Kurdî  ■  كوردی  ■  عربي
WED, 24 JUL 2019 10:34 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە
| KDP.info


هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

بە گوێرەی لیكدانەوەی چاودێران و پسپۆڕانی ئابووری، دۆخی ئابووریی هەرێمی كوردستان بەرەو باشتر هەنگاو دەنێت و ئاسەوارەكانی قەیرانی دارایی كاڵ دەبنەوە و نامێنن. پێوەست بە داهاتووی دۆخی ئابووریی هەرێمی كوردستان، عوسمان شوانی، سكرتێری ئەنجوومەنی باڵای ئابووری لە ئەنجوومەنی وەزیرانی هەرێمی كوردستان، بە ماڵپەڕی فەرمیی پارتیی دیموكراتی كوردستانی راگەیاند: "هەڵگرتنی پاشەكەوتی مووچە، دەستپێكردنەوەی پڕۆژەكان، ئاساییبوونەوەی پەیوەندییەكانی هەرێم و بەغدا و هەوڵەكانی پێكهێنانی حكوومەتی نوێی هەرێم و ڕێككەوتنی لایەنەكان، كاریگەری ئەرێنیی ڕاستەوخۆیان هەبووە لەسەر ئابووری و داهاتووی ئابووری لە هەرێمی كوردستان. جموجۆڵی بازرگانی و پیشەسازی و، كشتوكاڵ و گەشتوگوزار، دەرخەری ئەو ڕاستییەن كە ئابووریی هەرێم بەرەو باشتر دەچێت و تۆكمەتر دەبێت".

لە ئێستادا پاشەكەوتی مووچەی فەرمانبەرانی هەرێم بوونی نەماوە و بەشێكی زۆری پڕۆژە وەستاوەكان دەستیان بە كارەكانیان كردووەتەوە. پێوەست بە گەرەنتیكردنی تێكنەچوونەوەی باری دارایی هەرێمی كوردستان، عوسمان شوانی ئاماژەی بۆ ئەوە كرد: "گەرەنتیی تێكنەچوونەوەی باری دارایی هەرێم، پەیوەندی بە بودجە و پەیوەندییەكانی نێوان هەرێم و بەغداوە هەیە. بەپێی پڕۆژەیاسای بودجەی ئەم ساڵی عێراق، ئیستیحقاقی هەرێمی كوردستان ڕەوانە دەكرێت. هەروەها پەیوەندی بە ڕەوشی سیاسیی نێوان عێراق و هەرێمەوە هەیە، هەرچەندە ڕەوشی ناوچەكە جێگر نییە، بەڵام پێم وانییە شتێكی نەخوازراو بێتە پێش و كێشە لە پەیوەندییەكانی هەردوو لا دروست بكات."

سكرتێری ئەنجوومەنی باڵای ئابووری لە ئەنجوومەنی وەزیرانی هەرێم ئاشكرایشی دەكات: "لە دواكۆبوونەوەی ئەنجوومەنی وەزیرانی حكوومەتی هەرێمی كوردستان، بڕیار دراوە لە ماوەیەكی نزیكدا وەفدی هەرێم و بەغدا لەسەر بابەتی نەوت و دارایی كۆ ببنەوەو، گفتوگۆ لەگەڵ وەزارەتی نەوتی عێراق بكرێت بۆ گەیشتن بە ڕێككەوتنێكی تازە."

 

سەرباز واحید

 




دوایین هەواڵەکان

سه‌رۆكی هه‌رێمی كوردستان پیرۆزبایی له‌ بۆریس جۆنسۆن ده‌كات

TUESDAY, 23 JULY 2019 20:07:14

هەولێر-KDP.info-  به‌ڕێز نێچیرڤان بارزانی سه‌رۆكی هه‌رێمی كوردستان له‌ نامه‌یه‌كدا پیرۆزبایی له‌ به‌ڕێز بۆریس جۆنسۆن ده‌كات به‌بۆنه‌ی هه‌ڵبژاردنییه‌وه‌ به‌ سه‌رۆكی پارتی پارێزگارانی به‌ریتانیا و هیوای سه‌ركه‌وتنی بۆ ده‌خوازێت له‌ كار و ئه‌ركی نوێیدا، ئه‌مه‌ ده‌قی نامه‌كه‌یه‌:

حكوومه‌تی هه‌رێم دامه‌زراوه‌ی نیشتمانیی خۆراك و ده‌رمان داده‌مه‌زرێنێت

TUESDAY, 23 JULY 2019 20:07:30

هەولێر -KDP.info- سه‌رۆكی لیژنه‌ی ده‌رمانی په‌رله‌مانی كوردستان ڕایگەیاند، لە ماوەیەکی نزیکدا دامه‌زراوه‌ی نیشتمانیی خۆراك و ده‌رمان له‌ كوردستان داده‌مه‌زرێت و هیچ كۆمپانیایه‌ك بۆی نابێت ده‌رمان بێنێته‌ هه‌رێمی كوردستان و نرخی ده‌رمانیش له‌ سه‌رتاسه‌ری هه‌رێمی كوردستان ڕێك ده‌خرێت.

 

"پەکەکە سەرانە لە شوێنە گەشتیارییەکانی زاخۆ وەردەگرێت"

TUESDAY, 23 JULY 2019 18:07:05

زاخۆ-KDP.info- چەکدارانی پەکەکە سەرانە لە شوێنە گەشتیارییەکانی سنووری قەزای زاخۆ وەردەگرن و بەڕێوەبەری گەشتوگوزاری قەزاکەش دەڵێ، پەکەکە زیانی گەورەی بە کەرتی گەشتیاری گەیاندووە و چەندین شوێنی گەشتیاری بەھۆی ھەبوونی پەکەکەوە ئاوەدانییان بۆ نەچووە.

 

وەزیری ناوخۆ پێشوازیی لە كونسووڵی گشتیی توركیا کرد

TUESDAY, 23 JULY 2019 17:07:10

هەولێر-KDP.info- ئەمڕۆ، سێشەممە ٢٣/٧/٢٠١٩، ڕێبەر ئەحمەد، وەزیری ناوخۆی حكوومەتی هەرێمی كوردستان لە دیوانی وەزارەت پێشوازیی لە هاكان كاراچای، كونسووڵی گشتیی توركیا لە هەرێمی كوردستان و شاندێكی یاوەری كرد.

 

"بە مەرجی پارتی ئەوانەی ناویان لە لیژنەی ماددەی ١٤٠دا نەبێت ناتوانن بەشداریی ھەڵبژاردن بکەن"

TUESDAY, 23 JULY 2019 17:07:10

بەغدا-KDP.info-  دوێنێ پەرلەمانی عێراق بڕیاری دا ساڵی داھاتوو ھەڵبژاردنی ئەنجومەنی پارێزگاکانی عێراق بەڕێوە بچێت و سەرۆکی فراکسیۆنی پارتییش پێی وایە، ڕەوشی کەرکووک گونجاو نییە بۆ ھەڵبژاردن و دەشڵێ، پارتی بڕگەیەکی لە بەرژەوەندیی کەرکووک لە نێو یاساکەدا جێگیر کردووە.

 



 
© 2018 Kurdistan Democratic Party, KDP