Kurdî  ■  كوردی  ■  عربي
SAT, 19 OCT 2019 15:54 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مه‌سرور بارزانی پێشوازی لە شاندێکی باڵای سەربازی هێزی هاوپەیمانان دەکات ‌
| KDP.info


ئه‌مڕۆ دووشەممە 1/7/2019 مه‌سرور بارزانی راسپێردراوی پێکهێنانی کابینەی نوێی حکوومەتی هەرێمی كوردستان پێشوازی له‌ شاندێکی باڵای سەربازی هێزی هاوپەیمانان بەسەرۆکایەتی جەنەڕاڵ گرنک ویچ جێگری فەرماندەی فه‌رمانده‌یی هێزی هاوپەیمانان له‌ عێراق و سوریا كرد.

له‌م دیدارەدا پێشهات و پەرەسەندنەکانی ناوچه‌كه‌ به‌گشتی و هەماهەنگی نێوان هێزەکانی هەرێمی کوردستان و هاوپەیمانان تاوتوێ كرا.

لەمیانەی دیدارەکەدا مەسرور بارزانی، وێڕای ئاماژەدان بە رۆڵ و کاریگەری هەماهەنگی لە نێوان هێزی پێشمەرگە و هاوپەیمانان لە شەڕی تیرۆریستانی داعش و بەدەستهێنانی دەسکەوتە سەربازییەکان، دووپاتی لە پێویستی بەردەوامیی ھەماھەنگی ھەمەلایەنەی نێوان هێزەکانی هەرێمی کوردستان و  هاوپەیمانان کردەوە.

لەبەرامبەردا  شاندی باڵای هاوپەیمانان، وێڕای سوپاسکردنی هەرێمی کوردستان بۆ هەماهەنگییەکان، هیوای سەرکەوتنیان بۆ مەسرور بارزانی خواست لە سەرۆکایەتی کردنی کابینەی نوێی حکوومەتی هەرێمی کوردستان و دووپاتیشیان کردەوە، کە بەردەوامی هەماهەنگییەکان رۆڵی خۆی دەبینێت لە پاراستنی دەستکەوتەکان و رێگەگرتن لە سەرهەڵدانەوەی تیرۆریستان.

 لەپەیوەست بەم بابەتەوە جەخت لەسەر جێگیرکردنی میکانیزمی هەماهەنگی لە نێوان هێزی پێشمەرگە و سوپای عێراق و هاوپەیمانان بۆ روبەڕووبوونەوەی هەڕەشەی تیرۆریستان کرایەوە.




دوایین هەواڵەکان

عەلی خەلیل: گەڕاندنەوەی داعشەکان مەترسیی بۆ ڕەوشی ئەمنیی عێراق ھەیە

SATURDAY, 19 OCTOBER 2019 15:10:20

دهۆك -KDP.info- لەگەل تێکچوونی ڕەوشی ڕۆژئاوای کوردستان وڵاتان لە ھەوڵدان بۆ ئەوەی ئەو داعشە عێراقیانەی لە زیندانەکانی ڕۆژئاوای کوردستانن، بگەڕێندرێنەوە بۆ عێراق و بەرپرسێکی کوردیش ھۆشداری لەبارەی گەڕانەوەی داعشە عێراقیەکانەوە دەدات.

 

د. محەمەد شوكری: یاسای وەبەرهێنان هەموار دەكرێتەوە

SATURDAY, 19 OCTOBER 2019 13:10:00

هەولێر-info.KDP- سەرۆكی دەستەی وەبەرهێنان لە هەرێمی كوردستان، ئاماژە بەو رێكارانە دەكات كە گرتوویانەتە بەر بۆ ئەوەی وەبەرهێنان لە كوردستان بەهێز بكرێت و دەشڵێ، یەكێك لە رێكارەكان، پرسی هەمواری یاسای وەبەرهێنان دەبێت.

 
تا ئێستا 3 هەزار و 56 پەنابەری رۆژئاوا هاتوونەتە هەرێمی كوردستان

SATURDAY, 19 OCTOBER 2019 12:10:38

هەولێر-KDP.info- بەڕێوەبەری داتا و زانیاریەكان لە فەرمانگەی هەماهەنگی و قەیرانەكان دەڵێ، بەپێی دوایین ئامار، لە 9ی ئەم مانگەوە تاوەكو ئێستا، 3 هەزار و 56 پەنابەری رۆژئاوای كوردستان هاتوونەتە هەرێمی كوردستان و تەنیا شەوی ڕابردووش زیاتر لە 700 پەنابەر هاتوون، كە پێداویستیی سەرەكییان بۆ دابین كراوە و پێشوازییان لێ كراوە.

 
فارس عیسا: بڕیارە دوای بۆنەكانی موحەڕەم، شاندی هەرێم سەردانی بەغدا بكات

SATURDAY, 19 OCTOBER 2019 10:10:27

هەولێر-KDP.info- نوێنەری حكوومەتی هەرێم لە بەغدا رایگەیاند، ئەو دەنگۆیانەی لەبارەی ڕەتكردنەوەی داواكاریی هەرێم لەلایەن بەغداوە سەبارەت بە بودجە بڵاو كراونەتەوە، راست نین و گفتوگۆكانی هەردوولا بەردەوامن و لێكنزیكبوونەوەی باش هەیە بۆ ئەوەی بگەنە رێككەوتن، بڕیاریشە دوای بۆنەكانی موحەڕەم، شاندی هەرێم سەردانی بەغدا بكات.

 
ھەدار: بەپێی بەڵگەکانی لایەنی ئەمنیی عێراق، وڵاتان لە پشت خۆپیشاندانی ھاووڵاتیانەوەن

SATURDAY, 19 OCTOBER 2019 10:10:11

بەغدا-KDP.info- پێشبینیی دەستپێكردنەوەی خۆپیشاندانەكانی عێراق دەكرێت و پەرلەمانتارێكیش ئاماژە بۆ ئەوە دەكات، هەفتەی دابێ پەرلەمانی عێراق كۆدەبێتەوە و بەپێی ئەو بەڵگانەی دەست لایەنی ئەمنیی عێراق كەوتوون، وڵاتان لە پشت خۆپیشاندانی ھاووڵاتیانەوەن.

 


 
© 2018 Kurdistan Democratic Party, KDP