Kurdî  ■  كوردی  ■  عربي
WED, 21 AUG 2019 02:11 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

له‌ قاهیره‌ نێچیرڤان بارزانی به‌ باشترین و به‌هێزترین كه‌سایه‌تی سیاسی ده‌ستنیشان كرا
| KDP.info


قاهیرە-KDP.info-  رۆژی ٨ / ٣ / ٢٠١٩ له‌ قاهیره‌ی پایته‌ختی میسر و له‌ هۆڵی نجیب محفوز له‌ ده‌زگای رۆشنبیری و ڕاگه‌یاندنی (الاهرام) كۆنفڕانسی قاهێره‌ى نێوده‌وڵه‌تی بۆ پێشه‌نگه‌كانی ساڵ (مۆتمر القاهرە للریادە ) كه‌ له‌ لایه‌ن (المۆسسە العربیە للعلاقات الدبلوماسیە و حقوق الانسان) و ( الجمعیە المصریە الافرواسیویە للفنون و الپقافە و الاداب) و ( اتحاد الخلیج العربى للتنمیە و التدریب و الاستشارات) و ( منڤمە كتاب بلا حدود – الشرق الاوسط) رێكخراوه‌و تێدا  نێچیرڤان بارزانی سه‌رۆكی حكوومه‌تی هه‌رێمی كوردستان رێزلێنان و ته‌قدیری باشترین و به‌هێزترین كه‌سایه‌تی سیاسی پێبه‌خشرا.


كۆنفراسه‌كه‌ له‌ لایه‌ن ( محمد ئه‌لعورابی) وه‌زیری پێشووتری میسرو سه‌رۆكی پێشووی كۆمكاری عه‌ره‌بی به‌ڕێوه‌چوو كه‌ تێدا چه‌ندین كه‌سایه‌تی سیاسی و نێوه‌ندی ئه‌كادیمی و میدیایی و رۆشنبیری و هونه‌ری له‌ چوارده‌ وڵاتی عه‌ره‌بی تێدا به‌شداربوون .كه‌ تێیدا نێچیرڤان بارزانی سه‌رۆكی حكوومه‌تی هه‌رێمی كوردستان به‌ باشترین و به‌هێزترین كه‌سایه‌تی سیاسی ده‌ستنیشان كرا.
له‌ هۆڵی كۆنفڕانسه‌كه‌ ئاڵای كوردستان له‌ ته‌نیشت ئاڵای وڵأتانی عەرەبى  و وه‌ك وڵاتێكی سه‌ربه‌خۆ مامه‌ڵه‌یان كرد. له‌ وتارێكدا عەلى غدیر سه‌رۆكی لیژنه‌ی ئاماده‌كاری كۆنفڕانسی قاهیره‌ بۆ پێشه‌نگه‌كان (مۆتمر القاهرە للریادە) سوپاسی ئاماده‌بوونی شاندی هه‌رێمی كوردستانی كرد بۆ به‌شداریكردن له‌ كۆنفڕانسه‌كه‌و ڕۆڵ و پێگه‌ی هه‌رێمی كوردستان له‌ ناوچه‌كه‌و كاریگه‌ری هێزی پێشمه‌رگه‌ی كوردستان  له‌ شه‌ڕی تێرۆریستانی داعشی به‌ڕێزه‌ و وه‌سفكرد و ده‌قیقەیەک بۆ روحی شه‌هیدانی هێزه‌ چه‌كداره‌كانی میسر و سوپای عێراق و هێزی پێشمه‌رگه‌ى كوردستان وه‌ك رێزلێنانێك له‌ شه‌ڕی دژی تیرۆر وەستان.


پاشان پرۆفایلێك ده‌رباره‌ی هه‌رێمی كوردستان و ڕۆڵی سەرۆكى حكوومەت و حكوومه‌تی هه‌رێمی كوردستان  له‌و پێشكه‌وتنانه‌ی كه‌ هاتوونه‌ته‌دی بەشێوەی ڤیدیۆ بۆ ئامادەبووان نمایش کران. له‌ وته‌یه‌كیدا محەمەد ئه‌لعورابی وه‌زیری پێشووتریی میسرو ئه‌مینداری پێێشووی كۆمكاری عه‌ره‌بی له‌ وته‌یه‌كیدا تیشكی خسته‌ سه‌ر گرینگی كۆنفڕانسه‌كه‌و رێزلێنانی كه‌سایه‌تییه‌كان به‌ تایبه‌تی رێزلێنان و به‌رزاگرتنی رۆڵی نێچیرڤان بارزانی و حكوومه‌تی هه‌رێمی كوردستان و عێراق به‌ هۆكارێكی گه‌وره‌ی زانی بۆ زیاتر په‌ره‌پێدانی پێوه‌ندییه‌كانی عێراق و كوردستان و میسرو وڵاتانی عه‌ره‌بی.

ئینجا ڕێوڕه‌سمی دابه‌شكردنی ڕێزلێنان و خه‌ڵات ده‌ستیپێكرد و مه‌ڕاسیمه‌كه‌ به‌ پێشكه‌شكردنی قه‌ڵغانی پێشه‌نگ وه‌ك باشترین و به‌هێزترین كه‌سایه‌تی له‌ لایه‌ن محەمەد ئه‌لعورابی وه‌زیری پێشووتری میسر و ئه‌مینداری گشتی پێشووی كۆمكاری عه‌ره‌بی  پپێشكه‌ش به‌ كه سایەتى  به‌رێز نیچیرڤان بارزانی سه‌رۆكی حكوومه‌تی هه‌رێمی كوردستان كرا و له‌ لایه‌ن شاندی هه‌رێمی كوردستانه‌وه‌ رێزلێنانه‌كه‌ وه‌رگیرا.

هه‌ر له‌ كۆنفڕانسه‌كه‌ دا محمد ئه‌لحلبووسی سه‌رۆكی ئه‌نجوومه‌نی نوێنه‌رانی عێراق و شێخ عه‌بدوله‌تیف ئه‌لهومه‌یم سه‌رۆكی دیوانی وه‌قفی سوننی له‌ عێراق و ژمارەیەک کەسایەتی سیاسى و ئابوورى و رۆشنبیرى له میسر و وڵاتانى عەرەبی رێزیان لێنرا .




دوایین هەواڵەکان

خه‌سره‌و گۆران: چه‌ند تێبینییه‌كمان به‌فه‌رمی داوه‌ته‌ نه‌ته‌وه‌ یه‌كگرتووه‌كان

TUESDAY, 20 AUGUST 2019 18:08:55

هه‌ولێر-KDP.info - به‌رپرسی ده‌زگای هه‌ڵبژاردنه‌كانی پارتی دیموكراتی كوردستان باس له‌ ئاماده‌كاریی پارتی ده‌كات بۆ هه‌ڵبژاردنه‌كانی داهاتووی ئه‌نجومه‌نی پارێزگاكان و ده‌ڵێت، ئه‌وه‌ی گرنگه‌ پارتی هه‌میشه‌ ئاماده‌یه‌ بۆ هه‌ڵبژاردن و له‌گه‌ڵ ئه‌وه‌شدا تێبینی و سه‌رنجی خۆیان له‌سه‌ر بڕیاره‌كه‌ی كۆمسیۆن هه‌یه.

 

"سێ ئەندامی کۆنتڕۆڵی ئەزموونەکان بەھۆی کەموکووڕیی پرسیارەکانەوە سزا دراون"

TUESDAY, 20 AUGUST 2019 16:08:13

هەولێر‌-KDP.info- بەرپرسێکی وەزارەتی پەروەردە ئاشکرای کرد، بەھۆی ئەو کەموکووڕیانەی لە پرسیارەکانی ئەزموونی ئەمساڵی ١٢ی ئامادەیی ڕوویان داوە سێ کەس سزا دراون و دەشڵێ، لەمەودوا وەزارەت ڕێکاری پێویست دەگرێتە بەر بۆ ئەوەی، دووبارە نەبێتەوە.

 
ورده‌كاریی هۆكاری دابه‌شنه‌كردنی 450 پارچه‌زه‌وی له‌ هه‌ڵه‌بجه‌

TUESDAY, 20 AUGUST 2019 16:08:18

هه‌ڵه‌بجه- KDP.info - ژماره‌یه‌ك له‌ كه‌سوكاری شه‌هیدانی كیمیابارانی هه‌ڵه‌بجه‌ زه‌وییان پێ نه‌دراوه‌، کە 700 خانه‌واده‌ی شه‌هید ده‌بن و 450 خانه‌واده‌یان فه‌رمانی وه‌رگرتنی زه‌وییان له‌ ئه‌نجومه‌نی وه‌زیران هه‌یه. سه‌رۆكی شاره‌وانیی هه‌ڵه‌بجه‌ ده‌ڵێ، كێشەیان له‌گه‌ڵ ئه‌و كه‌سانه‌ هه‌یه‌ كه‌ زیاتر له‌ 40 ساڵه‌ زه‌وییه‌كانیان به‌ده‌سته‌وه‌یه‌، له ‌كاتی پێدانی زه‌وی به‌ چینوتوێژه‌كانی هه‌ڵه‌بجه تووشی گرفتیان ده‌كه‌ن.

 

بە ھۆی مەترسیی پەكەكەوە ژمارەیەك شوێنی گەشتیاری لە دھۆك داخراون

TUESDAY, 20 AUGUST 2019 13:08:21

دهۆك-KDP.info- لە ھەندێ ناوچەی پارێزگای دھۆك، چەكدارانی پارتی كرێكارانی كوردستان "پەكەكە" سەرانە لە خاوەن شوێنە گەشتیارییەكان وەردەگرن، بەڕێوەبەرایەتیی گشتیی گەشتوگوزاری دھۆكیش ھۆشداری داوە، بە ھیچ شێوەیەك مامەڵە لەگەڵ پەكەكە نەكرێت و سەرانەیان پێ نەدرێت.

 
ئەحمەد سابیر بۆ KDP: ھەلی كار بۆ ٦ ھەزار دەرچوو دەڕەخسێندرێت

TUESDAY, 20 AUGUST 2019 13:08:52

ھەولێر-KDP.info- وەزارەتی پەروەردە چەند بڕیارێكی نوێی دەكردووە، سەرۆكی یەكێتیی مامۆستایانی كوردستانیش پێی وایە، بڕیارەكان دروستن و ھەلی كار بۆ نزیكەی ٦ ھەزار دەرچووی زانكۆكان دەڕەخسێنێت.

 


 
© 2018 Kurdistan Democratic Party, KDP