Kurdî  ■  كوردی  ■  عربي
THU, 18 JUL 2019 02:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆكی ئەنجوومەنی پارێزگای هەولێر: نرخی بەنزین بۆ 450 دینار دادەبەزێـت
| KDP.info


هەولێر-KDP.info- سەرۆكی ئەنجوومەنی پارێزگای هەولێر رایگەیاند، نرخی بەنزین بۆ 450 دینار دادەبەزێـت، هەروەها نەوت بەسەر هاووڵاتیاندا دابەش دەكرێت و چارەنووسی خاوەن خانووەكانی گوندی كۆری یەكلا دەبێتەوە و زەوییان بەسەردا دابەش دەكرێـت.

عەلی رەشید، سەرۆكی ئەنجوومەنی پارێزگای هەولێر، بە ماڵپەری فەرمیی پارتی دیموكراتی كوردستانی ڕاگەیاند، پڕۆژەی گوندی كۆری هەزار خانووی بەكۆتا گەیشتووە و بەسەر هاووڵاتیاندا دابەش دەكرێـت، ئەو چوار هەزار كەسەی كە دەمێنێتەوە یاداشت و پێشنیازیان داوەتە پارێزگای هەولێر بۆ ئەوەی چارەنووسی ئەوانیش روون ببێتەوە، بۆ ئەم مەبەستەش داوایان كردووە ئەو بڕەپارەیەی داویانە بۆ پڕۆژەكە، بگەڕێندرێتەوە و لە بەرامبەردا چاوەڕوانیی زۆریان هەیە پارچەزەوییان لە سنووری شارەوانی هەولێر پێ بدرێـت، ئێستاش لیژنەیەك لە ئەنجوومەنی وەزیران پێك هاتووە و كار لەسەر ئەم پرسە دەكەن.

عەلی رەشید گوتیشی: "بە هۆی گۆڕانی كەشوهەوای ناوچەكە و هەرێمی كوردستان، خواستی هاووڵاتیان لەسەر نەوت زۆرە، بۆیە جارێكی تر لە ڕێگای لیژنە پەیوەندیدارەكان لە كۆگای نەوتی هەولێر دەست بە دابەشكردنی نەوتی سپی دەكەن بەسەر هاووڵاتیاندا، كە بەپێـی ریزبەندیی بنكەی بەشەخۆراك و ناوچە و شوێنە جیاوازەكان دەبێـت.

ناوبراو ئاماژەی بەوەش كرد، لەڕێگای لیژنەی وەزارەتی سامانە سرووشتییەكانی پارێزگای هەولێر بۆ گرفتی گرانبوونی نرخی بەنزین لەسەر هێڵن لەگەڵ بەغدا، بۆ ئەوەی بەشەبەنزینی زیاتر لە بەنزینـخانە حكوومییەكان بە هەرێم بدرێـت، بۆ ئەم مەبەستەش هەماهەنگیی باش هەیە لەگەڵ بەغدا و بڕیار وایە ڕێژەیەكی زیاتر بە بەنزینخانە حكوومییەكانی هەرێم بدرێت، ڕاستەوخۆش لەگەڵ ئەمەدا نرخی بەنزین دادەبەزێـت لە بەنزینخانەكان  هەرێم و نرخەكەی لە نێوان 450دینار بۆ 500 دینار جێگیر دەكرێـت.

 

هۆزان سەمەد.

 




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP