Kurdî  ■  كوردی  ■  عربي
MON, 22 JUL 2019 13:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بە بڕیاری پارێزگاری کەرکووک ڕێگری لە چوونی ئەندامان بۆ ناو ئەنجومەن کراوە
| KDP.info


 

کەرکووک-KDP.info- بەرپرسێکی پارتی دیموکراتی کوردستان لە کەرکووک گوتی، ئەمڕۆ ئەندامانی ئەنجومەنی پارێزگای کەرکووک ویستوویانە بچنە ئەنجومەن، بەڵام بە بڕیاری پارێزگاری کەرکووک ڕێگرییان لێ کراوە، ئەمەش ئەوە دەسەلمێنێت کە دەسەڵات لە کەرکووک سەربازییە و ئەنجومەن ھیچ ڕۆڵێکی نییە.

 

عەدنان کەرکووکی، ئەندامی ئەنجومەنی سەکردایەتیی پارتی دیموکراتی کوردستان کەرکووک_گەرمیان، بە ماڵپەڕی فەرمیی پارتی دیموکراتی کوردستانی ڕاگەیاند: "ئەمڕۆ لە شاری کەرکووک ئەندامانی ئەنجومەنی پارێزگا ویستوویانە بچنە ناو ئەنجومەن بۆ دەوامکردن، بەڵام بە بڕیاری پارێزگاری کەرکووک ڕێگرییان لێ کراوە و ھێزە ئەمنییەکان نەیانھێشتووە بچنە ناو ئەنجومەن، ئەمەش ڕەنگە پەیوەندیی بەوەوە ھەبێت کە پارێزگار بودجەی پارێزگای بە ئارەزووی خۆی دارشتووە و ئەنجومەنیش ڕەتی کردووەتەوە."

 

عەدنان کەرکووکی گوتیشی: "ئەو ڕێگریکردنە ئەوە دەسەلمێنێت کە لە کەرکووک دەسەڵات سەربازییە و ئەنجومەن ھیچ ڕۆڵێکی نییە، ئەگەر نا، پارێزگارێکی بەوەکالەت مافی ئەوەی نییە ڕێگری لە نوێنەری شەرعیی پارێزگا بکات کە ئەنجومەنە، ھەربۆیەش ئێمە بەردەوام جەخت لەوە دەکەینەوە تا دۆخی کەرکووک ئاسایی نەبێتەوە، ناگەڕێینەوە بۆ کەرکووک."

 

بڵند ئیبراھیم

 




دوایین هەواڵەکان

سەرۆك بارزانی سەرەخۆشی لە خانەوادەی فەرید زامدار دەكات

MONDAY, 22 JULY 2019 13:07:51

بۆ خانەوادەی بەڕێزی خوالێخۆشبوو فەرید زامدار

بە داخەوە ھەواڵی كۆچی دوایی پێشمەرگە و نووسەر و ڕۆشنبیر، كاك (فەرید زامدار)م پێ گەیشت.

حكوومەتی هەرێم 700 یەكەی نیشتەجێبوون دابەش دەكات

MONDAY, 22 JULY 2019 12:07:14

هەولێر-KDP.info- بریكاری وەزارەتی ئاودانكردنەوەی حكوومەتی هەرێمی كوردستان بۆ كاروباری ئاوەدانكردنەوە و نیشتەجێبوون ڕایدەگەیەنێت، پڕۆژەی خزمەتگوزاری بۆ 700 یەكەی نیشتەجێوون دابین كراوە، دوای تەواوبوونی خزمەتگوزارییەكانی یەكەكەكانی نیشتەجێبوونیش، بەسەر هاووڵاتیاندا دابەش دەكرێن.

 
سەرۆكایەتیی شارەوانی: ناوچه‌ی پیشەسازیی باكوور و باشووری ھەولێر دەگوازرێنەوە

MONDAY, 22 JULY 2019 12:07:55

هەولێر-KDP.info- بڕیارە ھەردوو ناوچەی پیشەسازیی باكوور و پیشەسازیی باشوور لە نێو سەنتەری شاری ھەولێر بگوازرێنەوە، گوتەبێژی سەرۆكایەتیی شارەوانیی ھەولێریش دەڵێ: "ئێمە لای خۆمانەوە بڕیاری گواستنەوەی پیشەسازییەكانمان دەكردووە و چاوەڕێی رێكارەكانین لەلایەن پارێزگای ھەولێر و سەرۆكایەتیی ئەنجوومەنی وەزیرانەوە".

 
موبارەك: تەعریبكردن جگە لە دەرەوەی كەركووك لە سەنتەریش بە چڕی دەستی پێكردووە

MONDAY, 22 JULY 2019 11:07:43

كەركووك -KDP.info- بەڕێوەبەری كشتوكاڵی كەركووك گوتی، پڕۆسەی تەعریب لە شاری كەركووك بەردەوامە و لە ئێستادا جگە لە دەوروبەر، پڕۆسەكە لەناو شاری كەركووك بە شێوەیەكی چڕ دەستی پێكردووە، هەروەها توركمانیش لە تەلەعفەرەوە توركمانەكان بۆ ناحیەی تازە لە سنووری كەركووك دەگوازنەوە.

 
كۆنسووڵی فەخریی سریلانكا: پێشكەوتن و ئارامیی كوردستان مایەی خۆشحاڵی كۆنسووڵە فەخرییەكان بوو

MONDAY, 22 JULY 2019 10:07:51

هەولێر-KDP.info- بۆ یەكەمجار 20ی ئەم مانگە هەولێری پایتەخت میوانداریی كۆبوونەوەی دووەمی ئەنجوومەنی كارگێڕیی یەكێتیی عەرەبیی كۆنسووڵە فەخرییەكانی كرد، كۆنسووڵی فەخریی سریلانكا و جێگری سەرۆكی یەكێتیی عەرەبیی كۆنسووڵە فەخرییەكانیش دەڵێ، كۆنسووڵە فەخرییەكانی ئەنجوومەنی كارگێڕیی یەكێتیی عەرەبی، زۆر سەرسام بوون بە پێشكەوتنی هەرێمی كوردستان و لە داهاتوودا پەیوەندییەكانیان لەگەڵ كوردستان بەهێزتر دەكەن.

 


 
© 2018 Kurdistan Democratic Party, KDP