Kurdî  ■  كوردی  ■  عربي
SUN, 17 NOV 2019 02:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"دانانی سندووقی سكاڵا له‌ كابینه‌ی نوێی حكوومه‌تدا هه‌نگاوێكی گرنگ ده‌بێت"
| KDP.info


سلێمانی-KDP.info-  له‌ كابینه‌ی نوێی حكوومه‌تی هه‌رێمی كوردستاندا دامه‌زراوه‌یه‌ك بۆ سندووقی سكاڵا دادەمەزرێت كه‌  هاووڵاتییان و فه‌رمانبه‌رانی ده‌وڵه‌ت دەتوانن ڕاسته‌وخۆ كه‌موكووڕی و گه‌نده‌ڵی و ڕۆتینییاتی دامه‌زراوه‌كانی حكوومه‌ت له‌ ڕێگه‌ی سكاڵاوه‌ بگه‌یه‌ننه‌ به‌رپرسانی باڵای حكوومه‌ت.


ماموستایانی زانكۆ هه‌نگاوی دامه‌زراندنی سندووقی سكاڵا به‌ هه‌نگاوێكی گرنگ ده‌زانن و ده‌ڵێن، به‌رپرسانی ئیداری كاروباری ڕۆژانه‌ی هاووڵاتییان زۆر به‌باشی به‌ڕێ ده‌كه‌ن و ڕۆتیینییات و گه‌نده‌ڵی له‌ دامه‌زراوه‌كان به‌ره‌و بنه‌بڕكردن ده‌چێت و هاووڵاتی حكوومه‌ت به‌ حكوومه‌تی خۆی ده‌زانێت كاتێك زۆر به‌ئاسانی ده‌توانێت سكاڵای خۆی به‌ به‌رپرسانی باڵای وڵات بگه‌یه‌نیت.


كوێستان له‌تیف، ماموستای زانكۆی سلێمانی، له‌و بارەیە‌وه‌، به‌ ماڵپه‌ڕی فه‌رمیی پارتی دیموكراتی كوردستانی، ڕاگه‌یاند: "به‌ گه‌شبیینییه‌وه‌ ده‌ڕوانمه‌ ئه‌و ستافه‌ و كارنامه‌یه‌ی كابیینه‌ی حكوومه‌تی نوێی هه‌رێمی كوردستان له‌ چوارساڵی ئایندەدا‌ كه‌ حكوومه‌تێكی خزمه‌تگوزار و بنه‌بڕكه‌ری گه‌نده‌ڵیی ئیداری و مالی بێت".


كوێستان له‌تیف ئاماژه‌ی بۆ ئه‌وه‌ش كرد: "یه‌كێك له‌ كێشه‌كانی حكوومه‌ت  ئەوە ‌بوو کە هاووڵاتییان گله‌یییان له‌ ڕۆتیینییاتی دامه‌زراوه‌كانی حكوومه‌ت هه‌بوو، دانانی سندووقی سكاڵا هه‌نگاوێكی گرنگه‌ بۆ ئه‌وه‌ی هه‌میشه‌ به‌رپرسانی ئیداری به‌باشی ئه‌ركه‌كانی خۆیان به‌رانبه‌ر بە هاووڵاتییان ڕابپه‌ڕێنن، هاووڵاتییانیش كاره‌كانیان له‌ كاتی خۆیدا ڕایی بكەن و حكوومه‌ت به‌ حكوومه‌تی خۆیان بزانن".

ناوبراو گوتی: "له ‌كابینه‌كانی تری حكوومه‌تدا كۆمه‌ڵێك لایه‌ن كاریان له‌سه‌ر ئه‌وه ‌ده‌كرد وا له‌ هاووڵاتییانی بگه‌یه‌نن کە حكوومه‌ت به‌شێك نییه‌ له‌ هاووڵاتییان، بۆیه‌ فكری دانانی سندووقی سكاڵا وا له ‌هاووڵاتییان ده‌كات زۆر به‌ئاسانی سكاڵای خۆیان به‌ به‌رپرسانی باڵای حكوومه‌ت بگه‌یه‌نن، ته‌واوی ئه‌و فكرە‌ش ده‌ڕه‌وێنێته‌وه‌ كه‌ هاووڵاتییان وایان هه‌ست كردبێت، یان وا تێگەیەنرابن كه‌ حكوومه‌ت و هاووڵاتی دووانه‌یه‌كی له‌یه‌ك دابڕاو بن".

دامه‌زراوه‌ی سندووقی سكاڵا به‌رده‌وام سكاڵای هاووڵاتییان و فه‌رمان به‌ران له‌ ئه‌دا و كاری دامه‌زراوه‌كانی ده‌وڵه‌ت ده‌خاته‌ به‌رده‌م به‌رپرسانی باڵای حكوومه‌ت.

دكتۆر هه‌ڵمه‌ت غه‌ریب، ماموستای زانكۆ، به ‌ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "هه‌نگاوی دامەزراندنی دامه‌زراوه‌ و سندووقی سكاڵا بۆ مه‌عاناتی هاووڵاتییان و سکاڵاکانیان له‌ ئیداره‌ و دارایی، هه‌نگاوێكی زۆر گرنگ‌ ده‌بێت و ده‌روازه‌یه‌كی تر له‌ نزیكبوونه‌وه‌ی حكوومه‌ت و هاووڵاتی دەبێت و ئه‌و دیواره‌ له‌ نێوان ده‌نگی هاووڵاتی و ده‌سه‌ڵاتدا نامێنێت و  هاووڵاتییان ڕاسته‌وخۆ ده‌توانن مه‌عاناتی خۆیان به ‌ده‌سه‌ڵات بگه‌یه‌نن"

دكتۆر هه‌ڵمه‌ت گوتیشی: "ئه‌و سندووقه‌ ده‌بێته چاودێرێکی جددی به‌سه‌ر كاروباری حكوومه‌تەوە، واته‌ کەرەستەیەکە بۆ چاودێریكردنی كاروباره‌كانی حكوومه‌ت له‌ ناوخۆی حكوومه‌تدا، ئه‌مه‌ زۆر گرنگه‌ و کەرەستەیەكیشه‌ بۆ نزیكبوونه‌وه‌ی هاووڵاتییان و حكوومه‌ت له ‌یه‌كتر".

غه‌ریب بڕوای وایه‌: "بەهۆی سندووقی سكاڵاوە له‌ كابینه‌ی نوێی حكوومه‌تدا هاووڵاتی به‌رده‌وام به‌ ڕێگه‌یه‌كی ئاسان ده‌توانێت سكاڵای خۆی به‌ به‌رپرسانی باڵای وڵات بگه‌یه‌نێت له‌سه‌ر ئه‌و كاره‌ ڕۆتیینییاته‌ی له‌ كاتی مامه‌ڵه‌ی ڕۆژانەدا‌ له‌ دامه‌زراوه‌كان تووشی ده‌بێت و گوێنه‌گرتن له‌ خواست و داوای هاووڵاتی به‌ره‌و كه‌مبوونه‌وه و‌ بنه‌بڕكردن ده‌ڕوات، بۆیه‌ ئه‌وكات هه‌میشه‌ به‌رپرسانی ئیداری كه‌ ده‌زانن به‌رده‌وام هاووڵاتی زۆر به‌ئاسانی ده‌توانێت سكاڵایان له‌سه‌ر بگه‌یه‌نێته‌ سه‌رووی خۆیان، كاره‌كانیان به‌باشی بۆ ده‌كه‌ن و‌ ڕۆتینییان له‌ كاروباری دامه‌زراوه‌كانی حكوومه‌ت زۆر كه‌م ده‌بێته‌وه‌ و به‌ره‌و بنه‌بڕكردن ده‌ڕوات".


عه‌زیز هه‌ورامی

 




دوایین هەواڵەکان

لیژنەی نەزاهە: کەیسەکانی گەندەڵی لە عێراق کراونەتەوە

SATURDAY, 16 NOVEMBER 2019 17:11:52

بەغدا-KDP.info- ئەندامێکی لیژنەی نەزاهەی ئەنجومەنی نوێنەرانی عێراق ڕایگەیاند، ئێستا لیژنەیەکان پرۆژەی هەموارکردنەوەی دەستەی نەزاهەی عێراقیان ئامادە کردووەتەوە، هەندێک کەیسی گەندەڵیش کراونەتەوە.

 

سەرۆکی حکوومەتی هەرێمی کوردستان پێشوازی لە شاندێکی پێکهاتە ئاینییەکانی هەرێمی کوردستان دەکات

SATURDAY, 16 NOVEMBER 2019 17:11:11

هەولێر-KDP.info-  ئەمڕۆ شەممە ٢٠١٩/١١/١٦ لە رۆژی جیهانی لێبوردەییدا، مەسرور بارزانی سەرۆکی حکومەتی هەرێمی کوردستان پێشوازی لە شاندێکی پێکهاتە ئاینییەکانی هەرێمی کوردستان کرد.

د. محەمەد خورشید: بارەگاکانمان لە کەرکووک ڕادەست دەکرێنەوە

SATURDAY, 16 NOVEMBER 2019 15:11:34

کەرکووک -KDP.info- بەرپرسێکی پارتی دیموکراتی کوردستان ھۆکاری ڕادەستنەکردنەوەی بارەگاکانیانی بۆ ئاڵۆزییەکانی ئێستای عێراق گەڕاندەوە و دەشڵێ، دوای ئاساییبوونەوەی ڕەوشی عێراق، لەگەل بەغدا دەست بە دانوستان دەکەن.

دهۆک خەڵاتێکی جیهانیی وەرگرت

SATURDAY, 16 NOVEMBER 2019 15:11:57

دهۆک-KDP.info- ئەمڕۆ، شەممە (١٦-١١-٢٠١٩)، لە وڵاتی باشووری ئەفریقا، شاری دهۆک خەڵاتی ئاشتیی شارەکانی جیهانی بەدەست هێنا.

 

"هەر وەبەرهێنەرێك لە تەواوكردنی پڕۆژەكان كەمتەرخەم بێت، سزا دەدرێت"

SATURDAY, 16 NOVEMBER 2019 11:11:45

هەولێر-KDP.info- حكوومەتی هەرێمی كوردستان، پارەی بۆ ئەنجامدانی 181 پڕۆژەی رێگاوبان تەرخان كردووە و پێویستە تاوەكو 15/12 تەواو بكرێن، بریكاری وەزارەتی ئاوەدانكردنەوەش دەڵێ، هەر وەبەرهێنەرێك لە ئەنجامدانی پڕۆژەكان كەمتەرخەم بێت، سزا دەدرێت و پڕۆژەكەش دەدرێتە وەبەرهێنەرێكی دیكە.

 



 
© 2018 Kurdistan Democratic Party, KDP