Kurdî  ■  كوردی  ■  عربي
SUN, 17 NOV 2019 02:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كابینەی بەرەنگاری
| KDP.info


ئاریان فەرەج

رەنگە باشترین ووشەیەك گوزارشت لە كابینەی هەشتەم بكات، (كابینەی بەرەنگاری) بێت. بەرەنگاریی قەیرانە زۆر و پێكەوە و تاقەتپڕوكێن و درێژخایەنه‌ سیاسی و سەربازی و ئابورییەكانی كە روویان لە كوردستان كرد. بەرەنگاریی سیاسەتی سەختی برسیكردن، بەرەنگاری پەلاماری دڕندانەی داعش بۆ سەر خاكی كوردستان، بەرەنگاری دابەزینی نرخی نەوت و كەسادی ئابوری و بێ بازاڕی، بەرەنگاریی لێشاوی ملیۆنی ئاوارە و پەناهەندان، بەرەنگاریی ئابڵوقە و سزای سەپێندراو و عوزلەتی دیبلۆماسی، بەرەنگاریی پیلان و هەڕەشە جدییەكانی سەر قەوارەی سیاسیی كوردستان و ئەگەری لەنێوبردن و مەترسییەكانی لێكترازاندن و دووكەرتی. بەرەنگاریی قەیرانە سیاسییە ناوەخت و ناموجەبەكانی نێوخۆ و لەنیوەرێدا بەجێهێشتن، بەرەنگاریی شەڕی سەختی دەرونی و هەوڵەكانی تێكدانی ئاشتی كۆمەڵگەیی، بەرەنگاربونەوەی میدیای نامەسئول و دەمهەراش و هەوڵە چڕەكانی نەهێشتنی متمانەی نێوان خەڵك و دامەزراوەكانی حكومەت. بەرەنگاربونەوەی ئاسەوار و دەرهاویشتە و لێكەوتە جۆراوجۆرەكانی كۆی ئەم هەموو قەیران و تەنگانە و بارگرانییە. 

كابینەی هەشت كابینەی گرەو بوو لەگەڵ مێژوو، كابینەی كۆڵنەدان و شەڕی دەستەو یەخە و مان و نەمان بوو لەگەڵ ئەو هەموو مارەی لە ملی كوردستان ئاڵابوو، كابینەی گرەوی تێكشكاندن و بەزاندنی كۆی ئەو هەموو قەیرانە بوو، كابینەی تاقیكردنەوەی ئیرادەی نەبەزین و بەرگەگرتن و بەگژداچونەوە و سەنگەرچۆڵ نەكردن و كۆڵنەدان بوو، كابینەی گواستنەوە و گەیاندنەوەی كوردستان بوو بە سەلامەتی بۆ كەناری ئارامی و دووبارە هەستانەوە، دووبارە بوژانەوە، دووبارە سەرپێكەوتنەوە و درێژەپێدانی كاروان. 

گەورەترین و پڕماناترین وانەیەك كە كابینەی هەشت بۆ مێژووی كورد و كوردستانی تۆمار كرد ئەوە بوو: خەوبینین و خۆماندووكردن و پیلانگێڕان بۆ لەبەین بردنی ئەم قەوارە سیاسییەی كورد كە بە خوێن و خەباتی نەتەوەیەك بەدەست هاتووە، خەونی حوشترە. ئەم سەركەوتن و پیرۆزی و سەرفرازییەش وەك نیچیرڤان بارزانی گووتی: نەدەكرا و بەدەست نەده‌هات ئەگەر پشتیوانی و تێگەیشتن و خۆڕاگری و زەحمەتچەشتنی خەڵكی كوردستان نەبوایە، ئەو خەڵكەی شایستەی حكومەت و كابینەیەكی نوێی هەرچی زیاتر خزمەتگوزارتر و یاساسالارتر و رەشید و چاكسازترن.




دوایین هەواڵەکان

لیژنەی نەزاهە: کەیسەکانی گەندەڵی لە عێراق کراونەتەوە

SATURDAY, 16 NOVEMBER 2019 17:11:52

بەغدا-KDP.info- ئەندامێکی لیژنەی نەزاهەی ئەنجومەنی نوێنەرانی عێراق ڕایگەیاند، ئێستا لیژنەیەکان پرۆژەی هەموارکردنەوەی دەستەی نەزاهەی عێراقیان ئامادە کردووەتەوە، هەندێک کەیسی گەندەڵیش کراونەتەوە.

 

سەرۆکی حکوومەتی هەرێمی کوردستان پێشوازی لە شاندێکی پێکهاتە ئاینییەکانی هەرێمی کوردستان دەکات

SATURDAY, 16 NOVEMBER 2019 17:11:11

هەولێر-KDP.info-  ئەمڕۆ شەممە ٢٠١٩/١١/١٦ لە رۆژی جیهانی لێبوردەییدا، مەسرور بارزانی سەرۆکی حکومەتی هەرێمی کوردستان پێشوازی لە شاندێکی پێکهاتە ئاینییەکانی هەرێمی کوردستان کرد.

د. محەمەد خورشید: بارەگاکانمان لە کەرکووک ڕادەست دەکرێنەوە

SATURDAY, 16 NOVEMBER 2019 15:11:34

کەرکووک -KDP.info- بەرپرسێکی پارتی دیموکراتی کوردستان ھۆکاری ڕادەستنەکردنەوەی بارەگاکانیانی بۆ ئاڵۆزییەکانی ئێستای عێراق گەڕاندەوە و دەشڵێ، دوای ئاساییبوونەوەی ڕەوشی عێراق، لەگەل بەغدا دەست بە دانوستان دەکەن.

دهۆک خەڵاتێکی جیهانیی وەرگرت

SATURDAY, 16 NOVEMBER 2019 15:11:57

دهۆک-KDP.info- ئەمڕۆ، شەممە (١٦-١١-٢٠١٩)، لە وڵاتی باشووری ئەفریقا، شاری دهۆک خەڵاتی ئاشتیی شارەکانی جیهانی بەدەست هێنا.

 

"هەر وەبەرهێنەرێك لە تەواوكردنی پڕۆژەكان كەمتەرخەم بێت، سزا دەدرێت"

SATURDAY, 16 NOVEMBER 2019 11:11:45

هەولێر-KDP.info- حكوومەتی هەرێمی كوردستان، پارەی بۆ ئەنجامدانی 181 پڕۆژەی رێگاوبان تەرخان كردووە و پێویستە تاوەكو 15/12 تەواو بكرێن، بریكاری وەزارەتی ئاوەدانكردنەوەش دەڵێ، هەر وەبەرهێنەرێك لە ئەنجامدانی پڕۆژەكان كەمتەرخەم بێت، سزا دەدرێت و پڕۆژەكەش دەدرێتە وەبەرهێنەرێكی دیكە.

 



 
© 2018 Kurdistan Democratic Party, KDP