Kurdî  ■  كوردی  ■  عربي
WED, 26 JUN 2019 22:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت
| KDP.info


هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

لیوا بابەکر فەقێ ئەحمەد، بەڕێوەبەری گشتیی ڕۆشنبیری و ھۆشیاریی وەزارەتی پێشمەرگە ئاماژەی بۆ ئەوە کرد: "کۆبوونەوەی ھەردوو وەزارەتی پێشمەرگە و بەرگریی عێراق لەبارەی چەند پرسێکەوە بەردەوامە، بەتایبەتی لەسەر جووڵەی چەکدارانی داعش زانیاریگۆڕینەوە و ھەماھەنگی لە نێوان پێشمەرگە و هێزی بەرگریی عێراقدا ھەیە."

پەیوەست بە ھەوڵەکانی ھەرێم و بەغدا بۆ گەڕانەوەی ھێزی پێشمەرگە بۆ ناوچە کوردستانییەکانی دەرەوەی ئیدارەی حکوومەتی ھەرێم، بەرپرسەکەی وەزارەتی پێشمەرگە بە ماڵپەڕی فەرمیی پارتی دیموکراتی کوردستانی گوت: "دانوستان لە نێوانماندا ھەیە، بەڵام ھەندێک لەسەرەخۆ بەڕێوە دەچن و بەڕاستی نەگەییشتووەتە ئەوەی کە ئێمە دەمانەوێ."

لیوا بابەکر فەقێ ئەحمەد دەشڵێت: "ڕەوشی حکوومەتی عێراق لەبەر تەواونەکردنی کابینەی حکوومەت و دواکەوتنی کابینەی نوێی حکوومەتی خۆیشمان کاریگەریی ھەبووە لەسەر ئەوەی تا ئێستا بڕیاری کۆتایی لەبارەی گەڕانەوەی ھێزی پێشمەرگە بۆ ئەو ناوچانە بدرێت، کار لەسەر ئەو پرسە دەکرێت و شوێنەکان دیاری کراون کە بۆ داھاتوو پێشمەرگە بگەڕێتەوە و لەوێ جێگیر بکرێت."

قائید میرۆ


 




دوایین هەواڵەکان

وه‌زاره‌تی ته‌ندروستی: حكوومه‌ت به‌رده‌وامه‌ له‌ یه‌كخستن و چاودێریكردنی نرخی ده‌رمان

WEDNESDAY, 26 JUNE 2019 19:06:19

هەولێر-KDP.info-  گوته‌بێژی وه‌زاره‌تی ته‌ندروستیی حكوومه‌تی هه‌رێمی كوردستان ڕایگەیاند: له‌ ڕێگای لێژنه‌ تایبه‌تمه‌نده‌كانه‌وه‌ به‌ردوامین له‌ یه‌كخستن و چاودێریكردنی نرخی ده‌رمان و له‌ناوبردنی ده‌رمانی بێكواڵێتی.

 

مەزارگەکانی ئێزدییان ئاوەدان کرانەوە

WEDNESDAY, 26 JUNE 2019 19:06:19

دەشتی نەینەوا-KDP.info- نەک هەر شنگال، بگرە ناوچە ئێزدینشینەکانی دەشتی نەینەواش کەوتنە بەر پەلاماری ڕێکخراوی تیرۆریستیی داعش و ناوچاکانیان کاول کرد. ئێزدییەکانی دەشتی نەینەوا لە هی شنگال جیاواز بوون، هیچیان نەکەوتنە دەست داعش، بەڵام هاوشێوەی شنگال ناوچەکانیان خاپوور کرا و هەموو مەزارگە و نیشانگە ئایینییەکانیان لەناو بران.

 

قوتابییانی کورد لە فیستیڤاڵێکی نێودەوڵەتیدا کەلتووری کوردیان ناساند

WEDNESDAY, 26 JUNE 2019 17:06:52

هەولێر-KDP.info- لە مانگی حوزەیرانی ئەمساڵدا لە زانکۆی زانستە مرۆڤایەتییەکان و کۆمەڵناسیی SWPS، کە یەکێکە لە کۆنترین و بەناوبانگترین زانکۆ تایبەتەکانی وارشۆی پایتەختی پۆڵۆنیا، ”فیستیڤاڵی نێودەوڵەتیی کەلتووری زانکۆ" بەڕێوە چوو. ئامانج لە بەڕێوەچوونی ئەم جۆرە فیستیڤاڵە ڕەخساندنی زەمینەیەکی لەبارە بۆ لێکتێگەیشتنی قوتابییانی بیانی لە وڵاتانی جیهان و ناساندنی کەلتووری جیاوازە بە یەکتری.

 

سەرۆك بارزانی پێشوازی لە کونسوڵی گشتیی بریتانیا لە هەرێمی کوردستان دەكات

WEDNESDAY, 26 JUNE 2019 17:06:05

هەولێر-KDP.info-  ڕۆژی چوارشەممە 26ـی 6ـی 2019 لە سەلاحەددین سەرۆك مەسعود بارزانی پێشوازی لە مارتین وار كونسوڵی گشتیی بریتانیا لە هەرێمی کوردستان كرد.

"لە ھەرێمی کوردستان ٧٠٠ ھەزار کەس پێوەری ئاویان داناوە"

WEDNESDAY, 26 JUNE 2019 16:06:05

هەولێر-KDP.info- بەڕێوەبەری گشتیی ئاو لە وەزارەتی شارەوانی و گەشتوگوزار ئاشکرای کرد، کێشەی ھاتنەوەی پارەیەکی زۆر بۆ ھەندێ بەشداربووی ئاو چارەسەر دەکرێت و دەشڵێت، لەمەودووا ڕێگەی بەفیڕۆدانی ئاو نادەن و پێویستە ھاووڵاتییان وەک وڵاتانی پێشکەوتوو دەست بە ئاوی خورادنەوەوە بگرن.

 



 
© 2018 Kurdistan Democratic Party, KDP