Kurdî  ■  كوردی  ■  عربي
TUE, 16 JUL 2019 07:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

تاڵەبانی: ئەوەی ئیدارەی كەركووك راست نییە.. ئەو خانووانە مۆڵەتی فەرمییان هەیە
| KDP.info


كەركووك-KDP.info- سەرۆكی ئەنجوومەنی پارێزگای كەركووك رایگەیاند، ئەو خانووانەی كورد كە ئیدارەی كەركووك بەنیازە بە پاساوی زێدەڕۆیی لەو شارە بیانڕووخێنێت، ھەموویان بە مۆڵەتی فەرمی و پەسەندكردنی لەلایەن ئەنجوومەنی پارێزگاوە دروست كراون، بۆیە ئەوەی ئیدارەی كەركووك دەیكات، بیانووە بۆ ئەوەی كورد لە شارەكە نەھێڵێت.

رێبوار تاڵەبانی، بە ماڵپەڕی فەرمیی پارتی دیموكراتی كوردستانی ڕاگەیاند: "ئەو خانووانەی كورد كە ئیدارەی پارێزگای كەركووك ھەڕەشەی ئەوە دەكات كە دەیانڕووخێنێت، ھیچیان بە زێدەڕۆیی دروست نەكراون و كاتی خۆی بە فەرمی و بە مۆڵەت دروست كراون و ئەنجوومەنی پارێزگای كەركووكیش لەخولی یەكەمدا پەسەندی كردووە، كە سێ شوێنی سەرەكی ھەیە، ئەوانیش فەیلەق و سەربازگەی خالید و بەرھەم خانن، بۆیە ئەوەی ئیدارەی پارێزگای كەركووك باس لەوە دەكات بە زێدەڕۆیی دروست كراون، راست نییە و مۆڵەتیان ھەیە".

تاڵەبانی گوتیشی: "خانوو بۆ كوردەكان لەو شوێنانە دروست كراون لەوێ نیشتەجێ دەبن تاوەكو حكوومەتی عێراق بەپێی ماددەی١٤٠ خانوویان لە شوێنی دیكە بۆ دروست دەكات، بۆیە ئەوەی ئیدارەی كەركووك دەیكات، بۆ ئەوەیە كورد لەو شارە نەمێنێت".

ناوبراو باسی لەوەش كرد، كاتی خۆی حكوومەتی عێراق جیددی نەبووە لە جێبەجێكردنی ماددەی ١٤٠، ھەر بۆیە كێشەكان لەو ناوچانە بەردەوامن و یەكێك لە كارەكانی ماددەی ١٤٠نەھێشتنی ئاسەواری حیزبی بەعسە، كە ٣٥ ساڵ تەعریبی لەوناوچانە كردووە، بەڵام بەداخەوە دوای ١٦ی ئۆكتۆبەر جارێكی دیكە درێژە بە كارەكانی حیزبی بەعس بۆ تەعریبكردن دراوە و گۆڕانكاری لە دیمۆگرافیای ئەو ناوچانەدا كراوە.

سەرۆكی ئەنجوومەنی پارێزگای كەركووك ڕوونیشی كردەوە: "پێش ١٦ی ئۆكتۆبەر، بە ھیچ شێوەیەك قبووڵمان نەدەكرد عەرەب ھاوردە بكرێت و كە ناسنامەی ساڵی ١٩٥٧ـیان نەبووایە، رێگرییان لێ دەكرا، بەڵام ئێستا ھەر عەرەبێك بیەوێت دەتوانێت بێتە كەركووك و ژماریەكی زۆری عەرەبیش ھاوردە كراون".

دەشڵێ: "ھەر كاتێك ئێمە بگەڕێینەوە بۆ شاری كەركووك، ھەموو ئەو بڕیارە نایاساییانەی ئیدارەی پارێزگای كەركووك ھەڵدەوەشێنینەوە".

 

بڵند ئیبراھیم  

 

 




دوایین هەواڵەکان

سه‌رۆكی هه‌رێمی كوردستان له‌گه‌ڵ شاندێكی به‌ریتانی كۆده‌بێته‌وه‌

MONDAY, 15 JULY 2019 22:07:46

ھەولێر-KDP.info- به‌ڕێز نێچیرڤان بارزانی سه‌رۆكی هه‌رێمی كوردستان له‌گه‌ڵ به‌ڕێزان جه‌نه‌ڕاڵ سیر جۆن لۆریمه‌ر ڕاوێژكاری باڵای وه‌زاره‌تی به‌رگریی به‌ریتانیا بۆ ڕۆژهه‌ڵاتی ناوه‌ڕاست و جۆن ویكلس باڵیۆزی به‌ریتانیا له‌ عێراق و جێمس سۆرنتۆن كونسولی گشتیی نوێی به‌ریتانیا له‌ هه‌رێمی كوردستان و شاندێكی یاوه‌ریان، دۆخی سیاسی و ئه‌منیی عێراق به‌گشتی و هه‌رێمی كوردستان به‌تایبه‌تی، په‌یوه‌ندییه‌كانی هه‌ولێر ـ به‌غدا، چاره‌سه‌ركردنی ده‌ستووریى كێشه‌كانى هه‌ولێر ـ به‌غدا، مه‌شق و ڕاهێنان به‌ هێزی پێشمه‌رگه‌ و به‌رده‌وامیی ڕیفۆرم له‌ وه‌زاره‌تی پێشمه‌رگه‌ى تاوتوێ كرد.

 
كێ دەرگای باشوری بۆ توركیا كردۆتەوە!

MONDAY, 15 JULY 2019 21:07:43

ئاریان فەرەج

لەیلا گۆڤەن كە یەك لە پەرلەمانتارانی مەزهەب پەكەكەی سەر بە حزبی هەدەپەیە دەڵێ: دەبێ بارزانی و دەسەڵاتدارانی هەرێم خاكی باشور بۆ توركیا نەكەنەوە و ئێمە لە ئاست هەڵەی لەو جۆرەدا تەماشاكەر نابین. 

مه‌سرور بارزانی پیاوه‌ ئاوریشمیه‌ پۆڵاینه‌كه‌، به‌رنامه‌ی كارای حكومه‌ته‌كه‌ی راگه‌یاند

MONDAY, 15 JULY 2019 21:07:04

د.محه‌مه‌د خدر مه‌ولوود 

 
پاریس و هەولێر رێککەوتننامەی دەستەخوشکیان واژۆ کرد

MONDAY, 15 JULY 2019 20:07:40

فەڕەنسا-KDP.INFO- نوێنه‌رى حكوومه‌تى هه‌رێمى كوردستان له‌ وڵاتى فه‌ڕه‌نسا دەڵێ: " ئەمڕۆ رێککەوتننامەی دەستەخۆشکبوون لە نێوان شارەوانی پاریس و پارێزگای هەولێر واژۆ کرا.

پارتی پۆستێکی دیکەی پارێزگای مووسڵ وەردەگرێتەوە

MONDAY, 15 JULY 2019 20:07:38

مووسڵ -KDP.info- سەرۆکی ئەنجومەنی پارێزگای مووسڵ گوتی، لە مووسڵ چوار بەڕێوەبەری گشتی ھەیە و یەکێک لەوانە کە پۆستی بەڕێوەبەری گشتیی تەندروستییە دراوە بە پارتی دیموکراتی کوردستان و کاندیدیشی دیاری کراوە و لە کۆبوونەوەی داھاتوودا دەنگی لەسەر دەدەن و ھەڵدەبژێردرێت.



 
© 2018 Kurdistan Democratic Party, KDP