Kurdî  ■  كوردی  ■  عربي
WED, 20 NOV 2019 23:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"سبەی پارتی لەبارەی ھەمواری یاسای ھەڵبژاردنی ئەنجومەنی پارێزگاکانی عێراقەوە کۆ دەبێتەوە"
| KDP.info


 

هەولێر-KDP.info-  بڕیارە حەفتی دابێ پەرلەمانی عێراق ھەمواری پڕۆژەیاسای ھەڵبژاردنی ئەنجومەنی پارێزگاکانی عێراق بخاتە دەنگدانەوە و بەرپرسی ھەڵبژاردنەکانی پارتییش دەڵێ، چوارشەممە (١٩-٦-٢٠١٩) پارتی لەسەر ئەو بابەتە کۆ دەبێتەوە. دەشڵێ، پێداگیری لەسەر ھەڵوێستی پارتی دەکەن بۆ ئەوەی کۆرسییەکی کۆتا بۆ کوردانی فەیلی لە بەغدا زیاد بکرێت.

 

خەسرۆ گۆران، بەرپرسی دەزگای ھەڵبژاردنی پارتی، بە ماڵپەڕی فەرمیی پارتی دیموکراتی کوردستانی ڕاگەیاند: "دوێنێ کۆمسیۆنی باڵای ھەڵبژاردنەکانی عێراق و سەرۆکی پەرلەمان و لیژنەی یاساییی پەرلەمانی عێراق لەبارەی پەسەندکردنی ھەمواری یاسای ھەڵبژاردنەکانی ئەنجومەنی پارێزگاکانی عێراقەوە کۆ بوونەتەوە و پێشنیار کراوە وادەی ھەڵبژاردنەکانی ئەنجومەنی پارێزگاکانی عێراق دووا بخرێت بۆ مانگی نیسانی ساڵی داھاتوو، ئەوە پێشنیاری کۆمسیۆنە و بڕیاری کۆتایی بۆ پەرلەمان و حکوومەتی عێراقی فیدراڵە."

 

بەرپرسی دەزگای ھەڵبژاردنی پارتی دەڵێت: "بڕیارە حەفتەی دابێ بەر لە پشووی پەرلەمان یاسای ھەڵبژاردنی ئەنجومەنی پارێزگاکانی عێراق پەسەند بکرێت، ئێمە سبەی وەک پارتی لە دەزگای ھەڵبژاردن و فراکسیۆنی پارتی لە پەرلەمانی عێراق و لیژنەی یاسایی کۆ دەبینەوە، لەبارەی ھەمواری یاسای ھەڵبژاردنەکانی ئەنجومەنی پارێزگاکانی عێراق و پارتی ھەڵوێستی خۆی دیار دەکات."

 

خەسرۆ گۆران ئاماژەی بۆ ئەوە کرد: "ئەوەی بۆ ئێمە، وەک پارتی، گرینگە لەنێو ھەمواری یاساکەدا جێگیر بکرێت چونیەتیی دابەشکردنی کۆرسییەکانە، کە بە چ ئالیەتێک دەبێت، ھەروەھا ھەوڵمان داوە کۆرسییەکی کۆتا بۆ کوردانی فەیلی لە پارێزگای بەغدا زیاد بکرێت، پێشتریش کۆرسییەکمان بۆ کوردانی فەیلی لە پارێزگای واست جێگیر کردووە تا ببێتە نوێنەری کوردانی ناوچەی بەدرە و جەسان، پێویستە کۆرسییەکی کۆتا بۆ کوردانی فەیلی لە بەغداش ھەبێت، لەبەر ئەوەی ژمارەیەکی زۆری کوردی فەیلی لە بەغدا نیشتەجێن."

 

قائید میرۆ

 




دوایین هەواڵەکان

پایزی به‌غدا و گه‌ڵاڕێزانی تاران

WEDNESDAY, 20 NOVEMBER 2019 20:11:06

د.محه‌مه‌د خدرمه‌ولود 

 
" نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان "

WEDNESDAY, 20 NOVEMBER 2019 19:11:08

سلێمانی -KDP.info- مامۆستایەکی زانکۆ و پسپۆڕی بواری زانستە سیاسییەکان دەڵێ، سەرۆکی هەرێمی کوردستان ئەمڕۆ دۆزی کوردی بە بڕبڕەی پشتی سەقامگیری و هاوسەنگی لە ڕۆژهەڵاتی ناوەڕاستدا وەسف کرد. هاوکات هاووڵاتییان دەڵێن، نێچیرڤان بارزانی گشت ڕێگاچارەکان دەدۆزێتەوە بۆ پاراستنی کوردستان لە مه‌ترسییه‌كان.

 

مەسروور بارزانی: ده‌مانه‌وێت پێوه‌ندیی دیپلۆماسیی باشترمان له‌گه‌ڵ جیهان هه‌بێت

WEDNESDAY, 20 NOVEMBER 2019 18:11:34

دهۆک-KDP.info-  مه‌سرور بارزانی، سه‌رۆكی حكوومه‌تی هه‌رێمی كوردستان، له‌ میانی (دیداری ئاشتی و ئاسایشی رۆژهه‌ڵاتی ناوه‌ڕاست)دا، كه‌ زانكۆی ئه‌مه‌ریكی - كوردستان له‌ دهۆك به‌ڕێوه‌ی ده‌بات، له‌ دیبه‌یتێكی تایبه‌تدا، ڕوانگه‌ی خۆیانی له‌مه‌ڕ پرسه‌ گرنگ و هه‌ستیاره‌كانی سه‌ر گۆڕه‌پانی سیاسیی كوردستان و عێراق و ناوچه‌كه‌، كێشه‌ و شه‌ڕ و ئاواره‌بوونی خه‌ڵك و كێشه‌ به‌رده‌وامه‌كانی ناوچه‌كه‌وه‌ خسته‌ڕوو. دواتر وه‌ڵامی چه‌ندین پرسیاری تایبه‌ت به‌ هه‌لومه‌رج و بارودۆخی ناوچه‌كه‌ی دایه‌وه‌، كه‌ له‌لایه‌ن ئاماده‌بووانه‌وه‌ ئاراسته‌ی كران.

 
"لەسەر فەرمانی مەسروور بارزانی ٥٢ برینداری چەکی کیمیایی بۆ چارەسەرکردن ڕەوانەی ئێران دەکرێن"

WEDNESDAY, 20 NOVEMBER 2019 16:11:06

ھەڵەبجە-KDP.info- لەسەر فەرمانی مەسروور بارزانی، سەرۆکوەزیرانی ھەرێمی کوردستان ژمارەیەک برینداری چەکی کیمیایی ڕەوانەی وڵاتی ئێران دەکرێن و سەرۆکی کۆمەڵەی قوربانیانی کیمیابارانی ھەڵەبجەش دەڵێ، ڕۆژانی داھاتوو ئەو بریندارنە دەگواسترێنەوە بۆ ئێران.

 

هە‌ڵه‌بجه‌ییه‌كان داوا ده‌كه‌ن نەیەڵن یاسای هه‌ڵبژاردنه‌كان بەبێ پشکی پارێزگای هەڵەبجە تێپەڕ ببێت

WEDNESDAY, 20 NOVEMBER 2019 15:11:04

هەڵەبجە -KDP.info- به‌ هۆكاری ئه‌وه‌ی دوو پڕۆژه‌ی سه‌رۆكایه‌تیی كۆمار و سه‌رۆكایه‌تیی ئه‌نجومه‌نی وه‌زیرانی عێراق گەیشتوونه‌ته‌ ئه‌نجومه‌نی نوێنه‌رانی عێراق بۆ یاسای هه‌ڵبژاردنه‌كان و كه‌مكردنه‌وه‌ی كورسیی ئه‌نجومه‌نی نوێنه‌ران و، خوێندنه‌وه‌ی یه‌كه‌می بۆ كراوه‌، به‌شدارنه‌بوونی هه‌ڵه‌بجه‌ وه‌ك پارێزگا نیگه‌رانیی شه‌قامی هه‌ڵه‌بجه‌ی به‌دووای خۆیدا هێناوه‌، سه‌رۆكی فراكسیۆنی پارتیش ده‌ڵێ، نایه‌ڵن هه‌ڵه‌بجه‌ وه‌ك پارێزگا له‌ هه‌ڵبژاردنه‌كان بێبه‌ش بكرێت.

 



 
© 2018 Kurdistan Democratic Party, KDP