Kurdî  ■  كوردی  ■  عربي
FRI, 26 APR 2019 19:25 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیامی پیرۆزبایی مەكتەبی سیاسی پارتی دیموكراتی كوردستان بەبۆنەی جەژنی نەورۆزەوە
| KDP.info


هەولێر-KDP.info-  بەبۆنەی جەژنی نەتەوەیی نەورۆز و هاتنەوەی سەری ساڵی كوردیەوە، مەکتەبی سیاسی پارتی دیموکراتی کوردستان پەیامێکی پیرۆزبایی راگەیاند کە ئەمە دەقەکەیەتی:

بەبۆنەی جەژنی نەتەوەیی نەورۆز و هاتنەوەی سەری ساڵی كوردیەوە، چەپكە نێرگزی پیرۆزبایی پێشکەشی گەلەكەمان لە كوردستان و هاونیشتیمانیان لە سەرتاسەری جیهان دەكەین، پیرۆزبایی لە خانەوادە و كەسوكاری شەهیدە نەمرەكان و پێشمەرگە قارەمانەکان دەكەین و، هیوادارین ئەو بۆنە پیرۆزە موژدەی ساڵێكی پڕهات و خێر و خۆشی پێ بێت بۆ كوردستانیانی خۆشەویست و خۆراگر.


نەورۆز، دیرۆكی دێرینی بەر لە هەزاران ساڵی نەتەوەكەمانە و لە نێوكوولتوری رەسەنی میللیماندا سەریهەڵدا  و سەرچاوەی گیانی مانەوە و خۆراگری بووە، هەروەك نەریتێكی نەمرو جەژنێكی مێژوویی و نەتەوەیی، نیشانەی ژیاندۆستی و رابوون و هێمای خۆری ئازادی و تێكشكاندنی زنجیری ژێردەستی و زۆرداری بووە.


نەورۆز، وەك داستانێكی مێژوویی و رۆژێكی چارەنووسساز، هەردەم سروشبەخشی بەرەنگاریی و شۆڕش بووە دژ بە ستەم و چەوساندنەوە، هەروەها ئەڵقەیەكی گرنگی نێو زنجیرەی راپەڕینەكانی ئاداری (1991) ە، كە هاوكاتە لەگەڵ سەرهەڵدان و راپەڕینی شاری كەركووكی دڵی كوردستان، لەگەڵ ئازادكردنی شاری برایەتی و خۆراگریی، هەر بەو بۆنەیەوەو بە یادی (28) هەمین ساڵیادی راپەڕینی شاری كەركووك، وێرای هەلومەرجی ناهەموارونەویستراوی ئەو شارە خۆشەویستە، پیرۆزباییەكی گەرم لە هاووڵاتیان و  خەڵكی ئەو شارە دەكەین و هیوای بەختەوەری و ئاسوودەیی و سەرفرازیان بۆ دەخوازین.
 
  نەورۆز، سەری ساڵی كوردی و یەكەم رۆژی وەرزی بەهارەو پەیامی نوێبوونە و هەبوونی نەتەوەیی و نیشتیمانی گەلەكەمانە، لەو هەلومەرجە هەستیارەی ئەمڕۆشماندا هیواخوازین جەژنی نەورۆز وەك چۆن سیمبوولی تێكۆشانی نەتەوەیی و نیشتیمانیمانە، ئاوهاش هاندەر و مایەی پتەوبوونی هاوهەڵوێستی و یەكڕیزی  و برایەتی گشت پارت و لایەنە سیاسیییەكان بێت تا بتوانین بە یەكخستنی هەوڵ و كۆششەكانمان زیاتر داكۆكی لە دەسكەوتە نەتەوەیی و نیشتیمانییەكانمان بكەین و هەنگاوی كاراتر بنێین بۆ چارەسەركردنی كێشەكان و بەدیهاتنی ئامانجە نزیك و دوورەکانی گەلەكەمان.


  لەم جەژنی نەورۆز دا ئێمە لە پارتی دیموكراتی كوردستان وەکو ھەمیشە جەخت دەكەینەوە لەسەر هەماهەنگیی و یەكدەنگیی سەرجەم هێز و لایەنە سیاسییەکانی كوردستان بۆ بەڕێوەبردنی وڵات و ھاوکات بۆ پێكهێنانی كابینەی نوێی حكومەت و زیاتر پتەوكردنی گیانی بەرپرسیاریەتی و نیشتیمانی و رەخساندنی زەوینەیەكی ئەوتۆ کە كۆتایی بە گیروگرفت و كێشەكان بهێنین و لە ئاست خواست و داواکاری جەماوەر و زیاتر لە خەمی خۆشگوزەرانی و ئارامیی تێکڕای هاووڵاتیان دابین.


یادی نەورۆز، هاندەر و هەوێنی بەردەوام بوونی خەبات و تێكۆشان و ئومێدبەخشی زیاترمانە بۆ بەدیهێنانی مافەكانمان و بەرقەراربوونی زێتری سەقامگیریی و ئاسوودەیی...
جارێكی دیكە جەژنی دێرین و مێژوویی و نەتەوەییمان، جەژنی نەورۆز و سەری ساڵی 2719ی کوردی لە هاووڵاتییان و تێكڕای كوردستانیانی خۆشەویست، پیرۆز بێت...


مەكتەبی سیاسی
پارتی دیموكراتی كوردستان


1ی خاكەلێوەی2719ی كوردی
21ی ئاداری 2019ی زایینی




دوایین هەواڵەکان

نێچیرڤان بارزانى و مایك پێنس دۆخى كوردستان و عێراق تاوتوێ ده‌كه‌ن

THURSDAY, 25 APRIL 2019 23:04:56
هەولێر-KDP.info- به‌ڕێزان نێچیرڤان بارزانى سه‌رۆك وه‌زیرانى هه‌رێمى كوردستان و مایك پێنس جێگرى سه‌رۆكى ئه‌مه‌ریكا له‌ په‌یوه‌ندییه‌كى ته‌له‌فۆنیدا دوایین پێشهاته ئه‌منییه‌كانى ناوچه‌ كێشه‌ له‌سه‌ره‌كان و پرۆسه‌ى سیاسییان له‌ هه‌رێمى كوردستان تاوتوێ كرد.
 
نێچیرڤان بارزانی و شاندێكی كۆنگرێسی ئه‌مه‌ریكا دۆخى كوردستان و ناوچه‌كه‌ تاوتوێ ده‌كه‌ن

THURSDAY, 25 APRIL 2019 21:04:50
 
هەولێر-KDP.info- به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان له‌گه‌ڵ شاندێكی كۆنگرێسی ئه‌مه‌ریكا دۆخی سیاسی و ئه‌منیی ناوچه‌كه‌ به‌گشتی، ڕه‌وشی ئاواره‌كانی ده‌ستی تیرۆر و په‌یوه‌ندییه‌كانى هه‌رێمى كوردستان و ئه‌مه‌ریكاى تاوتوێ كرد. 
جێگری سەرۆكی پەرلەمان پێشوازیی لە شاندێكی ڕێكخراوی خێرخوازیی مەسیحیی ئەمەریکی کرد

THURSDAY, 25 APRIL 2019 19:04:13

هەولێر-KDP.info-  پاشنێوەڕۆی ئەمڕۆ، پێنچشەممە ٢٥ی نیسانی ٢٠١٩، هێمن هەورامی، جێگری سەرۆكی پەرلەمانی كوردستان، لە نووسینگەی تایبەتیی خۆی پێشوازیی لە شاندێكی ڕێكخراوی خێرخوازیی مەسیحیی ئەمەریکی (S.R.I)، بە سەرۆكایەتیی مایكل پۆپ ستار و شاندی یاوەری كرد.  

 
فوئاد حوسێن بە سەرۆكی خولی داهاتووی بانكی عەرەبی بۆ گەشەپێدانی ئابووری هەڵبژێردرا

THURSDAY, 25 APRIL 2019 17:04:20

هەولێر-KDP.info- هەردوو ئەنجومەنی پارێزگارانی بانكی عەرەبی بۆ گەشەپێدانی ئابووری، د. فوئاد حوسێنیان بە سەرۆكی خولی داهاتوو هەڵبژارد.

 
ئەنەکەسە: پشتیوانی لە دەستپێشخەریی فەرەنسا دەکەین

THURSDAY, 25 APRIL 2019 17:04:33

دهۆک-KDP.info-  ئەندامی سەرۆکایەتیی ئەنجومەنی نیشتمانیی کورد لە سووریا ڕایگەیاند، پشتیوانی لە هەموو هەوڵ و دەستپێشخەرییەک دەکەن کە بۆ بەرژەوەندیی کورد بیت.

 


 
© 2018 Kurdistan Democratic Party, KDP