Kurdî  ■  كوردی  ■  عربي
THU, 18 JUL 2019 02:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی و باڵیۆزی به‌ریتانیا له‌ عێراق كۆبوونه‌وه‌
| KDP.info


هەولێر-KDP.info-  له‌ كۆبوونه‌وه‌ی نێوان به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان و به‌ڕێز جۆن ویلكس باڵیۆزی به‌ریتانیا له‌ عێراق، دوا پێشهاته‌كانی ناوچه‌كه‌ به‌گشتی و دۆخی سیاسی و ئاسایشی عێراق به‌تایبه‌تی و ڕه‌وشى ئاواره‌ و په‌نابه‌ران له‌ هه‌رێمى كوردستان گفتوگۆی له‌سه‌ر كرا و هه‌ردوولا دیالۆگ و گفتوگۆیان بۆ چاره‌سه‌ری كێشه‌كان وه‌ك تاكه‌ ڕێگه‌ بۆ پاراستنی ئارامی و سه‌قامگیریی ناوچه‌كه‌، به ‌پێویستیان زانی.

هه‌ر له‌ كۆبوونه‌وه‌كه‌دا كه‌ سه‌رله‌به‌یانیی ئه‌مڕۆ چوارشه‌ممه‌ 15/5/2019 له‌ هه‌ولێر به‌ڕێوه‌چوو و به‌ڕێز مارتن وار كونسولی گشتیی به‌ریتانیا له‌ هه‌رێمی كوردستان و ڕاوێژكارى سه‌ربازى ئاماده‌ی بوو، هه‌ردوولا باسیان له‌ په‌یوه‌ندییه‌كانى هه‌رێمى كوردستان و به‌ریتانیا، په‌یوه‌ندییه‌كانی هه‌ولێر ـ به‌غدا و گفتوگۆكانی نێوان هه‌ردوولا كرد به‌تایبه‌تی كه‌ به‌هۆیه‌وه‌ ژماره‌یه‌ك كێشه‌ چاره‌سه‌ر كران و له‌مباره‌یه‌وه‌ به‌ڕێز ویلكس ده‌ستخۆشی له‌ هه‌وڵ و ماندوبوونه‌كانی به‌ڕێز سه‌رۆك وه‌زیرانی هه‌رێمی كوردستان كرد. به‌ڕێز ویلكس پوخته‌یه‌كى ده‌رباره‌ى سه‌ردانه‌كه‌ى بۆ پارێزگاى دهۆك و به‌سه‌ركردنه‌وه‌ى كه‌مپه‌كانى ئاواره‌ و په‌نابه‌ران و پرۆسه‌ى گه‌ڕانه‌وه‌ى ئاواره‌كان بۆ شوێنى خۆیان خسته‌ ڕوو.تاوتوێكردنی دۆخی ناوچه‌كه‌ به‌گشتی و هه‌وڵه‌كانی پێكهێنانی كابینه‌ی نوێی حكوومه‌تی هه‌رێمی كوردستان و به‌ ئه‌نجام گه‌یشتنی گفتوگۆكان، لایه‌نێكی دیكه‌ی كۆبوونه‌وه‌ بوو.




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP