Kurdî  ■  كوردی  ■  عربي
MON, 22 JUL 2019 13:49 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شاندێكی وەزارەتی بەرگریی عێراق سەردانی وەزارەتی پێشمەرگە دەكات
| KDP.info


 
هەولێر-KDP.info- سوپاسالاری وەزارەتی پێشمەرگەی حكوومەتی هەرێمی كوردستان دەڵێ، بەم زووانە شاندێكی وەزارەتی بەرگریی عێراق سەردانی وەزارەتی پێشمەرگە دەكات.

رۆژی 4ی مانگی شوبات، شاندێكی باڵای وەزارەتی بەرگریی عێراق سەردانی هەرێمی كوردستانیان كرد و لەگەڵ بەرپرسانی وەزارەتی پێشمەرگەدا كۆ بوونەوە، دواتریش چەند لیژنەیەك بۆ رووپێوكردنی ناوچەكان پێك هێندران.

فەریق جەمال محەمەد ئیمێنكی، سوپاسالاری وەزارەتی پێشمەرگە، بە ماڵپەڕی فەرمیی پارتی دیموكراتی كوردستانی ڕاگەیاند: "دوای ئەو كۆبوونەوەیەی لە ماوەی ڕابردوودا لەگەڵ وەزارەتی بەرگریی عێراق ئەنجاممان دا، بڕیارە لە ماوەی دوو رۆژی داهاتوودا شاندێكی وەزارەتی بەرگریی عێراق، كە تایبەتە بە رووپێوكردنی ئەو ناوچانەی لە كۆبوونەوەی ڕابردوودا دیاری كرابوون، سەردانی هەرێمی كوردستان بكەن، بۆ ئەوەی بزانن لیژنەكان چییان كردووە".

ئیمێنكی ڕاشیگەیاند: "لیژنە فەرعییەكان ڕووپێوی خۆیان لەو ناوچانەی بۆیان دیاری كرابوون كردووە و پێشنیازی خۆیشیان بۆ كۆبوونەوەی داهاتوو ئامادە كردووە، ئەمەش كۆبوونەوەی دووەمە ئەنجامی دەدەین و تا ئێستاش خاڵەكان نە لایەنی بەغدا باسیان كردووە و نە ئێمەش چووینەتە ناو ناوەڕۆكی بابەتەكانەوە، ئەوەی هەیە تەنیا رووپێوكردنی ناوچەكانە و دیاریكردنی سەنگەرەكانی هەردوولایە لەسەر نەخشە، چونكە ئەو لیژنەیەی دێن، خاوەنی بڕیار نین و چاوەڕێین تا لیژنەكە بێن و بزانین چی پێویستە بیخەینە بەرباسەوە".

هەفتەی رابردوو سەرۆكوەزیرانی عێراق بڕیاری خەرجكردنی مووچەی وەزارەتی پێشمەرگەی دا، بۆ ئەم پرسەش سوپاسالاری وەزارەتی پێشمەرگەی كوردستان ئاماژەی دا: "بڕیار وایە بەم زووانە شاندێكی وەزارەتی پێشمەرگە سەردانی بەغدا بكات بۆ ئەوەی ئەم بابەتە یەكلا بكاتەوە."

 

نەشوان بەرزنجی




دوایین هەواڵەکان

سەرۆك بارزانی سەرەخۆشی لە خانەوادەی فەرید زامدار دەكات

MONDAY, 22 JULY 2019 13:07:51

بۆ خانەوادەی بەڕێزی خوالێخۆشبوو فەرید زامدار

بە داخەوە ھەواڵی كۆچی دوایی پێشمەرگە و نووسەر و ڕۆشنبیر، كاك (فەرید زامدار)م پێ گەیشت.

حكوومەتی هەرێم 700 یەكەی نیشتەجێبوون دابەش دەكات

MONDAY, 22 JULY 2019 12:07:14

هەولێر-KDP.info- بریكاری وەزارەتی ئاودانكردنەوەی حكوومەتی هەرێمی كوردستان بۆ كاروباری ئاوەدانكردنەوە و نیشتەجێبوون ڕایدەگەیەنێت، پڕۆژەی خزمەتگوزاری بۆ 700 یەكەی نیشتەجێوون دابین كراوە، دوای تەواوبوونی خزمەتگوزارییەكانی یەكەكەكانی نیشتەجێبوونیش، بەسەر هاووڵاتیاندا دابەش دەكرێن.

 
سەرۆكایەتیی شارەوانی: ناوچه‌ی پیشەسازیی باكوور و باشووری ھەولێر دەگوازرێنەوە

MONDAY, 22 JULY 2019 12:07:55

هەولێر-KDP.info- بڕیارە ھەردوو ناوچەی پیشەسازیی باكوور و پیشەسازیی باشوور لە نێو سەنتەری شاری ھەولێر بگوازرێنەوە، گوتەبێژی سەرۆكایەتیی شارەوانیی ھەولێریش دەڵێ: "ئێمە لای خۆمانەوە بڕیاری گواستنەوەی پیشەسازییەكانمان دەكردووە و چاوەڕێی رێكارەكانین لەلایەن پارێزگای ھەولێر و سەرۆكایەتیی ئەنجوومەنی وەزیرانەوە".

 
موبارەك: تەعریبكردن جگە لە دەرەوەی كەركووك لە سەنتەریش بە چڕی دەستی پێكردووە

MONDAY, 22 JULY 2019 11:07:43

كەركووك -KDP.info- بەڕێوەبەری كشتوكاڵی كەركووك گوتی، پڕۆسەی تەعریب لە شاری كەركووك بەردەوامە و لە ئێستادا جگە لە دەوروبەر، پڕۆسەكە لەناو شاری كەركووك بە شێوەیەكی چڕ دەستی پێكردووە، هەروەها توركمانیش لە تەلەعفەرەوە توركمانەكان بۆ ناحیەی تازە لە سنووری كەركووك دەگوازنەوە.

 
كۆنسووڵی فەخریی سریلانكا: پێشكەوتن و ئارامیی كوردستان مایەی خۆشحاڵی كۆنسووڵە فەخرییەكان بوو

MONDAY, 22 JULY 2019 10:07:51

هەولێر-KDP.info- بۆ یەكەمجار 20ی ئەم مانگە هەولێری پایتەخت میوانداریی كۆبوونەوەی دووەمی ئەنجوومەنی كارگێڕیی یەكێتیی عەرەبیی كۆنسووڵە فەخرییەكانی كرد، كۆنسووڵی فەخریی سریلانكا و جێگری سەرۆكی یەكێتیی عەرەبیی كۆنسووڵە فەخرییەكانیش دەڵێ، كۆنسووڵە فەخرییەكانی ئەنجوومەنی كارگێڕیی یەكێتیی عەرەبی، زۆر سەرسام بوون بە پێشكەوتنی هەرێمی كوردستان و لە داهاتوودا پەیوەندییەكانیان لەگەڵ كوردستان بەهێزتر دەكەن.

 


 
© 2018 Kurdistan Democratic Party, KDP