Kurdî  ■  كوردی  ■  عربي
SAT, 24 AUG 2019 06:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

عەلی خەلیل: داعش لە مووسڵ دەستی بە جووڵە كردووە
| KDP.info


مووسڵ-KDP.info- بەرپرسێكی پارتی دیموكراتی كوردستان لە مووسڵ ئاشكرای كرد، داعش سەرقاڵی كۆكردنەوەی خەڵكی خۆیەتی و شێوازی كاركردنیان گوڕیوە بۆ دروستكردنی گرووپی بچووك، بەڵام بە شێوەیەكی نھێنی دەستیان بەو كارە كردووە لەنێو مووسڵدا.

عەلی خەلیل، بەرپرسی لقی ١٤ی پارتی لە مووسڵ، بە ماڵپەڕی فەرمیی پارتی دیموكراتی كوردستانی راگەیاند: "تیرۆریستانی داعش لە سنووری مووسڵ دەستیان بە جووڵە كردووە و ماوەی چەند رۆژێكە سەرقاڵی خۆكۆكردنەوە و رێكخستنن، ھەرچەندە لە ئێستادا لە ڕووی ئەنجامدانی كردەوەی تیرۆریستییەوە، داعش بێدەنگیی ھەڵبژاردووە لە مووسڵ، بەڵام لەگەڵ ئەوەشدا زانیاری ھەیە كە خەریكی خۆڕێكخستنەوە و كۆكردنەوەی چەكدارەكانیانن".

بەرپرسی لقی ١٤ی پارتی دەشڵێت: "داعش سەرقاڵی جێبەجێكردنی پیلانێكی دیكەیە، ئەویش دروستكردنی گرووپی چەكداریی بچووك و دابەشكردنیانە، ھەروەھا لەنێو خەڵك خەریكی كەسبكردنی ھاووڵاتیانن بۆ ئەوەی ببنە ئەندامی گرووپی تیرۆریستیی داعش، ئەوەش بە نھێنی بەڕێوە دەچێت".

پەیوەست بە ئەنجامدانی ئۆپەراسیۆنی سەربازیی دژی ئەو چەكدارانەی داعش، عەلی خەلیل ئاماژەی بۆ ئەوە كرد: "ئەو ئۆپەراسیۆنەی دوێنی ھێزە عێراقییەكان دەستیان پێكردووە، سنووری پارێزگای نەینەوا ناگرێتەوە، ناشزانین پلانی ئەمنیی عێراق چییە بۆ كێوماڵكردنی سنووری مووسڵ لە تیرۆریستانی داعش".

 

قائید میرۆ




دوایین هەواڵەکان

سەرۆکی هەرێمی کوردستان بەبۆنەی یادکردنەوەی رۆژی نێودەوڵەتی قوربانیانی دەستی توندوتیژی پەیامێکی راگەیاند

FRIDAY, 23 AUGUST 2019 22:08:44

هەولێر-KDP.info- سەرۆکی هەرێمی کوردستان نێچیرڤان بارزانی لە پێگەی فەرمیی تویتەردا بە بۆنەی یادکردنەوەی رۆژی نێودەوڵەتی قوربانیانی دەستی توندوتیژی لەسەر بنەمایی ئاینیی یان بیڕورا..

باره‌گای بارزانی سه‌ره‌خۆشی له‌ خانه‌واده‌ی مه‌قامبێژ میقداد محه‌مه‌د عومه‌ر و خانه‌واده‌ی بەڕێز محەمەد رەشید لهۆنی ده‌کات

FRIDAY, 23 AUGUST 2019 00:08:21

باره‌گای بارزانی سه‌ره‌خۆشی له‌ خانه‌واده‌ی مه‌قامبێژ میقداد محه‌مه‌د عومه‌ر و خانه‌واده‌ی بەڕێز محەمەد رەشید لهۆنی ده‌کات

 

دارا جه‌لیل خه‌یات: ئومێدمان هەیە کۆمپانیا گەورەکانی جیهان لە بواری پیشەسازی و کشتوکاڵدا بێنە کوردستانەوە

THURSDAY, 22 AUGUST 2019 15:08:55

هەولێر-KDP.info-  سه‌رۆكی یه‌كێتیی ژووره‌ بازرگانی و پیشه‌سازییه‌كانی كوردستان باس له‌وه‌ ده‌كات جووڵه‌یه‌كی به‌هێز له‌ كوردستانه‌وه‌ هه‌یه‌ بۆ ڕاكێشان و پته‌وكردنی په‌یوه‌ندیی كوردستان و بازاڕی وڵاتانی جیهان. ده‌شڵێت، گرنگترین پرس ڕێخۆشكردنه‌ بۆ هاتنی كۆمپانیاكان بۆ ناو هه‌رێمی كوردستان.

 

عەزیز وەیسی: به‌رده‌وام مه‌شق و ڕاهێنان بە هێزی پێشمه‌رگه‌ ده‌كرێت

THURSDAY, 22 AUGUST 2019 15:08:08

هه‌ولێر-KDP.info- فه‌رمانده‌ی فه‌رمانده‌ییی پێشمه‌رگه‌ی زێره‌ڤانی گوتی، مه‌شق و ڕاهێنان به‌ هێزی پێشمه‌رگه‌ به‌رده‌وامه‌ و به‌هۆی مه‌شق و ڕاهێنانەوە هێزی پێشمه‌رگه‌ له‌ سه‌رده‌می شه‌ڕی داعش ماندووتره‌ و هیچ هێزێك بێ مه‌شقكردن نابێت. ئه‌ڵمانیاش یه‌كێكه‌ له‌و وڵاتانه‌ی به‌رده‌وامه‌ له‌ مه‌شق و ڕاهێنان به‌ هێزی پێشمه‌رگه‌ و به‌رده‌وامیش ده‌بێت.

 

قایمقامی كۆیە: ڕێگای كۆیە - دێگەڵە ١٥ ڕۆژی دیكە تەواو دەبێت

THURSDAY, 22 AUGUST 2019 13:08:09

كۆیە-KDP.info- پڕۆژەی چاككردنەوەی ڕێگای كۆیە - ھەولێر دەستی پێكردووە و لە ئێستادا قۆناغێكی باشی بڕیوە، قایمقامی شارۆچكەی كۆیەش دەڵێت، نزیكەی پانزە ڕۆژی دیكە رێگای كۆیە - دێگەڵە تەواو دەبێت و رێگای دێگەڵەش بۆ ھەولێر دەستی پێكردووە.

 


 
© 2018 Kurdistan Democratic Party, KDP