Kurdî  ■  كوردی  ■  عربي
THU, 23 MAY 2019 06:31 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بەشێكی دیكەی شەقامی ١٢٠ مەتری دەكرێتەوە
| KDP.info


 
ھەولێر-KDP.info- وەزیری شارەوانی و گەشتوگوزار رایگەیاند، هەفتەیەك تا ١٠رۆژی دیكە بەشێكی دیكەی شەقامی ١٢٠مەتری دەكەنەوە، سەرپەرشتیاری دروستكردنی شەقامەكەش دەڵێ، تەنھا ھەندێك سەوزكردنی ماوە و بە زوویی كۆتایی بە كارەكانیان دێت و رێگاكە دەكرێتەوە.
 
نەورۆز مەولوود، وەزیری شارەوانی و گەشتوگوزاری ھەرێمی كوردستان، لە كۆنگرەیەكی رۆژنامەوانیدا رایگەیاند، بڕیار بوو لە كۆتایی مانگی ٣ بەشێكی دیكەی شەقامی ١٢٠مەتری لە نێوان رێگای كۆیە بۆ كەركووك بكرێتەوە، بەڵام لەبەر ئەوەی دیزاینی نێوەڕاستی شەقامەكە سەوزایی زۆری تێدایە و باران بارینی بەردەوامیش رێگر بوو لە سەوزكردنی، بۆیە لە ئێستادا كاری تێدا دەكرێت و چاوەڕێ دەكرێت هەفتەیەك تا ١٠رۆژی دیكە بكرێتەوە.
 
لای خۆشیەوە، سەرتیپ قادر، سەرپەرشتیاری رێگای ١٢٠مەتری، بە ماڵپەڕی فەرمیی پارتی دیموكراتی كوردستانی ڕاگەیاند: "رێگاكە ھەمووی تەواو بووە و تەنھا سەوزاییەكەی ھەندێك ماوە و سەرقاڵی تەواو كردنین، ھەر كاتێكیش تەواو بوو كە چاوەڕێ دەكرێت تا چەند رۆژی دیكە كۆتایی پێ بێت، بە ڕووی ھاووڵاتیاندا دەكرێتەوە".
 
قادر گوتیشی، ئەو بەشەی دەكرێتەوە، ٩ كیلۆمەترە و دواتر تەنھا ٩ كیلۆمەتر دەمێنێت، كە ئەویش ئەمساڵ تەواو دەبێت و بەمەش ھەر ٣٨ كیلۆمەترەكە، كە درێژیی شەقامەكەیە، تەواو دەبێت و دەكرێتەوە.
 
بڵند ئیبراھیم 
 



دوایین هەواڵەکان

مەریوان نەقشبەندی: ١٥٠ چەکداری کوردی نێو داعش خۆیان ڕادەستی ھەرێم کردووەتەوە

WEDNESDAY, 22 MAY 2019 19:05:18

هەولێر-KDP.info-  لە سەرەتای دەرکەوتنی گرووپی تیرۆریستیی داعشدا ژمارەیەک ھاووڵاتیی ھەرێمی کوردستان پەیوەندییان بە داعشەوە کرد و بەرپرسێکی حکوومەتی ھەرێمی کوردستانیش زانیاریی نوێ لەبارەی داعشە کوردەکانەوە ئاشکرا دەکات و دەڵێ، زۆربەیان کوژراون و ژمارەیەکیشیان خۆیان ڕادەستی ھەرێمی کوردستان کردووەتەوە، بەڵام نزیکەی ٢٠ کەسیان چوونەتە نێو ڕیزەکانی بەرەی نوسرەوە.

 
شاندێکی هەرێم بۆ نەوت و گاز سەردانی بەغدا دەکەن

WEDNESDAY, 22 MAY 2019 16:05:36

بەغدا-KDP.info-  شاندێكی هه‌رێمی كوردستان له‌باره‌ی پرسی نه‌وت و گازه‌وه‌ سه‌ردانی به‌غدا دەکات. لێژنه‌ی تایبه‌تمه‌ندی ئه‌و پرسه‌ له ‌ئه‌نجومه‌نی نوێنه‌رانی عێراق مه‌رجی كورد و هه‌رێمی كوردستانی له‌باره‌ی پرسی نه‌وته‌وه‌ له‌گه‌ڵ به‌غدا ئاشكرا کرد و سه‌رجه‌م ئه‌و خاڵانه‌ش كه‌ بڕیاره‌ له ‌به‌غدا باس بكرێن نه‌خشه‌ڕێگایان بۆ داده‌نرێت.

 
"لە دھۆک مۆڵەتی ٢٦ پڕۆژەی وەبەرھێنان ھەڵوەشێندراونەتەوە"

WEDNESDAY, 22 MAY 2019 15:05:30

دھۆک -KDP.info- لە سنووری پارێزگای دھۆک کارکردن لە پڕۆژە ڕاگیراوەکانی وەبەرھێنان دەستی پێ کردووەتەوە و وەک بەڕێوەبەری گشتیی وەبەرھێنانی دھۆکیش ئاشکرای کرد، تا ئێستا مۆڵەتی ٢٦ پڕۆژە ھەڵوەشێندراونەتەوە و لەھەوڵداین بۆ چارەسەرکردنی کێشەی ئەو پڕۆژانەی ماون.

 
مەسرور بارزانی لەگەڵ كونسولی گشتیی ئه‌مه‌ریكا له‌ هەولێر کۆبۆوە

WEDNESDAY, 22 MAY 2019 14:05:50
ئەمڕۆ چوارشەممە ٢٢/٥/٢٠١٩ مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازی لە ستیڤ ڤاگن كونسولی گشتیی ئه‌مه‌ریكا له‌ هەولێر کرد.
 
سیتەیی: پێشمەرگە و سوپای عێراق لەسەر چەند خاڵێك ڕێككەوتوون

WEDNESDAY, 22 MAY 2019 13:05:36

رۆژئاوای دیجلە-KDP.info- جێگری بەرپرسی میحوەری رۆژئاوای دیجلە رایگەیاند، ئەوان و هێزە عێراقییەكان لەسەر هاوئاهەنگی و دابینكردنی ئاسایشی رۆژئاوای دیجلە، رێككەوتوون.

 


 
© 2018 Kurdistan Democratic Party, KDP