Kurdî  ■  كوردی  ■  عربي
FRI, 20 SEP 2019 13:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"نێچیرڤان بارزانی و مەسروور بارزانی دەتوانن كوردستان بەهێزتر بكەن"
| KDP.info


هەولێر-KDP.info-  بە بڕوای چاودێران و حزب و لایەنەكان، نێچیرڤان بارزانی و مەسروور بارزانی دەتوانن ئەزموونی كوردستان بپارێزن و كوردستان بەرەو قۆناغێكی دیكە ببەن، ئەوەش لە بەرژەوەندیی خەڵكی كوردستاندایە.

ڕۆژی 10ی ئەم مانگە لە ڕێوڕەسمێكی گەورە و شایستەدا نێچیرڤان بارزانی، سوێندی یاسایی خوارد و بوو بە سەرۆكی هەرێم، دوێنێش (١١-٦-٢٠١٩) پەرلەمانی كوردستان مەسروور بارزانیی ناودێر كرد بۆ پێكهێنانی حكوومەت. ئەمڕۆش (١٢-٦-٢٠١٩) سەرۆكی هەرێم مەسروور بارزانیی ڕاسپارد بۆ ئەوەی لە ماوەی 30 ڕۆژدا كابینەی حكوومەتی هەرێم پێك بهێنێت.

عەبدولسەلام بەرواری، چاودێری سیاسی بۆ ماڵپەڕی فەرمیی پارتی دیموكراتی كوردستانی ئاشكرا كرد: "سەرۆكایەتیی هەرێم پۆستێكە ئەرك و بەرپرسیارەتییەکانی بەپێی یاسای ژمارە 1ی  ساڵی 2005 دیاری كراون، ئەویش نوێنەرایەتیی هەرێم و ڕێكخستنی پەیوەندیی نێوان هەرسێ دەسەڵاتەكانە لەگەڵ بەغدا و دەرەوە. كەسێكی وەكو نێچیرڤان بارزانی كە ئەزموونێكی دوورودرێژی لە حوكمڕانیدا هەیە و بەپێی ئەو دەستكەوتە گەورانەی كە بەدەستی هێناون، بەتایبەتی پاش گەماڕۆی ساڵی 2017 و، ئەگەر تەماشای برووسكەی پیرۆزبایی و ئەو پەیوەندییە تەلەفۆنییانە بكەین كە كراون، ئەوانە هەمووی نیشانەی ئەوەن كە نەك ئێمە، بەڵكو بەغدا و دەوروبەر و كۆمەڵگەی نێودەوڵەتییش چاوەڕوانی زۆر شت لە نێچیرڤان بارزانی دەكەن، بۆیە لەو بڕوایەدام ئەگەر كەسێك هەبێت و بتوانێت پێگەی هەرێم بپارێزێت و بەهێزی بكات، ئەوە نێچیرڤان بارزانی باشترین كەسە بۆ ئەم قۆناغە".

لە لایەكی دیكەوە، موسلیح ڕەجەب، ئەندامی سەركردایەتیی حزبی سۆسیالیست دیموكراتی كوردستان بۆ ماڵپەڕی فەرمیی پارتی دیموكراتی كوردستان گوتی: "سەرۆكی هەرێم فەرماندەی گشتیی هێزە چەكدارەكانە، دەتوانێت بەو ئەزموونەی كە هەیەتی ئەزموونی كوردستان بپارێزێت و كوردستان بەهێزتر بكات، چونكە ئەزموونێكی دورودرێژی هەیە، هەروەها مەسروور بارزانی كە بە ئەندازیاری ئارامی ناسراوە، ئەویش ئەزموونێكی دورودرێژی هەیە، جێگەی دەستی دیارە و كەسێكی بەتوانا و زیرەكە، لەسەر ئاستی عێراق، هەتا لەسەر ئاستی وڵاتانی دراوسێ و كۆمەڵگەی نێودەوڵەتی پەیوەندییەكی بەهێزی هەیە، هەردوو بەرێزان، نێچیرڤان بارزانی و مەسروور بارزانی دەتوانن ئەزموونی كوردستان بپارێزن و كوردستان بەرەو قۆناغێكی دیكە ببەن و بەهێزتری بکەن، ئەوەش لە بەرژەوەندیی خەڵكی كوردستاندا دەبێت، خەڵك ئۆمێدی هەیە كە ڕەوشی كوردستان لە سایەی ئەو دوو كەسەدا بەرەو باشتر دەچێت و پەیوەندییەكانی هەرێم لەگەڵ كۆمەڵگەی نێودەوڵەتی بەهێز دەبن، باشترین نموونەش هاتنی ئەو سەركردە جیهانییانە بۆ هەرێم و ئامادەبوونیان لە ڕێوڕەسمی سوێندخواردنی سەرۆكی هەرێمدایە، ئەوە هەمووی نیشانەی ئەوەن كە كوردستان پێش دەكەوێت و كوردستان ڕۆژ بۆ ڕۆژ بەهێزتر دەبێت".

رابین شێروانی

 




دوایین هەواڵەکان

نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 
ڕیوڕسمێن دەرچوویێن زانینگەها ئەمریکی ل کوردستانێ-دهۆک بڕیڤەدچن‎

THURSDAY, 19 SEPTEMBER 2019 19:09:29

دهۆک-KDP.info- ئەڤرۆ پێنچ شەمبیێ(١٩-٩-٢٠١٩)ـێ رێورسمێن گەرا ئێکی یا دەرچوویێن زانینگەها ئەمریکی ل کوردستان-دهۆک بڕێڤەدچن.

 

خەسرۆ گۆران: حەفتەی دابێ لایەنە سیاسییەکانی هەرێم کۆ دەبنەوە

THURSDAY, 19 SEPTEMBER 2019 19:09:02

هەولێر-KDP.info-  حەفتەی دابێ لایەنە سیاسییەکان کۆبوونەوەیەکی هاوبەش دەکەن. بەرپرسی دەزگای هەڵبژاردنی پارتییش دەڵێ، کۆبوونەوەکە سەبارەت بە هەڵبژاردنی ئەنجومەنی پارێزگاکانی عێراقە.

 



 
© 2018 Kurdistan Democratic Party, KDP