Kurdî  ■  كوردی  ■  عربي
SAT, 24 AUG 2019 06:11 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لایەنە عێراقییەكان لەبارەی یاسای ھەڵبژاردنەوە نەگەیشتوونەتە رێككەوتن
| KDP.info


بەغدا-KDP.info- بڕیارە هەفتەی داھاتوو جارێكی دیكە پەرلەمانی عێراق كۆببێتەوە و یەكێك لەو پڕۆژەیاسایانەی بڕیارە پەرلەمان یەكلای بكاتەوە، پڕۆژەیاسای ئەنجوومەنی پارێزگاكانی عێراقە، پەرلەمانتارێكی پارتیش دەڵێ، ناكۆكیی زۆر ھەیە و كوتلەكان نەگەیشتوون بە رێككەوتن.

ھەدار بارزانی، پەرلەمانتاری فڕاكسیۆنی پارتی لە پەرلەمانی عێراق، بە ماڵپەڕی فەرمیی پارتی دیموكراتی كوردستانی راگەیاند: "یەكێك لەو پڕۆژەیاسایانەی پەرلەمان دەیەوێ بەر لەوەی بچێتە پشووی ھاوینەوە یەكلای بكاتەوە، پەسەندكردنی پڕۆژەیاسای ھەڵبژاردنەكانی عێراقە، بەڵام بەداخەوە كوتلەكان تا ئێستا نەگەیشتوون بە رێككەوتن و زەحمەتە بەو ئاسانییەش یەكلا ببێتەوە".

پەرلەمانتارەكەی پارتی دەڵێت "لایەنە عێراقییەكان لە ھەوڵدان بۆ پەسەندكردنی پڕۆژەكە، بەڵام ناكۆكیی نێوانیان وای كردووە دەنگدان لەسەر پڕۆژەیاسای ھەڵبژاردنەكان دوا بكەوێت، بە تایبەتی لایەنی سوننە زۆر ناڕازین بە شێوەی ئێستا پڕۆژەكە تێپەڕێت".

لەبارەی ھەڵوێستی كوردیشەوە، ھەدار بارزانی گوتی "خاڵێكی نێو پڕۆژەیاساكە ناكۆكیی زۆری لەسەرە، كە پەیوەستە بە دیاریكردنی رێژەی دەنگدەر بۆ ناوچەكان، چونكە بەوە بێت ئەگەر لایەنەكان رێژەیەكی زۆری دەنگ بەدەست نەھێنن، بۆیان ھەژمار ناكرێت، ئێمە وەك فڕاكسیۆنە كوردستانییەكان پێداگریی ئەوەمان كردووە، كە پێویستە یەكلا بكرێتەوە و بەرژەوەندیی ھەموو لایەن و پێكھاتەكان لە بەرچاو بگیرێت، ھەندێ ھێزی سوننە و بەشێك لە شیعەش ھەمان بۆچوونیان ھەیە، چونكە ئەگەر وەك لە پڕۆژەكەدا ھاتووە رێژەی دەنگدان بەرز نەكرێتەوە، ئەوا لە ھەندێ ناوچەی وەك دیالە دەنگی كورد دەفەوتێت".

 

قائید میرۆ




دوایین هەواڵەکان

سەرۆکی هەرێمی کوردستان بەبۆنەی یادکردنەوەی رۆژی نێودەوڵەتی قوربانیانی دەستی توندوتیژی پەیامێکی راگەیاند

FRIDAY, 23 AUGUST 2019 22:08:44

هەولێر-KDP.info- سەرۆکی هەرێمی کوردستان نێچیرڤان بارزانی لە پێگەی فەرمیی تویتەردا بە بۆنەی یادکردنەوەی رۆژی نێودەوڵەتی قوربانیانی دەستی توندوتیژی لەسەر بنەمایی ئاینیی یان بیڕورا..

باره‌گای بارزانی سه‌ره‌خۆشی له‌ خانه‌واده‌ی مه‌قامبێژ میقداد محه‌مه‌د عومه‌ر و خانه‌واده‌ی بەڕێز محەمەد رەشید لهۆنی ده‌کات

FRIDAY, 23 AUGUST 2019 00:08:21

باره‌گای بارزانی سه‌ره‌خۆشی له‌ خانه‌واده‌ی مه‌قامبێژ میقداد محه‌مه‌د عومه‌ر و خانه‌واده‌ی بەڕێز محەمەد رەشید لهۆنی ده‌کات

 

دارا جه‌لیل خه‌یات: ئومێدمان هەیە کۆمپانیا گەورەکانی جیهان لە بواری پیشەسازی و کشتوکاڵدا بێنە کوردستانەوە

THURSDAY, 22 AUGUST 2019 15:08:55

هەولێر-KDP.info-  سه‌رۆكی یه‌كێتیی ژووره‌ بازرگانی و پیشه‌سازییه‌كانی كوردستان باس له‌وه‌ ده‌كات جووڵه‌یه‌كی به‌هێز له‌ كوردستانه‌وه‌ هه‌یه‌ بۆ ڕاكێشان و پته‌وكردنی په‌یوه‌ندیی كوردستان و بازاڕی وڵاتانی جیهان. ده‌شڵێت، گرنگترین پرس ڕێخۆشكردنه‌ بۆ هاتنی كۆمپانیاكان بۆ ناو هه‌رێمی كوردستان.

 

عەزیز وەیسی: به‌رده‌وام مه‌شق و ڕاهێنان بە هێزی پێشمه‌رگه‌ ده‌كرێت

THURSDAY, 22 AUGUST 2019 15:08:08

هه‌ولێر-KDP.info- فه‌رمانده‌ی فه‌رمانده‌ییی پێشمه‌رگه‌ی زێره‌ڤانی گوتی، مه‌شق و ڕاهێنان به‌ هێزی پێشمه‌رگه‌ به‌رده‌وامه‌ و به‌هۆی مه‌شق و ڕاهێنانەوە هێزی پێشمه‌رگه‌ له‌ سه‌رده‌می شه‌ڕی داعش ماندووتره‌ و هیچ هێزێك بێ مه‌شقكردن نابێت. ئه‌ڵمانیاش یه‌كێكه‌ له‌و وڵاتانه‌ی به‌رده‌وامه‌ له‌ مه‌شق و ڕاهێنان به‌ هێزی پێشمه‌رگه‌ و به‌رده‌وامیش ده‌بێت.

 

قایمقامی كۆیە: ڕێگای كۆیە - دێگەڵە ١٥ ڕۆژی دیكە تەواو دەبێت

THURSDAY, 22 AUGUST 2019 13:08:09

كۆیە-KDP.info- پڕۆژەی چاككردنەوەی ڕێگای كۆیە - ھەولێر دەستی پێكردووە و لە ئێستادا قۆناغێكی باشی بڕیوە، قایمقامی شارۆچكەی كۆیەش دەڵێت، نزیكەی پانزە ڕۆژی دیكە رێگای كۆیە - دێگەڵە تەواو دەبێت و رێگای دێگەڵەش بۆ ھەولێر دەستی پێكردووە.

 


 
© 2018 Kurdistan Democratic Party, KDP