Kurdî  ■  كوردی  ■  عربي
THU, 18 JUL 2019 02:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دامەزراوەی سەرۆكایەتیی هەرێم كارا كرایەوە
| KDP.info


سەلام عەبدوڵڵا
 
هەروەك چۆن لەكاتی ریفراندۆمەكەماندا وەدەستهێنانی ستاتۆیەكی نوێ لەگەڵ دەوڵەتی عێراقدا كە كەمینەیەك زۆر رمڵ و پێشبینیان دەكرد كە مەحاڵە ئەو پڕۆسەیە ئەنجام بدرێ و گەر ئەنجامیش بدرێ ئەوا خەڵك دەنگ نادات بەو شێوەیەی چاوەڕوانی لێدەكرێ، بەڵام هەموو ئەو رەشبینیانە پووچەڵ دەرچوون و زۆرینەیەكی زۆر دەنگی خۆی بە شانازییەوە داو تەنانەت هەندێك لەوانەی لە سەرەتا دژ یان دوودڵ بوون ئەوانیش ویژدانی خۆیان ئاسوودە كرد و دەنگییان بە بەڵێ دا، ئەمەش هەر ئەوەی دەگەیاند كە گەلێك ئەو هەموو قوربانییەی دابێ و ماڵوێرانی و كارەساتەی بەسەر هاتبێت چۆن دەنگ بەو ئامانجە پیرۆزەی لەپێناویدا هەزاران شەهیدی دابێت نادات.
ئەوەی دوێنێ لە پەرلەمانی كوردستان روویدا كە (89) ئەندام پەرلەمان لە كۆی (108) ئەندامی ئامادەبوو دەنگیان بە بەڵێ بۆ كاراكردنەوەی دامەزاوەی سەرۆكایەتی هەرێم بە بەڵێ دا سەركەوتنێكی تری ئیرادەی نەگۆڕی خەڵكی كوردستانە كە نیشانی دۆست و دوژمنی دا و هەموو ئەو بۆچوونە چەوت و چەواشەكارانەی پووچەڵ كردەوە كە دەیانووت ئەم هێزانە ناگەنە رێككەوتن و پەشیمان دەبنەوەو حكومەتی هاوبەش و یەكگرتوو دانامەزرێن. ئەمەش جارێكی تر ئەوە دووپات دەكاتەوە كە گەلەكەمان ئەمڕۆ لە ئەركی مێژوویی خۆی دەگات هەرچەند جاروبار لادەر و تێكدەر و لاواز و نەفام بەربەستی كاتی دەخاتە بەردەم ئەو پڕۆسەیە، بەڵام لە كۆتاییدا هەر خواستی زۆرینەی گەل و خۆشەویستی بۆ خاك و نیشتمان بڕیاری كۆتایی خۆی دەدات و لایەنگری زۆرینەی دڵسۆزان و نیشتمانپەروەران دەگرێ.
لە ماوەی هەڵپەساردنی ئەم دامەزراوە گرنگەدا هەموو هەستمان بەو راستییە كرد كە هەموو گەلێك و وڵاتێك دەبێ سەرۆكایەتی هەبێت و نەبوونی بۆشاییەكی گەورە لە بەڕێوەبردنی وڵاتدا پەیدا دەبێت، بەتایبەتی بەرامبەر جیهانی دەرەوە جا ئەو سەرۆكایەتییە هەرچۆنێك كە گەل دەتوانێ لە رێگەی راپرسییەكەوە شێوەیەكی دیاری بكات كە پەرلەمانی بێت یان لەناو خەڵكی دا بێت كە لەمەودوا دەبێت لە دەستووردا جێگیر بكرێت.
بۆ ئەم خولە هەڵبژاردنی سەرۆك لە پەرلەماندا بەڕێوەدەچێ تا خولی داهاتووش با پەرلەمان شێوەیەكی گونجاو كە لەگەڵ خواستی زۆرینەی گەلدا بگونجێت گەڵاڵە بكات و گەلیش دەنگی لەسەر بدات.
 



دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP