Kurdî  ■  كوردی  ■  عربي
THU, 22 AUG 2019 15:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نا بۆ ئەگەری شەڕ
| KDP.info


 
ئاریان فەرەج
 
ئەمریكا و ئێران دەمێكە دردۆنگن، بەڵام هاوسەنگەریی و دوژمنی هاوبەشیشیان هەبووە (تاڵیبان و بەعس و داعش بە نموونە). ئامانجی ئەمریكا و هاوپەیمانەكانی گۆڕینی سیاسەتی دەرەكیی ئێران ومەترسییەكانیەتی لەسەر بەرژەوەندی و هەژموونی ئەوان لە ناوچەكەدا، نەك گۆڕینی دەسەڵاتی جمهوریی ئیسلامی.
سزاكان ئێرانیان پەرێشان و قەیرانباركردووە و شەڕ ئەو ووڵاتە نابوتتر دەكات، ناوچەكەش كە لەدەست شەڕە یەك لەدوا یەكەكان، ماندووبووە، هاندەری هەڵایسانی شەڕێكی دیكە نییە و نیگەرانی ئەو بارگرژیەیە. گەر ئەمریكا و هاوپەیمانەكانیشی بە جەنگێكی دیكەی بە مەسرەف بەرژەوەندییەكانیان بپارێزن، گران لەسەر خۆیان و لەسەر ئابوری و ئارامیی كۆی جیهانیش تەواو دەبێ. 
دەروجیرانی ئێران و ووڵاتانی ناوچەكە، لەم كێشمەكێشەدا بە ئەندازەی جیاجیا لەبەردەم مامەڵەیەكی سەختدان، عێراق كە زیاد لە رایەڵەیەك بە ئێرانیەوە دەبەستێ، وەزعی لە هەموان حەریجترە و تا بارگرژییەكە سەختتر بێت، راگرتنی باڵانس یان خۆساغكردنەوەی لەو ململانێیەدا قورستر دەبێت. 
كوردستان لەو نێوەندەدا بێ ئەوەی دەوڵەتێكی سەربەخۆبێت و چاوەڕوانیی بڕیاری سەربەخۆی لێبكرێت، بە قەبارەی خۆی كاریگەریی هەر پێشهاتێكی خراپی بەردەكەوێت كە لەسەرینی پەرەسەندنی ئەو ململانێیەوە بێتەئاراوە. گەر رەوشەكە خراپتر بێت و رارەوەكانی رۆیشتنی نەوت لە كەنداو ئاستەنگیان بۆ دروست بێ و نەوتی عێراقیش وەك ئەوانی دیكە رابگیرێ، كوردستانیش قەیرانبار دەبێ، بۆیە تاكە پرنسیپێك كە كوردستان پشتگیریی بكات ئەوەیە كە لەگەڵ بارگرژی زیاتر و جەنگ نییە و خوازیارە ئەم كێشەیە بە لێكگەیشتنێكی نێودەوڵەتی یەكلابێتەوە. 
كوردستان وەك بەشێك لە دەوڵەتی عێراق، لەم بابەتەدا هەر دەبێ پەیڕەوی بڕیار و هەڵوێستەكانی بەغدا بكات، بەغداش لە نێو بگرە و بەردەیەكی سەختدایە و بە ئاسانی خۆی پێ ساغ ناكرێتەوە. 
لەم كەین و بەینەدا چاوی ناوچەكە لەسەر عاقڵمەندانی نێو كێشمەكێشەكەیە بە تاران و واشنتۆنیشەوە، ئەو عاقڵمەندە میانرەوانەی هەستیاریی هەلو مەرجی ناوچەكە و جیهان دەخوێننەوە و دەشزانن شەڕ و بارگرژی جیا لە زیان و ماڵوێرانی، مەرجیش نییە سەقامگیری و رەوشێكی باشتر بەدیبێنێ بەڵكو كۆی ناوچەكە دەخاتە نێو فەوزایەكی بێ سەرو بنەوە.



دوایین هەواڵەکان

دارا جه‌لیل خه‌یات: ئومێدمان هەیە کۆمپانیا گەورەکانی جیهان لە بواری پیشەسازی و کشتوکاڵدا بێنە کوردستانەوە

THURSDAY, 22 AUGUST 2019 15:08:55

هەولێر-KDP.info-  سه‌رۆكی یه‌كێتیی ژووره‌ بازرگانی و پیشه‌سازییه‌كانی كوردستان باس له‌وه‌ ده‌كات جووڵه‌یه‌كی به‌هێز له‌ كوردستانه‌وه‌ هه‌یه‌ بۆ ڕاكێشان و پته‌وكردنی په‌یوه‌ندیی كوردستان و بازاڕی وڵاتانی جیهان. ده‌شڵێت، گرنگترین پرس ڕێخۆشكردنه‌ بۆ هاتنی كۆمپانیاكان بۆ ناو هه‌رێمی كوردستان.

 

عەزیز وەیسی: به‌رده‌وام مه‌شق و ڕاهێنان بە هێزی پێشمه‌رگه‌ ده‌كرێت

THURSDAY, 22 AUGUST 2019 15:08:08

هه‌ولێر-KDP.info- فه‌رمانده‌ی فه‌رمانده‌ییی پێشمه‌رگه‌ی زێره‌ڤانی گوتی، مه‌شق و ڕاهێنان به‌ هێزی پێشمه‌رگه‌ به‌رده‌وامه‌ و به‌هۆی مه‌شق و ڕاهێنانەوە هێزی پێشمه‌رگه‌ له‌ سه‌رده‌می شه‌ڕی داعش ماندووتره‌ و هیچ هێزێك بێ مه‌شقكردن نابێت. ئه‌ڵمانیاش یه‌كێكه‌ له‌و وڵاتانه‌ی به‌رده‌وامه‌ له‌ مه‌شق و ڕاهێنان به‌ هێزی پێشمه‌رگه‌ و به‌رده‌وامیش ده‌بێت.

 

قایمقامی كۆیە: ڕێگای كۆیە - دێگەڵە ١٥ ڕۆژی دیكە تەواو دەبێت

THURSDAY, 22 AUGUST 2019 13:08:09

كۆیە-KDP.info- پڕۆژەی چاككردنەوەی ڕێگای كۆیە - ھەولێر دەستی پێكردووە و لە ئێستادا قۆناغێكی باشی بڕیوە، قایمقامی شارۆچكەی كۆیەش دەڵێت، نزیكەی پانزە ڕۆژی دیكە رێگای كۆیە - دێگەڵە تەواو دەبێت و رێگای دێگەڵەش بۆ ھەولێر دەستی پێكردووە.

 
هەفتەی داهاتوو مووچەی كەمئەندامان دابه‌ش دەكرێت

THURSDAY, 22 AUGUST 2019 12:08:33

هەولێر-KDP.info- بەڕێوەبەری گشتیی وەزارەتی كاروباری كۆمەڵایەتیی حكوومەتی هەرێمی كوردستان گوتی، هەموو رێكارەكانی خەرجكردنی مووچەی كەمئەندامان تەواو بووە و هەفتەی داهاتوو مووچەیان بۆ خەرج دەكرێت.

 
هێڤیدار ئەحمەد: هەفتەی داهاتوو وەزیری دارایی بانگهێشتی پەرلەمان دەكەین

THURSDAY, 22 AUGUST 2019 12:08:30

هەولێر-KDP.info- جێگرى سەرۆكی لیژنەی دارایی پەرلەمانی كوردستان ئاشكرای دەكات، كە رۆژی دوو شەممەی هەفتەی دابێت، وەزیری دارایی بانگهێشت دەكەن، ئەمەش لە پێناو ئەوەی پێش ئەوەی پڕۆژەیاسای بودجەی گشتیی هەرێم رەوانەی پەرلەمان بكرێت، ئەوان زانیارییان هەبێت و گفتوگۆی بكەن.

 


 
© 2018 Kurdistan Democratic Party, KDP