Kurdî  ■  كوردی  ■  عربي
WED, 26 JUN 2019 21:54 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

رێگای ھەولێر - حاجی ئۆمەران لەسەر شێوازی رێگا خێراكانی ئەورووپا دروست دەكرێت
| KDP.info


هەولێر-KDP.info- پڕۆژەی جووتسایدی خێرای نێوان ھەولێر - حاجی ئۆمەران، دیزاینەكەی كۆتایی ھاتووە و بەرپرسێكی حكوومەتی ھەرێمی كوردستانیش دەڵێ، چاوەڕێی وەبەرھێنەرێكن بۆ دەستپێكردنی پڕۆژەكە و لەسەر شێوازی رێگا خێراكانی ئەورووپا دروست دەكرێت و بەشێكی كۆتایی ھاتووە.

زانا عوزێری، بەڕێوەبەری گشتیی پلاندانان لە وەزارەتی ئاوەدانكردەوە، بە ماڵپەڕی فەرمیی پارتی دیموكراتی كوردستانی راگەیاند، پڕۆژەی رێگای خێرای ھەولێر - حاجی ئۆمەران دیزاینی بۆ كراوە و رێگاكە ھەولێری پایتەختی ھەرێمی كوردستان بە كۆماری ئیسلامیی ئێرانەوە دەبەستێتەوە، كە رێگایەكی زۆر پێشكەوتووی سەردەمیانەیە، رێگاكە بەشێكی جێبەجێ كراوە لە ھەولێر بۆ قەندیل، بەڵام بەشێكی سەرەكی ماوە لە ھەریرەوە بۆ حاجی ئۆمەران كە ٦٠ كم درێژە.

بەڕێوەبەری گشتیی پلاندانان دەڵێت: "لە زۆربەی وڵاتانی پێشكەوتوو ئەو رێگا خێرایانە ھەن، كە خەڵك لە بەرامبەر پارەیەك دەتوانن ھاتۆچۆی تێدا بكەن، ئەوەش مانای ئەوە ناگەیەنێ رێگای ئێستا نەمێنێت، مەبەستمە بڵێم ھەردوو رێگا دەبن بۆ ھاتۆچۆ و ھاووڵاتیان و گەشتیاران دەتوانن بەكاریان بێنن".

عوزێری ئاماژەی بۆ ئەوە كرد: "رێگای خێرای ھەولێر - حاجی ئۆمەران، لەسەر وەبەرھێنەر ماوەتەوە و ھەر كاتێك وەبەرھێنەرێك ئامادەیی دەرببڕێت بۆ جێبەجێكردنی، ئەوا حكوومەت ئامادەیە بۆ ئەوەی بكەوێتە واری جێبەجێكردنەوە".

 

قائید میرۆ




دوایین هەواڵەکان

وه‌زاره‌تی ته‌ندروستی: حكوومه‌ت به‌رده‌وامه‌ له‌ یه‌كخستن و چاودێریكردنی نرخی ده‌رمان

WEDNESDAY, 26 JUNE 2019 19:06:19

هەولێر-KDP.info-  گوته‌بێژی وه‌زاره‌تی ته‌ندروستیی حكوومه‌تی هه‌رێمی كوردستان ڕایگەیاند: له‌ ڕێگای لێژنه‌ تایبه‌تمه‌نده‌كانه‌وه‌ به‌ردوامین له‌ یه‌كخستن و چاودێریكردنی نرخی ده‌رمان و له‌ناوبردنی ده‌رمانی بێكواڵێتی.

 

مەزارگەکانی ئێزدییان ئاوەدان کرانەوە

WEDNESDAY, 26 JUNE 2019 19:06:19

دەشتی نەینەوا-KDP.info- نەک هەر شنگال، بگرە ناوچە ئێزدینشینەکانی دەشتی نەینەواش کەوتنە بەر پەلاماری ڕێکخراوی تیرۆریستیی داعش و ناوچاکانیان کاول کرد. ئێزدییەکانی دەشتی نەینەوا لە هی شنگال جیاواز بوون، هیچیان نەکەوتنە دەست داعش، بەڵام هاوشێوەی شنگال ناوچەکانیان خاپوور کرا و هەموو مەزارگە و نیشانگە ئایینییەکانیان لەناو بران.

 

قوتابییانی کورد لە فیستیڤاڵێکی نێودەوڵەتیدا کەلتووری کوردیان ناساند

WEDNESDAY, 26 JUNE 2019 17:06:52

هەولێر-KDP.info- لە مانگی حوزەیرانی ئەمساڵدا لە زانکۆی زانستە مرۆڤایەتییەکان و کۆمەڵناسیی SWPS، کە یەکێکە لە کۆنترین و بەناوبانگترین زانکۆ تایبەتەکانی وارشۆی پایتەختی پۆڵۆنیا، ”فیستیڤاڵی نێودەوڵەتیی کەلتووری زانکۆ" بەڕێوە چوو. ئامانج لە بەڕێوەچوونی ئەم جۆرە فیستیڤاڵە ڕەخساندنی زەمینەیەکی لەبارە بۆ لێکتێگەیشتنی قوتابییانی بیانی لە وڵاتانی جیهان و ناساندنی کەلتووری جیاوازە بە یەکتری.

 

سەرۆك بارزانی پێشوازی لە کونسوڵی گشتیی بریتانیا لە هەرێمی کوردستان دەكات

WEDNESDAY, 26 JUNE 2019 17:06:05

هەولێر-KDP.info-  ڕۆژی چوارشەممە 26ـی 6ـی 2019 لە سەلاحەددین سەرۆك مەسعود بارزانی پێشوازی لە مارتین وار كونسوڵی گشتیی بریتانیا لە هەرێمی کوردستان كرد.

"لە ھەرێمی کوردستان ٧٠٠ ھەزار کەس پێوەری ئاویان داناوە"

WEDNESDAY, 26 JUNE 2019 16:06:05

هەولێر-KDP.info- بەڕێوەبەری گشتیی ئاو لە وەزارەتی شارەوانی و گەشتوگوزار ئاشکرای کرد، کێشەی ھاتنەوەی پارەیەکی زۆر بۆ ھەندێ بەشداربووی ئاو چارەسەر دەکرێت و دەشڵێت، لەمەودووا ڕێگەی بەفیڕۆدانی ئاو نادەن و پێویستە ھاووڵاتییان وەک وڵاتانی پێشکەوتوو دەست بە ئاوی خورادنەوەوە بگرن.

 



 
© 2018 Kurdistan Democratic Party, KDP