Kurdî  ■  كوردی  ■  عربي
MON, 22 JUL 2019 13:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

گۆڕی بە كۆمەڵ و ئەنفال و بەغدا
| KDP.info


 
سەلام عەبدوڵڵا
 
ئەمڕۆ 14/4 كە یادی كارەساتی بەدناوی ئەنفالە جارێكی تر رووی دەممان دەكەینەوە حكوومەت و پەرلەمانی بەغدا.
 
هەموو بە ڕووخاندنی ڕژێمی بەعس چاوەڕێی ئەوە بووین كە دامەزراندنی حكوومەتی نوێی عێراق، هەموو ئەو بڕیارە چەوت و شۆڤێنیانەی ڕژێمی پێشوو كە دەرهەق گەلی كورد بە ناوی (ئەنجوومەنی باڵای شۆڕش) دەركرابوون و بەو پێیەش سەدان هەزار كورد لە شوێنی باو و باپیرانی خۆیان بەزەبری هێز دەركرابوون هەڵبوەشێنێتەوە و هاوكات قەرەبووی قوربانیانی كیمیاباران و ئەنفال بكاتەوەو بە فەرمی داوای لێبووردن و پەشیمانی لەو تاوانە گەورەیە بكات.
 
كەچی وا شانزە ساڵ تێدەپەڕێت و حكوومەتی عێراق هیچ هەنگاوێكی لەو بارەیەوە نەناوە.
ئەوەتا هەر لەم هەفتەیەدا گۆڕێكی تری بە كۆمەڵ لە پارێزگای (میسان) دۆزراوەتەوە كە سەرجەمیان كوردن و زۆربەشیان ژن و منداڵ و جلی كوردیان شاهیدحاڵی ئەو تاوانە گەورەیەیە، لەگەڵ ئەوەشدا حكوومەت و پەرلەمانی بەغدا كڕوكپ بەرامبەر ئەو تاوانە حاشاهەڵنەگرە دانیشتوون و هیچ هەڵوێستێك بەرامبەری وەرناگرن كە مایەی پرسیار و سەرسوڕمانی هەموو دانیشتوانی هەرێمی كوردستانە.
 
گەر حكوومەت و پەرلەمانەكەی بەغدا پاساوی ئەوە بهێننەوە كە ڕژێمی ئێستای عێراق، بەو تاوانە هەڵنەستاوە، ئەوە پاساوێكی زۆر بێ بایەخ و نامرۆڤانە و بێ ویژدانانەیە.
 
ئەڵمانیا كە لە ئەنجامی تاوانەكانی (هیتلەر) دەرهەق بە جووەكان كرابوو، هەر بە دەستبەكاربوونی یەكسەر داوای لێبووردن و قەرەبووی قوربانیانی ئەو تاوانە ‌قێزەونەی دایەوە و سەدان ملیۆن دۆلاری ساڵانە بۆ ئەو مەبەستە تەرخان كرد و بە هەزاران كتێب و بەڵگەی لەسەر ئەو تاوانە بڵاوكردەوە و پاساوی ئەوەیان نەهێنایەوە كە ئەوان ئەو تاوانە گەورەیەیان ئەنجامنەداوە وەك ئەوەی ئەمڕۆ كاربەدەستانی عێراق و پەرلەمانەكەی بانگەشەی بە ناهەق بۆ دەكەن.
ئیتر كاتی ئەوە هاتووە كە حكوومەتەكەی (عادل عەبدولمەهدی) كە خۆی وەك ئۆپۆزیسیۆنێكی ئەو سەردەمە، ئاگاداری ئەو تاوانە گەورەیەیە، پێویستە لەوە زیاتر ئەم مەسەلەیە دوا نەخات و هەنگاوی گورج و خێرا لە ڕێی حكوومەت و پەرلەمانەوە بنێت بۆ قەرەبووی قوربانیانی ئەنفال و كیمیابارانی هەڵەبجە و شوێنەكانی تر و هاوكات وەك حكوومەت داوای لێبووردن لە گەلی كورد بكات، بەمەش لاپەڕەیەكی نوێ بەرامبەر گەلەكەمان هەڵدەداتەوە.
 
لێرەدا دەبێت ئەوەش بڵێین كە حكوومەتی عێراق دەبێ قەرەبووی برا ئێزیدییەكانمان بكاتەوە، چونكە ئەو تاوانە داعش لەنێو خاكی عێراقدا ئەنجامی داوە.
 



دوایین هەواڵەکان

سەرۆك بارزانی سەرەخۆشی لە خانەوادەی فەرید زامدار دەكات

MONDAY, 22 JULY 2019 13:07:51

بۆ خانەوادەی بەڕێزی خوالێخۆشبوو فەرید زامدار

بە داخەوە ھەواڵی كۆچی دوایی پێشمەرگە و نووسەر و ڕۆشنبیر، كاك (فەرید زامدار)م پێ گەیشت.

حكوومەتی هەرێم 700 یەكەی نیشتەجێبوون دابەش دەكات

MONDAY, 22 JULY 2019 12:07:14

هەولێر-KDP.info- بریكاری وەزارەتی ئاودانكردنەوەی حكوومەتی هەرێمی كوردستان بۆ كاروباری ئاوەدانكردنەوە و نیشتەجێبوون ڕایدەگەیەنێت، پڕۆژەی خزمەتگوزاری بۆ 700 یەكەی نیشتەجێوون دابین كراوە، دوای تەواوبوونی خزمەتگوزارییەكانی یەكەكەكانی نیشتەجێبوونیش، بەسەر هاووڵاتیاندا دابەش دەكرێن.

 
سەرۆكایەتیی شارەوانی: ناوچه‌ی پیشەسازیی باكوور و باشووری ھەولێر دەگوازرێنەوە

MONDAY, 22 JULY 2019 12:07:55

هەولێر-KDP.info- بڕیارە ھەردوو ناوچەی پیشەسازیی باكوور و پیشەسازیی باشوور لە نێو سەنتەری شاری ھەولێر بگوازرێنەوە، گوتەبێژی سەرۆكایەتیی شارەوانیی ھەولێریش دەڵێ: "ئێمە لای خۆمانەوە بڕیاری گواستنەوەی پیشەسازییەكانمان دەكردووە و چاوەڕێی رێكارەكانین لەلایەن پارێزگای ھەولێر و سەرۆكایەتیی ئەنجوومەنی وەزیرانەوە".

 
موبارەك: تەعریبكردن جگە لە دەرەوەی كەركووك لە سەنتەریش بە چڕی دەستی پێكردووە

MONDAY, 22 JULY 2019 11:07:43

كەركووك -KDP.info- بەڕێوەبەری كشتوكاڵی كەركووك گوتی، پڕۆسەی تەعریب لە شاری كەركووك بەردەوامە و لە ئێستادا جگە لە دەوروبەر، پڕۆسەكە لەناو شاری كەركووك بە شێوەیەكی چڕ دەستی پێكردووە، هەروەها توركمانیش لە تەلەعفەرەوە توركمانەكان بۆ ناحیەی تازە لە سنووری كەركووك دەگوازنەوە.

 
كۆنسووڵی فەخریی سریلانكا: پێشكەوتن و ئارامیی كوردستان مایەی خۆشحاڵی كۆنسووڵە فەخرییەكان بوو

MONDAY, 22 JULY 2019 10:07:51

هەولێر-KDP.info- بۆ یەكەمجار 20ی ئەم مانگە هەولێری پایتەخت میوانداریی كۆبوونەوەی دووەمی ئەنجوومەنی كارگێڕیی یەكێتیی عەرەبیی كۆنسووڵە فەخرییەكانی كرد، كۆنسووڵی فەخریی سریلانكا و جێگری سەرۆكی یەكێتیی عەرەبیی كۆنسووڵە فەخرییەكانیش دەڵێ، كۆنسووڵە فەخرییەكانی ئەنجوومەنی كارگێڕیی یەكێتیی عەرەبی، زۆر سەرسام بوون بە پێشكەوتنی هەرێمی كوردستان و لە داهاتوودا پەیوەندییەكانیان لەگەڵ كوردستان بەهێزتر دەكەن.

 


 
© 2018 Kurdistan Democratic Party, KDP