Kurdî  ■  كوردی  ■  عربي
SAT, 24 AUG 2019 06:17 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئه‌نجومه‌نى وه‌زیران تێچووى پرۆژه‌ى به‌نداوى دێوانه‌ى له‌ ده‌ربه‌ندیخان به‌رز كرده‌وه‌
| KDP.info


دەربەندیخان-KDP.info- کارەکانی تایبەت بە تەواوکردنی پێنجەمین گەورەبەنداوی ھەرێمی کوردستان به‌رده‌وامە ‌و لە کۆتاییی مانگی ١١دا تەواو دەبێت. بەڕێوەبەری گشتیی بەنداو و کۆگاکانی ئاوی ھەرێمی کوردستانیش دەڵێت، ئه‌نجومه‌نى وه‌زیران تێچووى پرۆژه‌كه‌ى‌ بۆ 23 ملیار و 722 ملیۆن دینار به‌رز كرده‌وه.

بەنداوی دێوانە دەکەوێتە سنووری دەربەندیخان و ساڵی ٢٠١١ به‌ردى بناغه‌ى داندرا و بڕى 16 ملیار دینارى بۆ ته‌رخان كرا، بڕیار بوو له‌ ماوه‌ى 4 ساڵدا ته‌واو بكرێـت، بەڵام بەھۆی قەیرانی دارایییەوە پرۆژەکە تا سه‌ره‌تاى ئه‌مساڵ كارەکانی ڕاگیرابوو.

ئەکرەم ئەحمەد، بە ماڵپەڕی فەرمیی پارتی دیموکراتی کوردستانی ڕاگەیاند: "بەنداوی دێوانە لە دوای بەنداوی دووکان، دەربەندیخان، دھۆک و ئاوەسپی، پێنجەم گەورەترین بەنداوە لە ھەرێمی کوردستان، ئەگەر بەو شێوەیەی ئێستا کارەکانی بەباشی بڕواته‌ پێشەوە، تا کۆتاییی مانگی ١١ تەواو دەبێت و لە ڕووی گلدانەوەی ئاوەوە دەبێتە پێنجەمین بەنداوی ھەرێمی کوردستان."

ناوبراو ئاشكرایشى كرد، به‌ ڕه‌زامه‌ندیى ئه‌نجومه‌نى وه‌زیرانى هه‌رێمى كوردستان، تێچووى پرۆژه‌كه‌ به‌رز كراوه‌ته‌وه‌، كه‌ بڕى تێچووه‌كه‌ى 23 ملیار و 722 ملیۆن دیناره‌.

بە گوتەی ئەکرەم ئەحمەد، ڕووباری دێوانە کە سەدەکەی لەسەر دروست کراوە، سەدا ٨ی داھاتی ئاوی سیروان پێک دێنێت، ھەروەھا بەباشی کار لە پرۆژەکەدا دەکرێت و بە تەواوبوونی دەتوانێت ٢٢ ملیۆن مەتر سێجا ئاو گل بداتەوە.

بەڕێوەبەری گشتیی بەنداو و کۆگاکانی ئاوی ھەرێمی کوردستان ئاماژەی بەوەش کرد، کە ئەو بەنداوە سوودێکی زۆری بۆ خەڵکی دەربەندیخان و دەوروبەری دەبێت و كه‌میى ئاوی ئه‌و ناوچه‌یە چاره‌سه‌ر ده‌كات. ھەروەھا بۆ سامانی گشتی و ژینگەی ئەو ناوچەیە و جووتیارانیش بەسوودە.

ھەڵکەوت محەمەد




دوایین هەواڵەکان

سەرۆکی هەرێمی کوردستان بەبۆنەی یادکردنەوەی رۆژی نێودەوڵەتی قوربانیانی دەستی توندوتیژی پەیامێکی راگەیاند

FRIDAY, 23 AUGUST 2019 22:08:44

هەولێر-KDP.info- سەرۆکی هەرێمی کوردستان نێچیرڤان بارزانی لە پێگەی فەرمیی تویتەردا بە بۆنەی یادکردنەوەی رۆژی نێودەوڵەتی قوربانیانی دەستی توندوتیژی لەسەر بنەمایی ئاینیی یان بیڕورا..

باره‌گای بارزانی سه‌ره‌خۆشی له‌ خانه‌واده‌ی مه‌قامبێژ میقداد محه‌مه‌د عومه‌ر و خانه‌واده‌ی بەڕێز محەمەد رەشید لهۆنی ده‌کات

FRIDAY, 23 AUGUST 2019 00:08:21

باره‌گای بارزانی سه‌ره‌خۆشی له‌ خانه‌واده‌ی مه‌قامبێژ میقداد محه‌مه‌د عومه‌ر و خانه‌واده‌ی بەڕێز محەمەد رەشید لهۆنی ده‌کات

 

دارا جه‌لیل خه‌یات: ئومێدمان هەیە کۆمپانیا گەورەکانی جیهان لە بواری پیشەسازی و کشتوکاڵدا بێنە کوردستانەوە

THURSDAY, 22 AUGUST 2019 15:08:55

هەولێر-KDP.info-  سه‌رۆكی یه‌كێتیی ژووره‌ بازرگانی و پیشه‌سازییه‌كانی كوردستان باس له‌وه‌ ده‌كات جووڵه‌یه‌كی به‌هێز له‌ كوردستانه‌وه‌ هه‌یه‌ بۆ ڕاكێشان و پته‌وكردنی په‌یوه‌ندیی كوردستان و بازاڕی وڵاتانی جیهان. ده‌شڵێت، گرنگترین پرس ڕێخۆشكردنه‌ بۆ هاتنی كۆمپانیاكان بۆ ناو هه‌رێمی كوردستان.

 

عەزیز وەیسی: به‌رده‌وام مه‌شق و ڕاهێنان بە هێزی پێشمه‌رگه‌ ده‌كرێت

THURSDAY, 22 AUGUST 2019 15:08:08

هه‌ولێر-KDP.info- فه‌رمانده‌ی فه‌رمانده‌ییی پێشمه‌رگه‌ی زێره‌ڤانی گوتی، مه‌شق و ڕاهێنان به‌ هێزی پێشمه‌رگه‌ به‌رده‌وامه‌ و به‌هۆی مه‌شق و ڕاهێنانەوە هێزی پێشمه‌رگه‌ له‌ سه‌رده‌می شه‌ڕی داعش ماندووتره‌ و هیچ هێزێك بێ مه‌شقكردن نابێت. ئه‌ڵمانیاش یه‌كێكه‌ له‌و وڵاتانه‌ی به‌رده‌وامه‌ له‌ مه‌شق و ڕاهێنان به‌ هێزی پێشمه‌رگه‌ و به‌رده‌وامیش ده‌بێت.

 

قایمقامی كۆیە: ڕێگای كۆیە - دێگەڵە ١٥ ڕۆژی دیكە تەواو دەبێت

THURSDAY, 22 AUGUST 2019 13:08:09

كۆیە-KDP.info- پڕۆژەی چاككردنەوەی ڕێگای كۆیە - ھەولێر دەستی پێكردووە و لە ئێستادا قۆناغێكی باشی بڕیوە، قایمقامی شارۆچكەی كۆیەش دەڵێت، نزیكەی پانزە ڕۆژی دیكە رێگای كۆیە - دێگەڵە تەواو دەبێت و رێگای دێگەڵەش بۆ ھەولێر دەستی پێكردووە.

 


 
© 2018 Kurdistan Democratic Party, KDP