Kurdî  ■  كوردی  ■  عربي
SAT, 24 AUG 2019 06:06 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مه‌سرور بارزانی پیاوه‌ ئاوریشمیه‌ پۆڵاینه‌كه‌، به‌رنامه‌ی كارای حكومه‌ته‌كه‌ی راگه‌یاند
| KDP.info


د.محه‌مه‌د خدر مه‌ولوود 

له‌دوای 30 ی ئه‌یلولی 2018 و پاش چاوه‌ڕوانییه‌كی زۆر و پتر له‌و چاوه‌ڕوانییانه‌ی بۆهه‌ر هه‌شت كابینه‌كانی پێشوو هه‌مان بوو، رۆژی 10 ی ئه‌م مانگه‌ مه‌سرور بارزانی به‌رنامه‌ی كاری – كارای كابینه‌ تازه‌كه‌ی حكومه‌ته‌ به‌هێزه‌كه‌ی راگه‌یاند و رۆژی 15ی ئه‌م مانگه‌ش یه‌كه‌مین كۆبوونه‌وه‌ی ئه‌نجامدا.

گوتمان مه‌سرور بارزانی، كارنامه‌ و به‌رنامه‌ی كابینه‌ به‌هێزه‌كه‌ی راگه‌یاند. حكومه‌تی به‌هێز، به‌رهه‌می له‌دایك بوونی به‌رنامه‌ و دروشم و بانگه‌شه‌ی هه‌ڵبژاردنی پارتی دیموكراتی كوردستان بوو كه‌ له‌ 30ی ئه‌یلولی ساڵی پاردا به‌ زۆرینه‌ی ده‌نگ براوه‌ی یه‌كه‌می هه‌ڵبژاردنی بۆ( كوردستانێكی به‌هێز و به‌هێزتر ) مسۆگه‌ر كرد و له‌ سه‌ر ئاستی عێراق و ناوچه‌كه‌ و دونیاش سه‌لماندییه‌وه‌ بێ پارتێكی به‌هێزی وه‌ك پارتی دیموكراتی كوردستان، كوردستانێكی بێ هێز و كۆمه‌ڵگایه‌كی لاواز دێته‌ به‌رهه‌م و هاوكێشه‌كانیش نه‌ك هه‌ر لاسه‌نگ ده‌بن، به‌ڵكو ئیراده‌ و ویستی نه‌ته‌وه‌ییش زیاتر ده‌كه‌ونه‌ ژێر مه‌ترسی و هه‌ڕه‌شه‌ و فشار و هه‌ژموونه‌ هه‌میشه‌ییه‌كانی له‌ناوچوونی قه‌واره‌ و كیانه‌كه‌.

ئه‌وه‌یان واقیعی حاڵی ئه‌و باردۆخه‌ی كوردستان بوو، به‌ له‌به‌ر چاوگرتن و به‌رزنرخاندنی  رۆڵ و پێگه‌ی پارت و لایه‌نه‌ نیشتیمانییه‌ كوردستانییه‌كانیش، له‌ دوای پرۆسه‌ی ریفراندۆمی سه‌ربه‌خۆیی، كوردستان له‌ نێو بارودۆخێكی چه‌قبه‌ستووی نێو هه‌ژموون و فشاره‌كاندا قه‌تیس مابوو. 

له‌و ئان و ساته‌ی هه‌ڵبژاردنه‌دا و له‌ نێو دڵه‌ڕاوكێ و مه‌ترسییه‌كاندا كه‌ كابینه‌ی نۆیه‌م  له‌دایك بوو، وه‌ك به‌رهه‌می خه‌باتی په‌رله‌مانی و حكومه‌تداری قۆناغی دیموكراتی و مه‌ده‌نی دوای راپه‌ڕینی ئازاری 1991 و درێژه‌پێده‌رێكی ئه‌و رێبازه‌یه‌ تا به‌ خوێنی تازه‌ و كاره‌كته‌ری دیكه‌ی كارا، حكومه‌تمه‌داری كاراتر و به‌هێزتر و سه‌نگینتربێ.

گه‌رهه‌ندێ له‌ جومگه‌كانی ئه‌و كابینه‌ تازه‌یه‌ له‌سه‌ر سه‌به‌ته‌یه‌كی زێڕینی رۆژه‌ سه‌خته‌كانی كابینه‌ی هه‌شته‌مه‌وه‌ش خۆی بینا بكاته‌وه‌، زۆر ئاساییه‌، چونكه‌ مه‌سرور بارزانی  سه‌رۆك وه‌زیرانی نوێ به‌ر له‌ هه‌ر كه‌سێكی دی و باشتر له‌ كه‌سانی دیكه‌ش هه‌ست به‌ قۆناغه‌كانی به‌ر له حكومه‌ته‌كه‌ی خۆی ده‌كات. زۆرباش ئاگاداره‌ و زۆر باشیش ئه‌و راستییانه‌ی له به‌ر چاوه‌، كه‌ حكومه‌تی نێچیرڤان ‌بارزانی له‌ ماوه‌ی ئه‌و چوار ساڵه‌ی دوایدا چه‌ندین گرفت و كێشه‌ و ئاسته‌نگی مه‌زنی له‌ به‌رده‌مدا هه‌بووه‌. گرنگترینی ئه‌و گرفتانه‌ش به‌ سه‌ره‌قه‌له‌مێكیش بێ ئه‌وانه‌ی خواره‌وه‌ن :

یه‌كه‌م: بڕینی بودجه‌ و مووچه‌ له‌ سه‌رده‌می مالیكی – عه‌بادی وه‌ك ئاگادارین چۆن بوو و چۆن پیاده‌كرا.

دووه‌م: هێرش و په‌لامار و شه‌ڕی تیرۆرستانی داعش و داگیركاری و جینۆسایدكردن و ئاواره‌بوونی هه‌زاران به‌ هه‌زاری ناوخۆ و ده‌ره‌وه‌و رووكردنه‌ هه‌ولێر و دهۆك و سلێمانی له‌ ملیۆنانی ئاواره‌ و لێقه‌وماوان باری گران و ده‌ردی گران بوون، له‌ سۆنگه‌ی داعشه‌وه‌ ئه‌و كۆمه‌ڵه‌ په‌تا و به‌ڵایانه‌ بوون یه‌خه‌ی كوردستان و مرۆڤایه‌تییان گرت.

سێییه‌م: پرسی مه‌زنی ریفراندۆمی سه‌ربه‌خۆیی كوردستان و دواتر  لێكه‌وته‌ و ده‌رهاویشته‌كانی 16ی ئۆكتۆبه‌ر و داگیركردنی كه‌ركووك و هێڕش و په‌لاماره‌كانی پردێ وسحێلا، رووداو و پرسێكی وا ئاسان نه‌بوون وه‌ك هه‌ندێ كه‌س و لایه‌ن له‌ گۆشه‌یه‌كی ته‌سكه‌وه‌ سه‌یری ده‌كه‌ن و ده‌یبینن.

له‌و نێوه‌ند و گێژاوه‌ی ئه‌و ماوه‌یه‌ی كه‌ كوردستانی تێكه‌وتبوو، گه‌ر ژیری و حیكمه‌ت و ئاینده‌بینی دیبلۆماسییانه‌ی سه‌رۆك و رابه‌ری به‌ ئه‌زموون  مه‌سعود بارزانی نه‌بوایه‌ و جێبه‌جێی كاره‌ دبلۆماسیه‌ میانڕه‌وه‌ییه‌كه‌ی نیچیرڤان بارزانی پیاده‌ی نه‌كردبایه‌، قۆناغی هه‌ستانه‌وه‌و كرانه‌وه‌ به‌ رووی جیهانی ده‌ره‌وه‌ له‌ دوای ریفراندۆم دره‌نگتر ده‌كه‌وتنه‌وه‌ سه‌ر واری واقیع و سه‌ر راسته‌ڕێی ده‌سه‌ڵات و حوكمداری كوردستانێكی یه‌كگرتوو.

له‌ راستی دا ئه‌و چه‌مكه‌ نادیارانه‌ی پشت په‌رده‌ی كاری سیاسیی و كارگێڕی ده‌وڵه‌تی ( ڕۆڵ، پێگه‌، پایه، كاره‌كته‌ر، كه‌سایه‌تی ) كاریزمایین، به‌ درێژایی مێژووی خه‌بات، ‌په‌روه‌رده‌ی ئه‌و بنه‌ماڵه‌ و خانه‌واده‌ و قوتابخانه‌یه‌ی بارزانه‌ و، وه‌ك بینیمان  كه‌سایه‌تییه‌كان، كاره‌كته‌ره‌كان ئه‌وانن پیاوی خاوه‌ن پره‌نسیپی ساته‌كانی ته‌نگانه‌ و قه‌یرانه‌كان. ئه‌و‌ كاریزماییه‌ش له‌ حیكمه‌ت و ژیری ئه‌و رێباز و رێچكه‌یه‌وه‌ سه‌ریهه‌ڵداوه‌ كه‌ رێباز و په‌یڕه‌وی - له‌ سه‌ركه‌وتن مه‌غروور نه‌بوون، له‌ شكست نائومێد نه‌بوون- ه‌ی باوكه‌، بۆته‌ بۆماوه‌ و كه‌لتووری خه‌بات و تێكۆشانی پتر له‌ 100 ساڵه‌ی خه‌بات و تێكۆشان، هه‌ر له‌ سه‌رده‌می شێخ عه‌بدولسه‌لام بارزانی پێشه‌نگی بزاڤی ناسیونالیستی شۆرشگێرییه‌وه‌ تا ساتی ئه‌مڕۆ بوونه‌ته‌ رێچكه‌ و رێباز.

وه‌ك بینیمان، له‌ دوای كاره‌ساتی داگیركردنی كه‌ركووك، گه‌ر ئه‌و كاریزمایه‌ی كاره‌كته‌ر و رۆڵ و پێگه‌ی سه‌رۆك بارزانی نه‌بوایه‌، نه‌ك هه‌ر كه‌ركووك، هه‌ولێر و دهۆك و سلێمانیشمان  له‌ ده‌ست ده‌چوو.

مه‌سرور بارزانی سه‌رۆكی كابینه‌ی تازه‌ی حكومه‌تی هه‌رێمی كوردستان، سه‌رۆكی چاوه‌روانكراو و جێ ئومێدی جه‌ماوه‌ره‌. 

ئه‌و، كوڕی باوكی خۆیه‌تی، باوك پێشمه‌رگه‌ و سه‌رۆك و رابه‌ری نه‌ته‌وه‌یه‌كه‌، ناوونیشان و سومبولی پرسێكه‌ دوور له‌ سازش و بگره‌ و به‌رده‌ و گه‌نگه‌شه‌ی  سه‌فسه‌تانه‌.

ئه‌و، گه‌نجی لێوه‌شاوه‌ی ژووره‌ رووناكه‌كانی ده‌زگای ئاسایش و پاراستنی نه‌ته‌وه‌یی و نیشتیمانی نییه‌، خاوه‌ن ئه‌زموونه‌‌، له‌ هه‌ولێره‌وه‌ سه‌ركردایه‌تی كابینه‌ی تازه‌ی حكومه‌تی كوردستان ده‌كات و به‌رنامه‌ و نه‌خشه‌ڕێگای حكومه‌ته‌ تازه‌كه‌ی به‌ خاكه‌ڕایی و بێ بریق وباق پێشكه‌ش ده‌كا و، ناونیشانێكی ساده‌ی وه‌ك ( هێله‌ گشتییه‌كانی به‌رنامه‌ی كاری حكومه‌تی كوردستان)ی پێده‌به‌خشێ. 

چاودێران و شرۆڤه‌كاران كه‌ ناوه‌رۆكی به‌رنامه‌كه‌ ده‌خوێننه‌وه‌ ده‌گه‌نه‌ ئه‌و راستییه‌ی كه‌وا به‌رنامه‌ی كاره‌كه‌، نه‌ هێلی گشتی بوون، نه‌ سه‌ره‌قه‌ڵه‌م، به‌ڵكو نه‌خشه‌ڕێگا بوون، نه‌خشه‌ڕێگای به‌رنامه‌ی كارای حكومه‌تی كوردستانی دوای شه‌ڕ و گرفت و قه‌یرانه‌   كه‌ڵه‌كه‌بووه‌كان. ئه‌و نه‌خشه‌رێگایه‌ش خۆی له هه‌میشه‌ ‌چاكسازی و به‌دواداچوون و گه‌شانه‌وه‌و بوژانه‌وه‌و ئاوه‌دانكردنه‌وه‌ی زیاتری ژێرخانی ئابوری و توانای سامانی مرۆیی زیاتر ده‌بینێته‌وه‌و ئامانجیش هه‌ر هێنانه‌دی ئه‌و دروشمه‌یه‌ حكومه‌تێكی به‌هێز بۆ كوردستانێكی به‌هێزی دوور له‌ قۆرغكاری و گه‌نده‌ڵی.

مه‌سرور بارزانی سه‌رۆكی كابینه‌ی نۆیه‌می حكومه‌تی كوردستان، له‌سه‌ر بنچ و بنه‌وانی باوانی درێژه‌ به‌ خه‌بات و تێكۆشانی شارستانیی و مرۆیی نه‌وه‌ی تازه‌ی مه‌ده‌نی ده‌وڵه‌تمه‌داری ده‌دات و له‌ نێو ئه‌و هه‌موو هه‌ڵچوون و داچوونه‌ی باردوخی ناوچه‌كه‌دا، كابینه‌ی پێش خۆی چه‌نده‌ جوان و چه‌نده‌ به‌هێز بوو، كابینه‌ی نۆیه‌م جوانتر و به‌هێزتر ده‌كات و ئه‌زمونی حكومه‌تمه‌داری كوردستانی به‌ پشتیوانی سه‌رۆكی هه‌رێمی كوردستان نێچیرڤان بارزانی و رێنمایی و پشتگیری رابه‌ر و سه‌رۆك بارزانی باشتر و پته‌وتر ده‌چه‌سپێنێ .

ئه‌و پشتیوان و پشتگیرییه‌ له‌ هه‌ردوو ئاستی به‌رزدا، چۆن مایه‌ی خۆشحاڵی جه‌ماوه‌رو خه‌ڵكی كوردستانه‌، ئاواش هێز و توانا و سه‌نگێكی دیكه‌یه‌. بۆیه‌ هه‌رگیز سازش له‌سه‌ر پره‌نسیپ و پرسه‌ مه‌زنه‌كان ناكرێت. 

ئه‌و، مه‌سرور بارزانی  پیاوه‌ ئاوریشمه‌ پۆڵاینه‌كه‌یه‌، نه‌ك پیاوی مه‌حاكم ته‌فتیش، بۆیه‌ زۆر پێویسته‌ وێنه‌كه‌ وه‌كو خۆی به جوانی و دره‌وشاوه‌یی له‌ چوارچیوه‌ ره‌نگینه‌ قه‌شه‌نگه‌كه‌یدا ببینرێت.  ‌‌

 




دوایین هەواڵەکان

سەرۆکی هەرێمی کوردستان بەبۆنەی یادکردنەوەی رۆژی نێودەوڵەتی قوربانیانی دەستی توندوتیژی پەیامێکی راگەیاند

FRIDAY, 23 AUGUST 2019 22:08:44

هەولێر-KDP.info- سەرۆکی هەرێمی کوردستان نێچیرڤان بارزانی لە پێگەی فەرمیی تویتەردا بە بۆنەی یادکردنەوەی رۆژی نێودەوڵەتی قوربانیانی دەستی توندوتیژی لەسەر بنەمایی ئاینیی یان بیڕورا..

باره‌گای بارزانی سه‌ره‌خۆشی له‌ خانه‌واده‌ی مه‌قامبێژ میقداد محه‌مه‌د عومه‌ر و خانه‌واده‌ی بەڕێز محەمەد رەشید لهۆنی ده‌کات

FRIDAY, 23 AUGUST 2019 00:08:21

باره‌گای بارزانی سه‌ره‌خۆشی له‌ خانه‌واده‌ی مه‌قامبێژ میقداد محه‌مه‌د عومه‌ر و خانه‌واده‌ی بەڕێز محەمەد رەشید لهۆنی ده‌کات

 

دارا جه‌لیل خه‌یات: ئومێدمان هەیە کۆمپانیا گەورەکانی جیهان لە بواری پیشەسازی و کشتوکاڵدا بێنە کوردستانەوە

THURSDAY, 22 AUGUST 2019 15:08:55

هەولێر-KDP.info-  سه‌رۆكی یه‌كێتیی ژووره‌ بازرگانی و پیشه‌سازییه‌كانی كوردستان باس له‌وه‌ ده‌كات جووڵه‌یه‌كی به‌هێز له‌ كوردستانه‌وه‌ هه‌یه‌ بۆ ڕاكێشان و پته‌وكردنی په‌یوه‌ندیی كوردستان و بازاڕی وڵاتانی جیهان. ده‌شڵێت، گرنگترین پرس ڕێخۆشكردنه‌ بۆ هاتنی كۆمپانیاكان بۆ ناو هه‌رێمی كوردستان.

 

عەزیز وەیسی: به‌رده‌وام مه‌شق و ڕاهێنان بە هێزی پێشمه‌رگه‌ ده‌كرێت

THURSDAY, 22 AUGUST 2019 15:08:08

هه‌ولێر-KDP.info- فه‌رمانده‌ی فه‌رمانده‌ییی پێشمه‌رگه‌ی زێره‌ڤانی گوتی، مه‌شق و ڕاهێنان به‌ هێزی پێشمه‌رگه‌ به‌رده‌وامه‌ و به‌هۆی مه‌شق و ڕاهێنانەوە هێزی پێشمه‌رگه‌ له‌ سه‌رده‌می شه‌ڕی داعش ماندووتره‌ و هیچ هێزێك بێ مه‌شقكردن نابێت. ئه‌ڵمانیاش یه‌كێكه‌ له‌و وڵاتانه‌ی به‌رده‌وامه‌ له‌ مه‌شق و ڕاهێنان به‌ هێزی پێشمه‌رگه‌ و به‌رده‌وامیش ده‌بێت.

 

قایمقامی كۆیە: ڕێگای كۆیە - دێگەڵە ١٥ ڕۆژی دیكە تەواو دەبێت

THURSDAY, 22 AUGUST 2019 13:08:09

كۆیە-KDP.info- پڕۆژەی چاككردنەوەی ڕێگای كۆیە - ھەولێر دەستی پێكردووە و لە ئێستادا قۆناغێكی باشی بڕیوە، قایمقامی شارۆچكەی كۆیەش دەڵێت، نزیكەی پانزە ڕۆژی دیكە رێگای كۆیە - دێگەڵە تەواو دەبێت و رێگای دێگەڵەش بۆ ھەولێر دەستی پێكردووە.

 


 
© 2018 Kurdistan Democratic Party, KDP