Kurdî  ■  كوردی  ■  عربي
WED, 20 NOV 2019 22:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وه‌زاره‌تی ته‌ندروستی: حكوومه‌ت به‌رده‌وامه‌ له‌ یه‌كخستن و چاودێریكردنی نرخی ده‌رمان
| KDP.info


هەولێر-KDP.info-  گوته‌بێژی وه‌زاره‌تی ته‌ندروستیی حكوومه‌تی هه‌رێمی كوردستان ڕایگەیاند: له‌ ڕێگای لێژنه‌ تایبه‌تمه‌نده‌كانه‌وه‌ به‌ردوامین له‌ یه‌كخستن و چاودێریكردنی نرخی ده‌رمان و له‌ناوبردنی ده‌رمانی بێكواڵێتی.

خالیس قادر، وته‌بێژی وه‌زاره‌تی ته‌ندروستیی حكوومه‌تی هه‌رێمی كوردستان، به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "حكوومه‌تی هه‌رێم به‌رده‌وامه‌ له‌ یه‌كخستنی نرخی ده‌رمان له‌ سه‌رتاسه‌ری كوردستان، تا ئێستاش زیاتر له‌ (5500) جۆره‌ ده‌رمان نرخیان یه‌ك خراوه و، تا ته‌واوبوونی هه‌موو جۆره‌كانی ده‌رمان‌ پرۆسه‌كه‌ش به‌رده‌وامه‌."

وته‌بێژی وه‌زاره‌تی ته‌ندروستی ڕایشیگه‌یاند: "جگه‌ له‌ یه‌كخستنی نرخه‌كان له‌ ڕێگای لێژنه‌ی تایبه‌تمه‌نده‌وه،‌ چاودێریی كۆمپانیا و كۆگا و ده‌رمانخانه‌كان ده‌كه‌ین بۆ پابه‌ندبوونیان به‌و نرخه‌ی كه‌ له‌ لایه‌ن حكوومه‌ته‌وه‌ بۆیان دیاری كراوه‌. ئه‌گه‌ر سه‌رپێچیی بڕیاره‌كانی حكوومه‌ت بكه‌ن، ئه‌وه‌ تووشی سزای یاسایی ده‌بن."

خالیس قادر ئاماژه‌ی به‌وه‌ش دا: "به‌هۆی كاراییی كواڵێتی كۆنترۆڵەوە ئێستا به‌ته‌واوی كۆنترۆڵی كواڵێتی و هێنانی ده‌رمان كراوه‌، ڕێگا نادرێت هیچ جۆره‌ ده‌رمانێكی كواڵێتی نزم بێته‌ هه‌رێمی كوردستان."

وته‌بێژی وه‌زاره‌تی ته‌ندروستی ئاشكرایشی كرد: "جگه‌ له‌ ده‌رمانی هاورده،‌ له‌ ناوخۆی هه‌رێمی كوردستانیش دوو كۆمپانیای تایبه‌ت به‌ دروستكردنی ده‌رمان هه‌ن،‌ كه‌ به‌ شێوه‌یه‌كی ورد له بواری‌ چۆنیه‌تیی دروستكردن و كۆاڵێتیی به‌رهه‌مه‌كانیانەوە له‌ژێر كۆنترۆڵی حكوومه‌تدان."

هێدی كاكه‌ی




دوایین هەواڵەکان

پایزی به‌غدا و گه‌ڵاڕێزانی تاران

WEDNESDAY, 20 NOVEMBER 2019 20:11:06

د.محه‌مه‌د خدرمه‌ولود 

 
" نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان "

WEDNESDAY, 20 NOVEMBER 2019 19:11:08

سلێمانی -KDP.info- مامۆستایەکی زانکۆ و پسپۆڕی بواری زانستە سیاسییەکان دەڵێ، سەرۆکی هەرێمی کوردستان ئەمڕۆ دۆزی کوردی بە بڕبڕەی پشتی سەقامگیری و هاوسەنگی لە ڕۆژهەڵاتی ناوەڕاستدا وەسف کرد. هاوکات هاووڵاتییان دەڵێن، نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان.

 

مەسروور بارزانی: ده‌مانه‌وێت پێوه‌ندیی دیپلۆماسیی باشترمان له‌گه‌ڵ جیهان هه‌بێت

WEDNESDAY, 20 NOVEMBER 2019 18:11:34

دهۆک-KDP.info-  مه‌سرور بارزانی، سه‌رۆكی حكوومه‌تی هه‌رێمی كوردستان، له‌ میانی (دیداری ئاشتی و ئاسایشی رۆژهه‌ڵاتی ناوه‌ڕاست)دا، كه‌ زانكۆی ئه‌مه‌ریكی - كوردستان له‌ دهۆك به‌ڕێوه‌ی ده‌بات، له‌ دیبه‌یتێكی تایبه‌تدا، ڕوانگه‌ی خۆیانی له‌مه‌ڕ پرسه‌ گرنگ و هه‌ستیاره‌كانی سه‌ر گۆڕه‌پانی سیاسیی كوردستان و عێراق و ناوچه‌كه‌، كێشه‌ و شه‌ڕ و ئاواره‌بوونی خه‌ڵك و كێشه‌ به‌رده‌وامه‌كانی ناوچه‌كه‌وه‌ خسته‌ڕوو. دواتر وه‌ڵامی چه‌ندین پرسیاری تایبه‌ت به‌ هه‌لومه‌رج و بارودۆخی ناوچه‌كه‌ی دایه‌وه‌، كه‌ له‌لایه‌ن ئاماده‌بووانه‌وه‌ ئاراسته‌ی كران.

 
"لەسەر فەرمانی مەسروور بارزانی ٥٢ برینداری چەکی کیمیایی بۆ چارەسەرکردن ڕەوانەی ئێران دەکرێن"

WEDNESDAY, 20 NOVEMBER 2019 16:11:06

ھەڵەبجە-KDP.info- لەسەر فەرمانی مەسروور بارزانی، سەرۆکوەزیرانی ھەرێمی کوردستان ژمارەیەک برینداری چەکی کیمیایی ڕەوانەی وڵاتی ئێران دەکرێن و سەرۆکی کۆمەڵەی قوربانیانی کیمیابارانی ھەڵەبجەش دەڵێ، ڕۆژانی داھاتوو ئەو بریندارنە دەگواسترێنەوە بۆ ئێران.

 

هە‌ڵه‌بجه‌ییه‌كان داوا ده‌كه‌ن نەیەڵن یاسای هه‌ڵبژاردنه‌كان بەبێ پشکی پارێزگای هەڵەبجە تێپەڕ ببێت

WEDNESDAY, 20 NOVEMBER 2019 15:11:04

هەڵەبجە -KDP.info- به‌ هۆكاری ئه‌وه‌ی دوو پڕۆژه‌ی سه‌رۆكایه‌تیی كۆمار و سه‌رۆكایه‌تیی ئه‌نجومه‌نی وه‌زیرانی عێراق گەیشتوونه‌ته‌ ئه‌نجومه‌نی نوێنه‌رانی عێراق بۆ یاسای هه‌ڵبژاردنه‌كان و كه‌مكردنه‌وه‌ی كورسیی ئه‌نجومه‌نی نوێنه‌ران و، خوێندنه‌وه‌ی یه‌كه‌می بۆ كراوه‌، به‌شدارنه‌بوونی هه‌ڵه‌بجه‌ وه‌ك پارێزگا نیگه‌رانیی شه‌قامی هه‌ڵه‌بجه‌ی به‌دووای خۆیدا هێناوه‌، سه‌رۆكی فراكسیۆنی پارتیش ده‌ڵێ، نایه‌ڵن هه‌ڵه‌بجه‌ وه‌ك پارێزگا له‌ هه‌ڵبژاردنه‌كان بێبه‌ش بكرێت.

 



 
© 2018 Kurdistan Democratic Party, KDP