Kurdî  ■  كوردی  ■  عربي
FRI, 20 SEP 2019 13:30 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

تاران له‌ سنه‌وه‌ چاوی له‌ هه‌ولێر كرد و رێزلێنانی سازكرد
| KDP.info


د.محه‌مه‌د خدر مه‌ولوود

له‌ ماوه‌ی رۆژانی 2 و 3 ی ئه‌و مانگه‌دا، له‌ شاری سنه‌ كۆنگره‌ی ناودارانی كورد سازكرا، رێوره‌سمی رێزلێنان له‌ ناودارانی كورد ، له زانكۆی كوردستان سنه‌ چه‌ندی ده‌چێته‌ خانه‌ی كاری فه‌رهه‌نگی وكلتوری  وخه‌مخۆری تاران بۆ زمان و ئه‌ده‌ب و كلتوری كوردی، ئه‌وه‌نده‌شی ده‌چێته‌ خانه‌ی كاری سیاسیی مه‌به‌ستدار به‌ ره‌نگی رۆشنبیری و ئه‌ده‌بی. 

‌وه‌ك بینرا، له‌ ناوه‌رۆكدا ئه‌وه‌ی له‌ سنه‌ روویدا ده‌بوایه‌ رووبدات، چونكه‌ تاران، له‌و ساڵه‌دا به‌رامبه‌ر دوو كاری مه‌زنی رۆشنبیری و زانستی حكومه‌تی هه‌رێمی كوردستان له‌ هه‌ولێر، به‌ڕوو داماو و شه‌رمه‌زار بوو، تا راده‌یه‌كی زۆر له‌ به‌رامبه‌ر ئه‌و رێوره‌سمی رێزلێنانه‌ی كه‌ هه‌ولێر له‌ هۆڵی سه‌عد عه‌بدوڵڵا له‌ لایه‌ن زانكۆی سه‌لاحه‌دین-هه‌ولێر بۆ كۆچه‌ربیركار زانای بواری بیركاری له‌ مانگی مایس سازیكرد و دواتر له‌ هه‌مان شوێن بۆ نووسه‌ر و  مێژوونووسی ناوداری كوردی خۆراسانی كه‌لیموڵلای ته‌وه‌حودی سازكرا.

ئه‌و رێوڕه‌سمانه‌ی هه‌ولێر له‌ ئاستی به‌رزی حكوومه‌تی و به‌ ئاماده‌بوونی ژماره‌یه‌ك له‌ قونسوڵگه‌ری وڵاتان و‌ خودی سه‌رۆكی حكوومه‌تی هه‌رێمی كوردستان نێچیرڤان بارزانی خه‌ڵات و رێزڵێنانه‌كه‌ی به‌خشی و خاڵی هه‌ره‌گرنگیش له‌وه‌دابوو رابه‌ر و سه‌رۆك بارزانی له‌ كات و ساتی خۆیدا پێشوازی له‌ هه‌ردوو به‌رێزان كۆچه‌ر بیركار و كه‌لیموڵڵای ته‌وه‌حودی كرد هه‌موومان ئه‌وشمان له‌ بیره‌ له‌ ئان و ساتی وه‌رگرتنی خه‌ڵاتی جیهانی فیڵدز بۆ بواری زانستی به‌ كۆچه‌ر بیركار له‌ ‌شاری مه‌ریوان له‌ گه‌ڵ به‌خشین و دابه‌شكردنی شیرینی به‌و بۆنه‌یه‌وه‌ وێنه‌ی سه‌رۆك بارزانی له‌ شه‌قام و كوچه‌ و كۆڵانه‌كان له‌گه‌ڵ وێنه‌ی بیركار له‌ لایه‌ن خه‌ڵك و جه‌ماوه‌ره‌وه‌ بۆ ده‌ربڕینی خۆشی و به‌خته‌وه‌ری و هه‌ستی ره‌سه‌نی كوردایه‌تی به‌رزكرایه‌ و هه‌ڵواسرا، به‌ جۆرێ ده‌سه‌لاتدارنی ئه‌وێی نیگه‌ران و ته‌ریق كردبۆوه‌ چونكه‌ هه‌ستیان پێكرد ئه‌و كار و هه‌ست و نه‌ست ده‌ربڕینه‌ له‌ناكاو عه‌فه‌وی و خۆبه‌خشیه‌، خۆشی جه‌ماوه‌رییه‌ بێ به‌رنامه‌ی سیاسیی یه‌ و مانابه‌خشه‌.

قسه‌ له‌سه‌ر كۆنگره‌ی ناودارانی سنه‌یه‌، كه‌ ده‌بوایه‌ تاران به‌م كاره‌ هه‌ڵسێ و وه‌ڵامی هه‌ولێر بداته‌وه‌، گه‌ر وه‌ڵامێكی جیاوازیش بێ هه‌ر هیچ نه‌بێ له‌ شه‌رمی هه‌ولێر ده‌رده‌چێ و به‌و بۆنه‌یه‌وه‌ش هونه‌رمه‌ند مه‌زهه‌ری خاڵقیش ده‌گه‌ڕێنێته‌وه‌ نیشتیمانه‌كه‌ی خۆی و چیتر خه‌ڵكی به‌ گۆرانی(ده‌گه‌ڕێمه‌وه‌و .. دوژمن پێی خۆش بێ و پێی ناخۆش بێ بۆ نیشتیمانه‌كه‌م هه‌ر ده‌گه‌رێمه‌وه‌...) گه‌ر بۆ دژایه‌تی ئه‌وانیش نه‌گوترابێ، چیتر نه‌یار و ناحه‌زانی به‌خۆی خۆش ناكات و با عه‌بدوڵڵا په‌شێوی شاعیری ناوداری كورد و جیهانیش خه‌ڵات و ئاماده‌بوونی سنه‌ ره‌تبكاته‌وه‌.

ئه‌و جۆره‌ كاره‌ رۆشنبیری و فه‌رهه‌نگییه‌ بۆ ئێمه‌ی كوردی چ ئێران سازی بكا یا توركیا یا سوریا یا پێشتر به‌ر له‌ راپه‌ڕینی ئازاری 1991 كه‌ رژێمی به‌عس سازی ده‌كرد هه‌ر ئه‌وه‌ی لێده‌خوێندرایه‌وه‌ و ئه‌وه‌شی لێده‌خوێندرێته‌وه‌ كه‌ مه‌به‌ستی سیاسیی و ریكڵام و میدیای سیاسیی له‌ پشته‌ و ته‌نیا مه‌به‌ست لێیی مه‌رامه‌ رۆشنبیری و كه‌لتوری و فه‌رهه‌نگییه‌كه‌ نه‌بووه‌ و نییه‌.

له‌ په‌نای ئه‌وه‌دا كورد وه‌ك نه‌ته‌وه‌ سوودی له‌ ئه‌نجامدانی ئه‌و جۆره‌ كارانه‌ وه‌رگرتووه‌ و سوودی هه‌ره‌ گرنگ و مه‌زنیش له‌وه‌دابووه‌، به‌و وڵاتانه‌ بڵێ من وه‌ك كورد خاوه‌ن نیشتیمان و زمان و كه‌لتور و فه‌رهه‌نگی خۆمم و له‌ ئێوه‌ ناچم و به‌ ئێوه‌ش له‌ناو ناچم.

كۆنگره‌ی ناودارانی كورد له‌ زانكۆی كوردستان له‌ سنه‌، هه‌نگاوێكی جوان و كارێكی باش بوو، پێویسته‌  تاران له‌مه‌ودوا دان به‌ زمانی كوردی بنێ وه‌ك زمانێكی فه‌رمی و بۆ بواری خوێندن و په‌روه‌رده‌ و نووسین هه‌موو ده‌رگاكانی له‌به‌رده‌م واڵا بكاته‌وه‌، چونكه‌ زمانی نه‌ته‌وه‌یه‌كی ئازاد و ئاشتی خواز و مرۆڤدۆست و خزمه‌تكاری بیری مرۆڤایه‌تییه‌، ها ئه‌وه‌تانێ هه‌ر كۆنگره‌ی ناودارانی كورد له‌ سنه‌ سه‌لماندی كه‌ كورد وه‌ك نه‌ته‌وه‌، خاوه‌ن نیشتیمان و خاك و ئاو و هه‌وا و ژینگه‌ی خۆیه‌تی، میوانی سه‌ر خاك و ژینگه‌ی كه‌س نییه‌، هه‌روا كۆنگره‌كه‌ سه‌لماندی كه‌ كورد له‌ زانایێك زیاتر و له‌ شاعیر و هونه‌رمه‌ندێك زیاتر و له‌ نووسه‌ر و ئه‌دیبێك زیاتر و له‌ ئه‌فرێنه‌رێك زیاتر و له‌ ناودارێك زیاتری هه‌یه‌، وه‌ك خه‌ڵكی تر ئه‌ویش نه‌ته‌وه‌و گه‌له‌، نیشتیمانی هه‌یه‌، وه‌لێ لێی داگیركراوه‌. 

 




دوایین هەواڵەکان

نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 
ڕیوڕسمێن دەرچوویێن زانینگەها ئەمریکی ل کوردستانێ-دهۆک بڕیڤەدچن‎

THURSDAY, 19 SEPTEMBER 2019 19:09:29

دهۆک-KDP.info- ئەڤرۆ پێنچ شەمبیێ(١٩-٩-٢٠١٩)ـێ رێورسمێن گەرا ئێکی یا دەرچوویێن زانینگەها ئەمریکی ل کوردستان-دهۆک بڕێڤەدچن.

 

خەسرۆ گۆران: حەفتەی دابێ لایەنە سیاسییەکانی هەرێم کۆ دەبنەوە

THURSDAY, 19 SEPTEMBER 2019 19:09:02

هەولێر-KDP.info-  حەفتەی دابێ لایەنە سیاسییەکان کۆبوونەوەیەکی هاوبەش دەکەن. بەرپرسی دەزگای هەڵبژاردنی پارتییش دەڵێ، کۆبوونەوەکە سەبارەت بە هەڵبژاردنی ئەنجومەنی پارێزگاکانی عێراقە.

 



 
© 2018 Kurdistan Democratic Party, KDP