Kurdî  ■  كوردی  ■  عربي
SAT, 19 OCT 2019 20:55 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نەتەوە یەكگرتووەكان پشتگیری لە بەرنامەی حكوومەتی داهاتووی هەرێمی كوردستان دەكات
| KDP.info


هەولێر-KDP.info- نوێنەری سكرتێری گشتیی نەتەوە یەكگرتووەكان لە عێراق، لە دیداریدا لەگەڵ مەسروور بارزانی، پشتگیریی نەتەوە یەكگرتووەكانی بۆ بەرنامەی حكوومەتی داهاتووی هەرێمی كوردستان دەربڕی.

مەسروور بارزانی، راسپێردراوی پێكهێنانی كابینەی نوێی حكوومەتی هەرێمی كوردستان، ئەمڕۆ سێشەممە 2/7/2019 پێشوازی لە خاتوو جینین هینیس پلاسخارت، نوێنەری تایبەتی سكرتێری گشتیی نەتەوە یەكگرتووەكان لە عێراق و شاندی یاوەری كرد.

لەم دیدارەدا، وێڕای تاوتوێكردنی پێشهات و پەرەسەندنەكانی عێراق و ناوچەكە، پڕۆسەی پێكهێنانی كابینەی نوێی حكوومەتی هەرێمی كوردستان و پەیوەندیی نێوان هەولێر و بەغدا و رەوشی ناوچەكانی تایبەت بە ماددەی (١٤٠) تاوتوێ كرا و جەخت لە چارەسەركردنی كێشەكان لەسەر بنەمای دەستوور كرایەوە.

 لە دیدارەكەدا، مەسروور بارزانی تیشكی خستە سەر ڕۆڵی نەتەوە یەكگرتووەكان بە ئاڕاستەی چارەسەركردنی پرسە هەڵواسراوەكان، لەنێویاندا ئاساییكردنەوەی بارودۆخی كەركووك و ئادەدانكردنەوەی ناوچە زیانمەندەكانی شەڕی تیرۆریستانی داعش و رایگەیاند، چاودێری و سەرپەرشتیكردنی پڕۆسەكە لەلایەن نەتەوە یەكگرتووەكانەوە، بە پێویست دەزانرێت.

لەلای خۆیەوە نوێنەری تایبەتی سكرتێری گشتیی نەتەوە یەكگرتووەكان لە عێراق، خۆشحاڵیی خۆی بە هەنگاوەكانی پێكهێنانی كابینەی نوێی حكوومەتی هەرێمی كوردستان و پێشڤەچوونەكانی پەیوەندییەكانی نێوان هەولێر و بەغدا دەربڕی و پشتگیریی نەتەوە یەكگرتووەكانیشی بۆ هەوڵ و بەرنامەی حكوومەتی داهاتوو لە بواری چاكسازی و چارەسەركردنی كێشە  و پرسە هەڵواسراوەكان نیشان دا.




دوایین هەواڵەکان

سوپاسنامەیەك لە لایەن بنەماڵەى میرانی ئەنوەربەگى بێتواتەوە

SATURDAY, 19 OCTOBER 2019 20:10:57

بەناوى خوداى گەورە و میهرەبان

عەلی خەلیل: گەڕاندنەوەی داعشەکان مەترسیی بۆ ڕەوشی ئەمنیی عێراق ھەیە

SATURDAY, 19 OCTOBER 2019 15:10:20

دهۆك -KDP.info- لەگەل تێکچوونی ڕەوشی ڕۆژئاوای کوردستان وڵاتان لە ھەوڵدان بۆ ئەوەی ئەو داعشە عێراقیانەی لە زیندانەکانی ڕۆژئاوای کوردستانن، بگەڕێندرێنەوە بۆ عێراق و بەرپرسێکی کوردیش ھۆشداری لەبارەی گەڕانەوەی داعشە عێراقیەکانەوە دەدات.

 

د. محەمەد شوكری: یاسای وەبەرهێنان هەموار دەكرێتەوە

SATURDAY, 19 OCTOBER 2019 13:10:00

هەولێر-info.KDP- سەرۆكی دەستەی وەبەرهێنان لە هەرێمی كوردستان، ئاماژە بەو رێكارانە دەكات كە گرتوویانەتە بەر بۆ ئەوەی وەبەرهێنان لە كوردستان بەهێز بكرێت و دەشڵێ، یەكێك لە رێكارەكان، پرسی هەمواری یاسای وەبەرهێنان دەبێت.

 
تا ئێستا 3 هەزار و 56 پەنابەری رۆژئاوا هاتوونەتە هەرێمی كوردستان

SATURDAY, 19 OCTOBER 2019 12:10:38

هەولێر-KDP.info- بەڕێوەبەری داتا و زانیاریەكان لە فەرمانگەی هەماهەنگی و قەیرانەكان دەڵێ، بەپێی دوایین ئامار، لە 9ی ئەم مانگەوە تاوەكو ئێستا، 3 هەزار و 56 پەنابەری رۆژئاوای كوردستان هاتوونەتە هەرێمی كوردستان و تەنیا شەوی ڕابردووش زیاتر لە 700 پەنابەر هاتوون، كە پێداویستیی سەرەكییان بۆ دابین كراوە و پێشوازییان لێ كراوە.

 
فارس عیسا: بڕیارە دوای بۆنەكانی موحەڕەم، شاندی هەرێم سەردانی بەغدا بكات

SATURDAY, 19 OCTOBER 2019 10:10:27

هەولێر-KDP.info- نوێنەری حكوومەتی هەرێم لە بەغدا رایگەیاند، ئەو دەنگۆیانەی لەبارەی ڕەتكردنەوەی داواكاریی هەرێم لەلایەن بەغداوە سەبارەت بە بودجە بڵاو كراونەتەوە، راست نین و گفتوگۆكانی هەردوولا بەردەوامن و لێكنزیكبوونەوەی باش هەیە بۆ ئەوەی بگەنە رێككەوتن، بڕیاریشە دوای بۆنەكانی موحەڕەم، شاندی هەرێم سەردانی بەغدا بكات.

 


 
© 2018 Kurdistan Democratic Party, KDP