Kurdî  ■  كوردی  ■  عربي
SUN, 17 NOV 2019 02:42 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

قوتابییانی کورد لە فیستیڤاڵێکی نێودەوڵەتیدا کەلتووری کوردیان ناساند
| KDP.info


هەولێر-KDP.info- لە مانگی حوزەیرانی ئەمساڵدا لە زانکۆی زانستە مرۆڤایەتییەکان و کۆمەڵناسیی SWPS، کە یەکێکە لە کۆنترین و بەناوبانگترین زانکۆ تایبەتەکانی وارشۆی پایتەختی پۆڵۆنیا، ”فیستیڤاڵی نێودەوڵەتیی کەلتووری زانکۆ" بەڕێوە چوو. ئامانج لە بەڕێوەچوونی ئەم جۆرە فیستیڤاڵە ڕەخساندنی زەمینەیەکی لەبارە بۆ لێکتێگەیشتنی قوتابییانی بیانی لە وڵاتانی جیهان و ناساندنی کەلتووری جیاوازە بە یەکتری.

قوتابییانی کورد لە زانکۆی SWPS لەو فیستیڤاڵەدا بەشدار بوون و ستادێکی تایبەت بە کوردستانیان بە مەبەستی پێشاندانی جلوبەرگی کوردی، خواردنی کوردەواری، چەند وێنەیەکی کوردستان و چەند پەرتووکێک دەربارەی کورد و کوردستان دانا. لە بەشێکی فیستیڤاڵەکەدا قوتابییە کوردەکان بە پێشاندانی شایی و هەڵپەڕکێی کوردی جۆشوخرۆشیان بە فیستیڤاڵەکە بەخشی و سەرنجی ئامادەبووانیان بە لای خۆیاندا ڕاکێشا.

نوێنەرایەتیی حکوومەتی هەرێمی کوردستان لە پۆڵونیا لەگەڵ قوتابییانی کورد لە ڕێکخستنی ستادی کوردیدا بەشدار بوو، هەروەها پشتگیریی تەواوی قوتابییەکانیان کرد، وەکو پێشکەشکردنی جلوبەرگی کوردی، پەرتووک، نەخشەی کوردستان و وێنەکانی کوردستان. دووای تەواوبوونی فیستیڤاڵەکەش، قوتابییانی بەشدار لە فیستیڤاڵەکەدا لە تۆڕی کومەڵایەتیی فەیسبووک سوپاسی خۆیان بۆ سەرجەم هەماهەنگییەکانی نوێنەرایەتیی حکوومەتی هەرێمی کوردستان لە پۆڵۆنیا دووپات کردەوە.

نوێنەرایەتیی ‌‌حکوومەتی هەرێمی کوردستان لە پۆڵۆنیا دەستخۆشیی لەو قوتابییانە کرد و هیوای بەردەوامی و سەرکەوتنی بۆ خواستن و ئامادەییی تەواوی خۆیانی نیشان دا بۆ هەر هەماهەنگییەک کە خزمەت بە ناساندنی کەلتوور و شوناسی کوردی لە پۆڵۆنیا بکات.

 




دوایین هەواڵەکان

لیژنەی نەزاهە: کەیسەکانی گەندەڵی لە عێراق کراونەتەوە

SATURDAY, 16 NOVEMBER 2019 17:11:52

بەغدا-KDP.info- ئەندامێکی لیژنەی نەزاهەی ئەنجومەنی نوێنەرانی عێراق ڕایگەیاند، ئێستا لیژنەیەکان پرۆژەی هەموارکردنەوەی دەستەی نەزاهەی عێراقیان ئامادە کردووەتەوە، هەندێک کەیسی گەندەڵیش کراونەتەوە.

 

سەرۆکی حکوومەتی هەرێمی کوردستان پێشوازی لە شاندێکی پێکهاتە ئاینییەکانی هەرێمی کوردستان دەکات

SATURDAY, 16 NOVEMBER 2019 17:11:11

هەولێر-KDP.info-  ئەمڕۆ شەممە ٢٠١٩/١١/١٦ لە رۆژی جیهانی لێبوردەییدا، مەسرور بارزانی سەرۆکی حکومەتی هەرێمی کوردستان پێشوازی لە شاندێکی پێکهاتە ئاینییەکانی هەرێمی کوردستان کرد.

د. محەمەد خورشید: بارەگاکانمان لە کەرکووک ڕادەست دەکرێنەوە

SATURDAY, 16 NOVEMBER 2019 15:11:34

کەرکووک -KDP.info- بەرپرسێکی پارتی دیموکراتی کوردستان ھۆکاری ڕادەستنەکردنەوەی بارەگاکانیانی بۆ ئاڵۆزییەکانی ئێستای عێراق گەڕاندەوە و دەشڵێ، دوای ئاساییبوونەوەی ڕەوشی عێراق، لەگەل بەغدا دەست بە دانوستان دەکەن.

دهۆک خەڵاتێکی جیهانیی وەرگرت

SATURDAY, 16 NOVEMBER 2019 15:11:57

دهۆک-KDP.info- ئەمڕۆ، شەممە (١٦-١١-٢٠١٩)، لە وڵاتی باشووری ئەفریقا، شاری دهۆک خەڵاتی ئاشتیی شارەکانی جیهانی بەدەست هێنا.

 

"هەر وەبەرهێنەرێك لە تەواوكردنی پڕۆژەكان كەمتەرخەم بێت، سزا دەدرێت"

SATURDAY, 16 NOVEMBER 2019 11:11:45

هەولێر-KDP.info- حكوومەتی هەرێمی كوردستان، پارەی بۆ ئەنجامدانی 181 پڕۆژەی رێگاوبان تەرخان كردووە و پێویستە تاوەكو 15/12 تەواو بكرێن، بریكاری وەزارەتی ئاوەدانكردنەوەش دەڵێ، هەر وەبەرهێنەرێك لە ئەنجامدانی پڕۆژەكان كەمتەرخەم بێت، سزا دەدرێت و پڕۆژەكەش دەدرێتە وەبەرهێنەرێكی دیكە.

 



 
© 2018 Kurdistan Democratic Party, KDP