Kurdî  ■  كوردی  ■  عربي
FRI, 20 SEP 2019 13:32 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆكایەتی پەرلەمان، پیرۆزبایی لە مەسروور بارزانی ده‌كات
| KDP.info


هەولێر-KDP.info- سەعات 11ی پێشنیوەڕۆی ئەمڕۆ 2019/6/11، بە سەرۆكایەتیی د. ڤاڵا فەرید ئیبراهیم، سەرۆكی پەرلەمانی كوردستان و هێمن هەورامی، جێگری سەرۆكی پەرلەمان و مونا نەبی قەهوەچی، سكرتێری پەرلەمان، دانیشتنی ژمارە (8)ی ئاسایی خولی بەهارە لە ساڵی یەكەمی خولی پێنجەمی هەڵبژاردن بەڕێوە چوو.

بەرنامەی كاری دانیشتنەكە، بریتی بوو لە دەستنیشانكردنی سەرۆكی دەسەڵاتی جێبەجێكردنی هەرێمی كوردستان، بەپێی بڕگە (3) لە ماددەی (56)ی یاسای هەڵبژاردنی پەرلەمانی كوردستان ژمارە (1)ی ساڵی 1992ی هەمواركراو.

دوای خوێندنەوەی بەرنامەی كاری دانیشتنەكە و كۆنووسی دانیشتنی پێشوو و ناوی ئەندامانی ئامادەنەبوو و مۆڵەتپێدراو لەلایەن مونا نەبی قەهوەچی، سكرتێری پەرلەمان، سەرۆكی پەرلەمانی كوردستان داوای لە لیستی براوەی هەڵبژاردنی خولی پێنجەمی پەرلەمانی كوردستان، فراكسیۆنی پارتی دیموكراتی كوردستان كرد كاندیدیان بۆ پۆستی سەرۆكی ئەنجوومەنی وەزیرانی هەرێمی كوردستان بخەنە روو.

دواتر لەلایەن ئومێد عەبدولڕەحمان حەسەن خۆشناو، سەرۆكی فراكسیۆنی پارتی دیموكراتی كوردستان، بەڕێز مەسروور مەسعوود مستەفا بارزانی وەك كاندیدی  لیستی براوەی هەڵبژاردنی خولی پێنجەمی پەرلەمانی كوردستان پێشكەش بە سەرۆكایەتیی پەرلەمان كرا و لەلایەن سەرۆكی پەرلەمانی كوردستانەوە خرایە دەنگدانەوە و لە كۆی 97 ئەندامی ئامادەبوو، بە 87 دەنگ بۆ پۆستی سەرۆكی ئەنجوومەنی وەزیرانی هەرێمی كوردستان ناوزەد كرا.

بەو بۆنەیەشەوە، سەرۆكی پەرلەمانی كوردستان بە ناوی دەستەی سەرۆكایەتی و ئەندامانی پەرلەمانی كوردستانەوە پیرۆزبایی لە بەڕێز مەسروور مەسعوود مستەفا بارزانی كرد بە بۆنەی ناوزەدكردنی بۆ ئەو پۆستە و رایگەیاند: "هەر ئەمڕۆ پەرلەمانی كوردستان ئەو بڕیارە ئاراستەی جەنابی سەرۆكی هەرێمی كوردستان دەكات، بۆ ئەوەی بە زووترین كات لەلایەن جەنابی سەرۆكی هەرێمی كوردستانەوە بەڕێزیان رابسپێردرێت بۆ پێكهێنانی كابینەی نۆیەمی حكوومەتی هەرێمی كوردستان بە مەبەستی خزمەتكردنی گەلی كوردستان بە هەموو پێكهاتە جیاوازەكانییەوە". بەم جۆرە كۆتایی بە دانیشتنەكە هێنا. 

 




دوایین هەواڵەکان

نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 
ڕیوڕسمێن دەرچوویێن زانینگەها ئەمریکی ل کوردستانێ-دهۆک بڕیڤەدچن‎

THURSDAY, 19 SEPTEMBER 2019 19:09:29

دهۆک-KDP.info- ئەڤرۆ پێنچ شەمبیێ(١٩-٩-٢٠١٩)ـێ رێورسمێن گەرا ئێکی یا دەرچوویێن زانینگەها ئەمریکی ل کوردستان-دهۆک بڕێڤەدچن.

 

خەسرۆ گۆران: حەفتەی دابێ لایەنە سیاسییەکانی هەرێم کۆ دەبنەوە

THURSDAY, 19 SEPTEMBER 2019 19:09:02

هەولێر-KDP.info-  حەفتەی دابێ لایەنە سیاسییەکان کۆبوونەوەیەکی هاوبەش دەکەن. بەرپرسی دەزگای هەڵبژاردنی پارتییش دەڵێ، کۆبوونەوەکە سەبارەت بە هەڵبژاردنی ئەنجومەنی پارێزگاکانی عێراقە.

 



 
© 2018 Kurdistan Democratic Party, KDP