیرۆزبایی مەكتەبی سیاسی پارتی دیموكراتی كوردستان بەبۆنەی (49)هەمین ساڵیادی دامەزراندنی یەكێتی زانایانی ئایینی ئیسلامی كوردستان

SATURDAY, 21 SEPTEMBER 2019 20:09:56

هەولێر-KDP.info- مەكتەبی سیاسی پارتی دیموكراتی كوردستان بەبۆنەی (49)هەمین ساڵیادی دامەزراندنی یەكێتی زانایانی ئایینی ئیسلامی كوردستان پەیامێكى پیرۆزبایی ئاراسته‌ى سەرۆك و ئەندامانی مەكتەبی تەنفیزی یەكێتیه‌كه‌ ده‌كات كه‌ ئه‌مه‌ش ده‌قه‌كه‌یه‌تى:

 
پەیامی سەرۆکی هەرێمی کوردستان بۆ یادى دامەزراندنی یەکێتیی زانایانی ئایینی ئیسلامیی کوردستان

SATURDAY, 21 SEPTEMBER 2019 20:09:07

هەولێر-KDP.info- بە بۆنەی چل و نۆهەمین ساڵیادی دامەزراندنی یەکێتیی زانایانی ئایینی ئیسلامیی کوردستانەوە، به‌ گه‌رمى پیرۆزبایی له‌ به‌ڕێزان سەرۆک و ئەندامانی مەکتەبی تەنفیزی و ئەنجومەنی ناوەندیی یەکێتیی زانایانی ئایینی ئیسلامیی کوردستان و سەرجەم مامۆستایان و زانایانی بەڕێزی ئایینی ئیسلامیی کوردستان دەکەین کە ڕۆڵی کاریگەریان هەیە لە پتەوکردنی بنەماکانی پێکەوەژیان و کولتووری لێبوردەیی و ئاشتیی کۆمەڵایەتی و ڕێگریکردن لە گەشەکردنی بیری توندڕەوی لە کوردستان. بە چاوی ڕێز و پێزانینەوە له‌ ڕۆڵ و ئەرکى پڕ بەهایان ده‌ڕوانین.

 
سەرۆك بارزانی پێشوازی لە سەرۆكی دیوانی سەرۆكایەتیی كۆماری عێراق دەكات

SATURDAY, 21 SEPTEMBER 2019 17:09:40

هەولێر-KDP.info-  ڕۆژی شەممە 21ـی 9ـی 2019 لە سەلاحەددین سەرۆك مەسعود بارزانی پێشوازی لە نەسیر ئەلعانی سەرۆكی دیوانی سەرۆكایەتیی كۆماری عێراق كرد.

 

ڕێبوار تاڵەبانی: پارێزگاری سەپێندراوی کەرکووک بەردەوامە لە ھێنانی عەرەبی ھاوردە

SATURDAY, 21 SEPTEMBER 2019 16:09:28

کەرکووک-KDP.info- سەرۆکی ئەنجومەنی پارێزگای کەرکووک ئاماژەی بۆ ئەوە کرد، دانوستانەکانی ھەرێم و بەغدا بۆ ئاساییکردنەوەی ڕەوشی کەرکووک بەردەوامن. دەشڵێ، ئەوەی لە کەرکووک ڕوو دەدات پێچەوانەی دەستوورە و پارێزگاری سەپێندراو ناسنامە بە عەرەبی ھاوردە دەدات.

 
بروسكەی پیرۆزبایی سەرۆك بارزانی بۆ ساڵیادی دامەزراندنی یەكێتیی زانایانی ئایینی ئیسلامیی كوردستان

SATURDAY, 21 SEPTEMBER 2019 13:09:34

هەولێر-KDP.info- سەرۆك بارزانی، په‌یامێكی پیرۆزبایی ئاراسته‌ی یه‌كێتی زانایانی ئاینی ئیسلامی كوردستان ده‌كات به‌ بۆنه‌ی ساڵیادی دامه‌زراندنیانه‌وه‌. 

 


 
© 2018 Kurdistan Democratic Party, KDP