ئاکرێ-KDP.info- بەرپرسێ کەلا کەڤن ل ئاکڕی ددەتە دیارکرن، ئاکرێ ناڤ و دەنگیا خۆ هەیە ب هەلکرنا ئاگرێ نەورۆزێ ئەڤ ساڵە ژی دێ ب بەرفرەهترین شێوە پێشوازیێ ل جەژنا نەورۆزی کەن.

سەعید ئاکرەیی، د داخویانیەکا ماڵپەرێ فەرمیی یێ پارتی دیموکراتی کوردستان گۆت:'' کەلها کەڤن لسەردەمێ رژێما بەحس یا ژناڤچۆیی و ل بن سێبەرا توپێن دوژمنی ئاگرێ نەوروزێ یێ هەلکری و گەنجێت مە جانێ خو یێ ئێخستیە دمەترسیێ دا و ل سایەیێ ئازادیا نها ئەم تێدا دژین گەنجێت بخورترن و بهێزترن و پێشوەخت پیلان دهێنە دارێشتن بو هەلکرنا ئاگرێ نەوروزێ.

ناڤهاتی گۆتژی:'' مە وەک گروپێ کەلاکەڤن بەردەوامی دایە فێ رێبازێ و هەردەم کەلها کەڤن ب ئاگری د خەملینن ئەڤ سالە ئەم هەمی ب ئێک دل و ئێک هەست و ئێک سوز دێ چالاکیێن خو نمایش کەین ب رەنگەکێ جودا و سەرنج راکێش''.

ئاکرەیی ئەو یەکە ژی دیارکر، کو و چالاكیێت مه‌ ب هه‌ماهه‌نگی دێ د گه‌ل گروپێ پێشمه‌رگه‌ بن مه‌ ب هه‌ڤرا ئاڵایه‌كێ كوردستانێ دروست كریه‌ ب درێژاهیا 60 مێترا و پانیا 10 مێتران.

ل داویێ گۆتژی:'' ئه‌م وه‌ك گروپێ كه‌لا كه‌ڤن بوو ئه‌ڤ ساله‌ مه‌ 400 خه‌تیرێن ئاگری دروست كرینه‌ و دگه‌ل 2000 توپێن ئاگری و دگەل 25 توپێن زڤروک کو دهێنە زڤراندن كوو دێ ب جوانترین شێوه‌ كه‌لا كه‌ڤن خه‌ملینین.و دێ ئه‌ڤ ساله‌دا جیاواز ل سالێن دیتر د ئاگرێ ل كه‌لا كه‌ڤن هێته‌ هه‌ل كرن, ئه‌و ژی دێ خه‌تیرێن ئاگری به‌نه‌ سه‌ری  و ئینن خوار ''.

کــاروان بــاعەدری